Tumulto
![]() | Atención: Este artigo ou sección semella conter investigacións orixinais. |
![](http://upload.wikimedia.org/wikipedia/commons/thumb/7/7f/RodeaElCongreso25S2012_17.jpg/300px-RodeaElCongreso25S2012_17.jpg)
![](http://upload.wikimedia.org/wikipedia/commons/thumb/9/9d/Cronulla_Riots.jpg/300px-Cronulla_Riots.jpg)
Un tumulto[1][2] é un conflito armado, polo xeral na vía pública, onde se ve alterada a orde pública por medio da violencia. Polo común, ocorre durante unha manifestación. A orixe da violencia é polo xeral difuso e polémico, xa que pode orixinarse de parte da sociedade civil ou de parte das chamadas forzas de seguridade (policía, forzas armadas etc.).
A diferenza con outras expresións violentas do movemento social pode ser maior ou menor. Se os tumultos teñen maior grao de repercusión ou éxito, pódese falar alternativamente de revolta, motín, rebelión ou revolución.
A resposta ante un tumulto adoita ser tarefa da policía, comunmente dos axentes antitumultos, aínda que tamén pode requirir apoio militar. Para controlar as masas enfurecidas adoitan empregarse armas non letais, como canóns de auga, balas de goma, pulverizadores de pementa, porras e gas lacrimóxeno.
Algúns países empregan ataques que poden producir mortes para deter os tumultos, sobre todo se se producen baixo a lei marcial, en casos de guerra. Isto permíteo o dereito militar, sempre e cando non se considere aos civís como obxectivos de forma intencionada. Como consecuencia, adoitan producirse «danos colaterais» (eufemismo para referirse a «vítimas civís»).
Lista cronolóxica de tumultos importantes
[editar | editar a fonte]- 1863: Tumultos de Recrutamento, Nova York, Estados Unidos.
- 1929: Movemento do Catro de Maio, China.
- 1948: Bogotazo, Colombia.
- 1965: Tumultos en Watts, Os Ánxeles, Estados Unidos.
- 1968: Maio francés.
- 1968: Movemento estudantil de 1968 en México.
- 1969: Tumultos de Stonewall, Estados Unidos.
- 1969: Cordobazo, Arxentina.
- 1981: Tumultos de Brixton, Londres, Reino Unido.
- 1989: Caracazo, Venezuela.
- 1992: Tumultos dos Ánxeles de 1992, Os Ánxeles, Estados Unidos.
- 2000: A Marcha de los Cuatro Suyos, Perú
- 2001: Contracume do G8 en Xénova, Italia.
- 2001: Cacerolazo, Arxentina.
- 2005: Desordes en Belize en 2005.
- 2005: Tumultos de Francia no 2005.
- 2005: IV Cume das Américas, Arxentina.
![](http://upload.wikimedia.org/wikipedia/commons/thumb/f/f1/Madrid_on_fire_%2814N_2012%29.jpg/220px-Madrid_on_fire_%2814N_2012%29.jpg)
- 2005: Tumultos raciais de Sydney (2005), Australia.
- 2006: Tumultos de Dublín (2006), Irlanda.
- 2008: Tumultos no Tíbet de 2008.
- 2011: Tumultos en Inglaterra de 2011.
- 2011: Tumultos en Roma de 2011.
- 2011: Mobilización estudantil en Chile de 2011.
- 2012: Manifestación 25-S Rodea el Congreso en España de 2012.
- 2014: Euromaidán, Ucraína.
- 2014: Tumultos de Venezuela de 2014.
- 2017: Protestas en México por gasolinazo 2017
Notas
[editar | editar a fonte]- ↑ Definicións no Dicionario da Real Academia Galega e no Portal das Palabras para tumulto.
- ↑ Entrada de "tumulto" no Digalego.gal