Móbil Dual SIM
O móbil Dual SIM é un teléfono móbil que posúe dúas rañuras para introducir dúas tarxetas SIM. Trátase dunha ferramenta moi útil para os que utilizan dous teléfonos: móbil persoal e de traballo ou para combinar dúas tarifas de dúas compañías.
![](http://upload.wikimedia.org/wikipedia/commons/thumb/a/a5/Cect_i9.jpg/300px-Cect_i9.jpg)
Existen dous tipos de móbiles Dual SIM dependendo da súa simultaneidade:[1]
Dual SIM One Stand-by ou non simultáneas, significa que unha das dúas tarxetas SIM permanece inactiva. Para poder utilizar a tarxeta inactiva se tense que desactivar primeiro a outra.
Dual SIM Stand-by ou simultánea, permiten ter dúas liñas de teléfono funcionando simultaneamente, tendo dobre sinal de cobertura e podendo recibir chamadas a ambos números en todo momento.
Ó tratarse de liñas independentes pode funcionar con dúas tarxetas de operadoras de telefonía móbil diferentes (incluídos os Operadores Móbiles Virtuais).
O resto de características e dimensións son as mesmas que os móbiles normais.
Historia
editarO primeiro móbil Dual SIM coñecido é o modelo 728 creado pola compañía Dubao a principios do ano 2007.[2]
Anteriormente comercializábanse Adaptadores Dual SIM, pequenos dispositivos cos que se poden ter conectadas dúas tarxetas SIM na mesma rañura. A diferenza entre estes dispositivos e os móbiles Dual SIM é que non é posible que os adaptadores teñan as dúas activas de forma simultánea.
Fabricantes
editarA maioría dos móbiles Dual SIM proceden de fabricantes chineses pouco coñecidos en Europa (Anycool, CECT...). No outono do 2007, Philips creou os modelos Xenium 9@9w e 699. Samsung sacou á venda o D880 DuoS en novembro do 2007, un móbil con tapa deslizante no que poden utilizar dúas tarxetas SIM de forma simultánea. E-Ten anunciou en outubro do 2008 o Glofiish DX900 (renomeado a Acer DX900 despois de que Acer adquirira a compañía E-Ten[3]). Trátase do primeiro móbil Dual SIM 3G.
O habitual é que os móbiles Dual SIM de fabricantes chineses sexan réplicas de móbiles occidentais famosos. Un exemplo é a gran cantidade de clons do iPhone que se crearon, algúns deles Dual SIM[4].
Ó longo do ano 2008 Motorola tamén presentou varios móbiles Dual SIM, á venda só na China.
En xaneiro de 2011 Motorola presentou o primeiro móbil Dual SIM co sistema operativo Android.[5] E dende entón moitas outras grandes empresas crearon os seus propios móbiles Android Dual SIM: Samsung, Alcatel, Huawei, Lenovo,...
Prezo e garantías
editarOs móbiles mercados en Europa teñen unha garantía de fábrica por un período de dous anos. Polo xeral, os que se mercan na China teñen só un ano de garantía, sendo habitual que o comprador se faga cargo do transporte do móbil á fábrica.
Pódense topar móbiles Dual SIM a partir de 50€ en ebay e en distribuidoras chinesas ata 400€ polo modelo HKC G1000 (o primeiro móbil Dual SIM con Windows Mobile). Ademais, existen moitas tendas online en España que ofrecen un soporte máis personalizado.
Notas
editar- ↑ http://www.movilesdualsim.com/2008/07/diferencias-entre-dual-sim-y-dual-sim-stand-by.html[Ligazón morta]
- ↑ "Doubao 728 with 2 GSM SIM Cards". Arquivado dende o orixinal o 10 de febreiro de 2009. Consultado o 13 de febreiro de 2009.
- ↑ http://www.movilesdualsim.com/2009/02/acer-dx900-dual-sim-con-wifi.html[Ligazón morta]
- ↑ http://www.movilesdualsim.com/tema/listado-de-reviews-y-enlaces-de-interes-clones-del-iphone.3/
- ↑ http://www.movilesdualsim.com/2011/01/motorola-glam-primer-dual-sim-android.html[Ligazón morta]
Véxase tamén
editarLigazóns externas
editar- MovilesDualSIM.com Blog informativo sobre os móbiles Dual SIM.