Internet Movie Database
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde decembro de 2016.) |
Atención: Este artigo ou sección semella conter investigacións orixinais. |
A Internet Movie Database (IMDb) (en galego: Base de Datos de Películas en Internet) é unha base de datos en liña con información sobre directores, produtores, actores, películas, programas de televisión, videoxogos e case todo o relacionado coa industria fílmica privada e independente. Propiedade de Amazon desde 1998, IMDb celebrou o seu décimo quinto aniversario o 17 de outubro de 2005.
Internet Movie Database | |
---|---|
![]() | |
Acrónimo | IMDb |
Tipo | base de datos de filmes, agregador de críticas, video game database, aplicación de catalogación social, television series database, diretório de podcasts, base de datos en liña e sociedade |
Data de fundación | 17 de outubro de 1990 |
Fundador(es) | Col Needham |
Organización subsidiaria | Box Office Mojo |
País | Reino Unido |
Na rede | |
https://www.imdb.com/ | |
![]() ![]() ![]() ![]() ![]() ![]() ![]() ![]() | |
[ editar datos en Wikidata ] |
Descrición
editarIMDb contén unha exhaustiva lista de películas e programas de televisión de todo o mundo, incluíndo resumos, imaxes, cuestionarios, erros, curiosidades e datos comerciais. Tamén recolle novas, aínda que estas case exclusivamente relacionadas co ámbito estadounidense.
Os foros de IMDb son comentarios do público e preguntas sobre películas, os seus gustos ou desagrados. Por políticas explícitas de contido os moderadores eliminan as mensaxes que se consideran ofensivos. Desde abril de 2005, o uso do foro está restrinxido ós socios de IMDb.
Aproximadamente o día 20 de febreiro de 2007 cámbiase o deseño de portadas para as películas.
IMDb ten unha páxina irmá chamada IMDb Pro, unha base de datos máis complexa que a básica que necesita unha subscrición de pago. IMDb Pro diferénciase en que dispón de miles de contactos de persoas e empresas ligadas á industria cinematográfica norteamericana, así como información de cásting. A diferenza do IMDb tradicional en IMDb Pro as películas de fala non-inglesa aparecen cos seus respectivos títulos traducidos.
Calquera usuario rexistrado pode subministrar información á páxina, aínda que esta non se fai visible de xeito inmediato, senón que é revisada e pasa un tempo ata que aparece na web. Tamén se ofrece a posibilidade de puntuar as películas, programas etc.
Historia
editarNo ano 1990 Col Needham deseñou un arcaico sistema de busca para as inxentes listaxes que se estaban elaborando no grupo de Usenet “rec.arts.movies.” Así, o 17 de outubro de 1990 marca o comezo da historia da Internet Movie Database, aínda que o sitio Web tardaría tres anos en chegar e seis en adoptar o seu nome definitivo. Col Needham viu en 1995 que tras aquel sitio, o primeiro da rede dedicado ó cine, había moito futuro; así que deixou o seu traballo e converteu IMDb en empresa.
Só haberían de pasar tres anos para que Jeff Bezos, fundador de Amazon.com, vira na base de datos cinéfila por excelencia a posibilidade de expandir o seu negocio cara á sétima arte. Desde aquel momento a IMDb viviu como mera espectadora, baixo o paraugas de Amazon.com, unha forte crise económica do sector durante os primeiros 2000. Na actualidade a IMDb é un punto de referencia para todos os internautas en termos de cine (e televisión) e un lugar obrigado para promocionar as grandes estreas de Hollywood.
Faltas
editarAínda que a IMDb semella recompilar a absoluta totalidade de películas producidas no mundo, detectáronse algunhas ausencias,[quen?] debidas quizais á escasa transcendencia das mesmas e/ou a que son os propios usuarios rexistrados quen achegan información nova en moitas ocasións. Sobre todo hai carencias no mundo da curtametraxe e producións non anglosaxoas, aínda que a inmensa maioría de longametraxes mundiais están na web. Ademais, hai profesionais que aparecen por duplicado por seren creados dúas veces con pequenas variacións no nome. No caso español e galego isto adoita ser frecuente polo uso ou non dos tiles.[Cómpre referencia]
No eido galego, faltan algunhas curtametraxes e programas de televisión, o que non quita para que se recollan multitude de producións e profesionais e que se trate dunha base de datos moi valiosa tamén no relativo á produción audiovisual galega.