Deir el-Medina
دير المدينة (ar) ![]() | ||||
Localización | ||||
---|---|---|---|---|
| ||||
Estado | Exipto | |||
Gobernación | Luxor (pt) ![]() ![]() | |||
Xeografía | ||||
Altitude | 109 m ![]() | |||
Identificador descritivo | ||||
Fuso horario | ||||
![](http://upload.wikimedia.org/wikipedia/commons/thumb/c/c9/Egypt.Deir-al-Madinah.01.jpg/300px-Egypt.Deir-al-Madinah.01.jpg)
Deir el-Medina (árabe exipcio: دير المدينة), ou Dayr al-Madīnah, é unha aldea obreira do antigo Exipto. que foi o fogar dos artesáns que traballaban nas tumbas do Val dos Reis durante as dinastías XVIII e XX do Novo Reino de Exipto no século XVI a.C. (ca. 1550 e 1080 a. C.)[1] O antigo nome do asentamento era Set maat ("Lugar da Verdade"), e os obreiros que vivían alí chamábanse "Servidores no Lugar da Verdade".[2] Durante a era cristiá, o templo de Hathor converteuse nunha igrexa da que procede o nome árabe exipcio Deir el-Medina ("Mosteiro da Cidade").[3]
Na época en que a prensa mundial se concentraba no descubrimento de Howard Carter da Tumba de Tutankamón en 1922, un equipo dirixido por Bernard Bruyère comezou a escavar o xacemento.[4] Este traballo deu lugar a un dos relatos máis minuciosamente documentados da vida comunitaria no mundo antigo que abarca case catrocentos anos. Non existe un sitio comparable no que a organización, as interaccións sociais, as condicións de traballo e de vida dunha comunidade poidan ser estudadas con tanto detalle.[5]
O sitio está situado na marxe oeste do Nilo, cruzando o río desde o actual Luxor.[6] A aldea está situada nun pequeno anfiteatro natural, a pouca distancia do Val dos Reis ao norte, templos funerarios ao leste e ao sueste, co Val das Raíñas ao oeste.[7] É posible que a aldea fose construída á marxe da poboación máis ampla co fin de preservar o segredo en vista da natureza sensible do traballo realizado nas tumbas.[8]
![](http://upload.wikimedia.org/wikipedia/commons/thumb/2/23/Statuetta_di_Kha_KTO_0087.tif/lossy-page1-200px-Statuetta_di_Kha_KTO_0087.tif.jpg)
Constitúen un exemplo temperán de planificación urbana: as vivendas, protexidas por un muro exterior, están dispostas en fileiras e dan a unha rúa central. A vivenda típica contiña entre catro e seis cuartos e unha ou dúas adegas. Arredor da aldea se atopan as tumbas dos funcionarios do estado.
Notas
[editar | editar a fonte]- ↑ Oakes, p. 110
- ↑ Lesko, p. 7
- ↑ Bierbrier, p. 125
- ↑ "Os traballadores do faraón: como viviron os israelitas en Exipto", Leonard and Barbara Lesko, Biblical Archaeological Review, xan/feb 1999
- ↑ Cambridge Ancient History, p. 380
- ↑ Lesko p. 2
- ↑ Cambridge Ancient History, p. 379
- ↑ "Archaeologica: os sitios e tesouros culturais máis significativos do mundo" , Aedeen Cremin, p. 91, Frances Lincoln, 2007, ISBN 0-7112-2822-1
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Deir el-Medina ![]() |
Bibliografía
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- Images of Deir el-Medina : Past & Present
- YouTube video clip of Deir -el-Medina 1.
- YouTube video clip of Deir -el-Medina 2.
- Photographs of Deir el-Medina
- A Survey of the New Kingdom Non-literary Texts from Deir el-Medina - Leiden University (Database) Arquivado 05 de novembro de 2017 en Wayback Machine.