Cuisniú
![](http://upload.wikimedia.org/wikipedia/commons/thumb/8/83/Kuehlregal_USA.jpg/250px-Kuehlregal_USA.jpg)
Fuarú, trí ghalú den chuid is mó. Feidhmíonn an cuisneoir is córais aerchóirithe ar an bprionsabal seo. I gcóras mar seo, bíonn leacht cuisnithe (Freon, mar shampla) istigh i gcóras iata píobán. Brúitear gal an leachta seo le caidéal isteach i gcomhdhlúthadán, áit a gcomhdhlúthaíonn sí ina leacht the. Bíonn an comhdhlúthadán taobh amuigh den chuisneoir agus cailleann sé teas go dtí timpeallacht an tseomra, rud a fhuaraíonn an leacht ann. Ansin ritheann an leacht fhuar trí chomhla leata isteach i bpíobán ar thrasghearradh níos mó, áit a ngalaíonn an leacht is a dtógann an teas folaigh galaithe ón timpeallacht. Mar seo, fuaraítear timpeallacht an ghalaitheora, a bhíonn taobh istigh de bhosca teasdíonta an chuisneora. Uaidh sin téann an ghal tríd an gcaidéal agus timpeall an chiorcaid arís is arís eile.[1]
Tagairtí
[cuir in eagar | athraigh foinse]- ↑ Hussey, Matt (2011). "Cuisniú". Fréamh an Eolais. Coiscéim. p. 193.
![]() | Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir. |
![]() | Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |