Rangers F.C.
Este artigo ou apartado contén afirmacións non neutrais e/ou texto que promociona o tema tratado de forma subxectiva sen achegar información neutral e verificable. Por favor, axude mellorando este artigo. |
O Rangers Football Club é un club de fútbol da localidade de Glasgow (Escocia) que adoita ser chamado Glasgow Rangers inda que oficialmente ese nome non o posúa ningún equipo de fútbol. Este costume de darlle esta denominación a puxeron ben de moda os comentaristas ingleses dos partidos de fútbol que falaban do Glasgow Rangers para tentar face-la diferenciación con respecto ó Queens Park Rangers londiniense. Tamén ten denominacións alternativas coma os alcumes "The Gers" que non deixaría de se-la abreviación de The Rangers, "Light Blues" pola cor da súa camisola e "The Teddy Bears" pola rima que isto fai con Rangers.
Rangers | ||||
---|---|---|---|---|
Nome | Rangers Football Club | |||
Alcume(s) | The Gers; The Teddy Bears; The Light Blues | |||
Fundación | Marzo, 1872 | |||
Estadio | Ibrox Stadium, Glasgow, Escocia | |||
Inauguración | 1899 | |||
Capacidade | 50.817 | |||
Propietario | Rangers International Football Club Plc | |||
Presidente | ![]() | |||
Adestrador | ![]() | |||
Liga | Scottish Premiership | |||
2021/22 | 2.º | |||
Vestimenta | Castore | |||
Patrocinador | 32Red | |||
Na rede | ||||
http://www.rangers.co.uk/ | ||||
![]() ![]() ![]() ![]() ![]() | ||||
| ||||
En 2012 o Rangers F.C. entrou nunha profunda crise financeira debido a problemas coa administración de impostos do Reino Unido, polo que o 14 de xuño do mesmo ano, tras non poderse solucionar a dura situación económica do club, o equipo desapareceu, véndose obrigado a refundarse na Terceira División escocesa.
Historia
editarClub nado no 1872 e que foi o primeiro do mundo en acadar 55 títulos do se campionato nacional de liga e tamén o que pode fachendear de se-lo pioneiro en sumar 100 títulos oficiais (ó remate da tempada 2012-13 xa acumulaba 117).
É moi sonada a grande rivalidade que o Rangers ten co Celtic. É o derbi por excelencia de Escocia e pode que do mundo posto que o mesmo Sir Alex Ferguson fala na súa autobiografía de que endexamais vira nun enfrontamento de rivalidade unha atmosfera e unha paixón semellantes ás que se poden vivir nos encontros entre Celtic e Rangers. E tamén boa conta disto pode dala o futbolista ferrolán do Rangers Nacho Novo que recoñeceu nunha entrevista concedida a un xornal deportivo que aquilo era impresionante e que se algún compañeiro lle quería dicir algo, como estivese a 3 ou 4 metros xa non oía o que lle quería comentar. Tanto esta rivalidade, por intres da historia esaxerada, coma cando se fai referencia a ámbolos dous clubs se fala do Old Firm.
O primeiro equipamento do equipo é o de camisola cor azul, pantalonciño cor branca e medias azuis. En canto ó segundo equipamento hai que salientar que foi mudando ó longo dos anos pero por pór un exemplo a da tempada 2005-2006 era con camisola branca cunha franxa vermella cruzando verticalmente o peito dende o pescozo, pantalonciño azul e medias brancas.
O estadio que acolle os seus encontros coma locais é o de Ibrox Stadium cunha capacidade para 50.987 persoas sendo tódalas bancadas de sentar. Ademais este estadio é un cinco estrelas segundo criterios UEFA e é o terceiro en capacidade de público de Escocia tan só por detrás, e nesta orde, do Celtic Park e do Hampden Park onde xoga a Seleción Escocesa de Fútbol tódolos seus encontros oficiais coma local a non ser que haxa algún problemiña.
O maior fito da historia do Rangers de seguro que foi a consecución da xa extinta Recopa no ano 1972 tras derrotar ó Dínamo de Moscova no Camp Nou por 3-2.
O equipo do Rangers tamén é coñecido por se-lo conxunto dos protestantes de Escocia. E ós seus seareiros se lles coñece coma "Bears" e "Bluenoses".
Xogadores
editarActualizado 13 de xuño de 2018
|
|
Adestradors
editarNome | Nacionalidade | Período | Liga | Copa | Copa da Liga | UEFA | Total |
---|---|---|---|---|---|---|---|
William Wilton | Escocia | 1899-1921 | 8 | 1 | — | — | 9 |
Bill Struth | Escocia | 1921-1954 | 18 | 10 | 2 | — | 30 |
Scot Symon | Escocia | 1954-1967 | 6 | 5 | 4 | — | 15 |
David White | Escocia | 1967-1969 | 0 | 0 | 0 | 0 | 0 |
William Waddell | Escocia | 1969-1972 | 0 | 0 | 1 | 1 | 2 |
Jock Wallace | Escocia | 1972-1978 | 3 | 3 | 2 | 0 | 8 |
John Greig | Escocia | 1978-1983 | 0 | 2 | 2 | 0 | 4 |
Jock Wallace | Escocia | 1983-1986 | 0 | 0 | 2 | 0 | 2 |
Graeme Souness | Escocia | 1986-1991 | 3 | 0 | 4 | 0 | 7 |
Walter Smith | Escocia | 1991-1998 | 7 | 3 | 3 | 0 | 13 |
Dick Advocaat | Países Baixos | 1998-2001 | 2 | 2 | 1 | 0 | 5 |
Alex McLeish | Escocia | 2001-2006 | 2 | 2 | 3 | 0 | 7 |
Paul Le Guen | Francia | 2006-2007 | 0 | 0 | 0 | 0 | 0 |
Walter Smith | Escocia | 2007-2011 | 3 | 2 | 3 | 0 | 8 |
Ally McCoist | Escocia | 2011-2014 | 2 | 0 | 0 | 0 | 2 |
Mark Warburton | Inglaterra | 2015-2017 | 1 | 0 | 0 | 0 | 1 |
Pedro Caixinha | Portugal | 2017 | 0 | 0 | 0 | 0 | 0 |
Graeme Murty | Escocia | 2017-2018 | 0 | 0 | 0 | 0 | 0 |
Steven Gerrard | Inglaterra | 2018-presente | 1 | 0 | 0 | 0 | 1 |
Os adestradores intermedios foron Willie Thornton (2 partidos en 1969), Tommy McLean (4 partidos en 1983), Ian Durrant (1 partidos en 2007) e Graeme Murty (6 partidos en 2017).
Xogadores famosos
editar- Categoría principal: Xogadores do Rangers FC.
- Jim Baxter (1960–1965, 1969–1970)
- Sandy Jardine (1967–1982)
- Derek Johnstone (1970–1982)
- Ally McCoist (1983–1998)
- Terry Butcher (1986–1990)
- Graeme Souness (1986–1991)
- Richard Gough (1987–1997)
- Andy Goram (1991–1998)
- Brian Laudrup (1994–1998)
- Paul Gascoigne (1995–1998)
- Rino Gattuso (1997–1998)
- Lorenzo Amoruso (1997–2003)
- Barry Ferguson (1997–2003, 2005–2009)
- Giovanni van Bronckhorst (1998–2001)
- Andrei Kanchelskis (1998–2000, 2001–2002)
- Stefan Klos (1999–2007)
- Claudio Reyna (1999–2001)
- Tore André Flo (2000–2002)
- Ronald de Boer (2000–2004)
- Claudio Cannigia (2001–2003)
- Frank de Boer (2004)
- Dado Prso (2004–2007)
- Nacho Novo (2004–2010)
- Nikica Jelavic (2010–2012)
- Allan McGregor (2001-2012, 2018-)
- Steven Davis (2008-2012, 2019-)
- Lee Wallace (2011-2019)
- Lee McCulloch (2007-2015)
- James Tavernier (2015-)
- Alfredo Morelos (2017-)
Palmarés
editarTorneos nacionais
editar- Liga escocesa (55): 1891, 1899, 1900, 1901, 1902, 1911, 1912, 1913, 1918, 1920, 1921, 1923, 1924, 1925, 1927, 1928, 1929, 1930, 1931, 1933, 1934, 1935, 1937, 1939, 1947, 1949, 1950, 1953, 1956, 1957, 1959, 1961, 1963, 1964, 1975, 1976, 1978, 1987, 1989, 1990, 1991, 1992, 1993, 1994, 1995, 1996, 1997, 1999, 2000, 2003, 2005, 2009, 2010, 2011, 2021
- Escocia Terceiro División (1): 2013
- Escocia Liga Un (1): 2014
- Escocia Campionato (1): 2016
- Copa de Escocia (33): 1894, 1897, 1898, 1903, 1928, 1930, 1932, 1934, 1935, 1936, 1948, 1949, 1950, 1953, 1960, 1962, 1963, 1964, 1966, 1973, 1976, 1978, 1979, 1981, 1992, 1993, 1996, 1999, 2000, 2002, 2003, 2008, 2009
- Copa da Liga de Escocia (27): 1946, 1948, 1960, 1961, 1963, 1964, 1970, 1975, 1977, 1978, 1981, 1983, 1984, 1986, 1987, 1988, 1990, 1992, 1993, 1996, 1998, 2002, 2003, 2005, 2008, 2010, 2011
- Liga de Escocia (entreguerras): 1940.
- Southern League (entreguerras): 1941, 1942, 1943, 1944, 1945, 1946.
- Milk Cup: (Premier) 1984, 1992. (Júnior) 1985.
- Drybrough Cup: 1979.
- Tennents' Sixes: 1984, 1989.
- Escocia Desafío Cup: 2016.
Torneos internacionais
editar- Recopa de Europa de fútbol (1): 1972.