Alejandro González Iñárritu
Alejandro González Iñárritu, nado na Cidade de México o 15 de agosto de 1963 é un director de cinema mexicano.
Traxectoria
[editar | editar a fonte]Nado na cidade de México, entre os dezasete e os dezanove anos, viaxou por Europa e África. El mesmo declarou que estas viaxes influíron no seu cinema.
De volta en México estudou comunicación na Universidade Iberoamericana e en 1984 comezou a súa carreira radiofónica na emisora musical WFM, da que se converteu en director catro anos máis tarde. Entre 1987 e 1989 tamén compuxo a banda sonora de seis filmes mexicanos.
Na década de 1990 fundou Z Films con Raúl Olvera, coa que comezou a escribir, producir e dirixir curtametraxes e anuncios, para pasar logo á dirección de televisión en 1995.
En 1999 dirixiu a súa primeira longametraxe, Amores perros, escrita por Guillermo Arriaga. Estreado no Festival de Cannes, foi candidato ao Óscar ao mellor filme en lingua non inglesa entre outros premios e deu a coñecer o actor Gael García Bernal. Tralo éxito, Iñárritu e Arriaga volveron á estrutura de historia ligadas con 21 Grams, con Benicio del Toro, Naomi Watts e Sean Penn.
Os seus seguintes filmes foron Babel, rodada en catro países de tres continentes e en catro linguas e Biutiful, con Javier Bardem, Birdman, e The Revenant. Con estes dous últimos filmes gañou o Óscar ao mellor director en anos consecutivos 2014 e 2015.
Filmografía
[editar | editar a fonte]Longametraxes
[editar | editar a fonte]- Amores perros (2000)
- 21 Grams (2003)
- Babel (2006)
- Biutiful (2010)
- Birdman (2014)
- The Revenant (2015)
Curtametraxes
[editar | editar a fonte]- Detrás del dinero (1995) (TV)
- El Timbre (1996)
- Powder Keg (2001) (Serie "The Hire" para BMW)
- 11'09"01 September 11 (2002)
- Chacun son cinema (2007) (episodio "ANNA")
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Alejandro González Iñárritu ![]() |
Ligazóns externas
[editar | editar a fonte]- Alejandro González Iñárritu na IMDb (en inglés).
- Entrevista sobre Amores Perros
- Entrevista en Sounds and Colours sobre BiutifulArquivado 01 de outubro de 2012 en Wayback Machine.