Oie ny Feeleeyn Marrooit
![](http://upload.wikimedia.org/wikipedia/commons/e/ec/Lozovsky-detention-order.jpg)
Ta Oie ny Feeleeyn Marrooit (Rooshish: Дело Еврейского антифашистского комитета Dela Yevreyskogo antifashistskogo komiteta ny "Cooish y Ving Noi-ashistagh Ewagh"; Ewdish: הרוגי מלכות פונעם ראטנפארבאנד Harugey malkus funem Ratnfarband ny "Martyryn yn Unnaneys Soveidjagh") çheet er cur-gy-baase tree Ewnyn Soveidjagh jeig ayns Pryssoon Lubyanka ayns Moscow er 12 Luanistyn 1952.[1] Va ny chied deiney goit seose ayns Mean Fouyir 1948 as Mean Souree 1949. Ren ny lughtyn reill cassid er dagh fendeilagh dy breagagh mychione y pheeikearys as y traitoorys chammah as kimmeeyssyn elley. Erreish daue ve goit seose, v'ad torçhit, bwoailt, as currit lioroosyn hene feie tree bleeaney roish my row ad kerrit dy h-oikoil. Va queig screeudeyryn Ewdish mastey ny fendeilee as dagh fer jeu nyn olteynyn jeh Bing Noi-ashistagh ny h-Ewnyn.
Fendeilee
[reagh | edit source]- Peretz Markish[2][3] (1895–1952), feelee Ewdish, cu-bunneyder Scoill ny Screeudeyryn, scoill lettyragh Ewdish 'sy Roosh Hoveidjagh
- David Hofstein[4] (1889–1952), feelee Ewdish
- Itzik Feffer[5] (1900–1952), feelee Ewdish, brahder son Airaght Chooishyn Sthie
- Leib Kvitko[6] (1890–1952), feelee as creeudeyr paitçhyn y Ewdish
- David Bergelson[7] (1884–1952), noaskeealagh yn-chronnit
- Solomon Lozovsky[8] (1878–1952), Stiureyder yn Oik Fysseree Hoveidjagh, Lhiass-Chomissar Cooishyn Joarree, ren obbal ny plaiyntyn noi echey as noi ry hoi
- Boris Shimeliovich[9] (1892–1952), Stiureyder Lheeyssagh Hie Lheihys Clinicoil Botkin, Moscow
- Benjamin Zuskin[10] (1899–1952), cooneyder as eiyrtyssagh er Solomon Mikhoels myr stiureyder Heater Ewagh Steat Moscow
- Joseph Yuzefovich[11] (1890–1952), ronseyder ec Undinys y Çhennaghys, Academee Soveidjagh ny h-Oaylleeaghtyn, fer toshee sheshaght-cheirdey
- Leon Talmy[12] (1893–1952), çhyndaader, earisheyr, aa-oltey Phartee Cummynagh ny Steatyn Unnaneysit
- Ilya Vatenberg[13] (1887–1952), çhyndaader as reagheyder Eynikeyt, pabyr naight y JAC; fer toshiaght Seionagh y Lught Obbyr 'syn Austeyr as ayns ny Steatyn Unnaneysit roish my daink eh er-ash dys yn UPSS ayns 1933
- Chaika Vatenberg-Ostrovskaya[14] (1901–1952), ben heshee Ilya Vatenberg, çhyndaader ec y JAC.
- Emilia Teumin[15] (1905–1952), lhiass-reagheyder y Fockleyr Diploamagh; reagheyder, Rheynn Eddyr-ashoonagh, yn Oik Fysseree Hoveidjagh
- Solomon Bregman[16] (1895–1953), Lhiass-Chomissar Cooishyn Joarree. Huitt eh ny choamey lurg ren eh obbal y chooish leigh, as hooar eh baase 'sy phryssoon queig mee lurg cur-gy-baase ny deiney elley
- Lina Stern[17] (ny Shtern) (1878–1968), bea-chemmig, fyshoayllee as deincharrey, as y chied schoillar bwoirrin ayns Academee Rooshagh ny h-Oaylleeaghtyn; share enney urree son yn obbyr chioneraaidey er y chagliagh folley-aignagh. She ish va'n ynrican fendeilagh tannaghtyn bio mastey ny queig fendeilee jeig.
Va fir ennagh va kianglt dy jeeragh ny neu-yeeragh rish y JAC goit seose ayns ny bleeantyn mygeayrt y chooish leigh. Ga nagh row Solomon Mikhoels goit seose, ren Stalin sarey e vaase ayns 1948. Va Der Nister, screeudeyr Ewdish elley, goit seose ayns 1949, as hooar eh baase ayns sleih-champ obbyr ayns 1950. Hooar y cremeyder lettyragh Yitzhak Nusinov baase 'sy phryssoon, as va ny h-earisheyryn Shmuel Persov as Miriam Zheleznova lhiggit – dagh fer jeu ayns 1950.[18]
Imraaghyn
[reagh | edit source]- ↑ Rubenstein, Joshua (2001). "Introduction." In: Rubenstein and Vladimir Naumov (Eds.), Stalin's Secret Pogrom: The Postwar Inquisition of the Jewish Anti-Fascist Committee. New Haven: Yale University Press, 2001. ISBN 9780300129397. dg. 504.
- ↑ "Poetry of the Holocaust." The Last Lullaby. Ed. and trans. Aaron Kramer. First Paperback ed. N.p.: Dora Teitelboim Foundation, Inc., 1998. 251. Google Books Search. Web. 4 Toshiaght Arree 2010.
- ↑ "Маркиш Перец Давидович" Memorial (sheshaght) Stoyr Fysseree jeh Guintee Atçhim Politickagh UPSS
- ↑ "Гофштейн Давид Наумович" Memorial (sheshaght) Stoyr Fysseree jeh Guintee Atçhim Politickagh UPSS
- ↑ "Фефер Исаак (Ицик) Соломонович" Memorial (sheshaght) Stoyr Fysseree jeh Guintee Atçhim Politickagh UPSS
- ↑ "Квитко Лев (Лейба) Моисеевич" Memorial (sheshaght) Stoyr Fysseree jeh Guintee Atçhim Politickagh UPSS
- ↑ "Бергельсон Давид Рафаилович" Memorial (sheshaght) Stoyr Fysseree jeh Guintee Atçhim Politickagh UPSS
- ↑ "Лозовский (Дридзо) Соломон Абрамович" Memorial (sheshaght) Stoyr Fysseree jeh Guintee Atçhim Politickagh UPSS
- ↑ "Шимелиович Борис Абрамович" Memorial (sheshaght) Stoyr Fysseree jeh Guintee Atçhim Politickagh UPSS
- ↑ Slutsky, Yehuda; Shmuel Spector, Shmuel (2007). "Jewish Anti-Fascist Committee". Encyclopaedia Judaica. 2h Lh. Via Jewish Virtual Library. Feddynit magh er 2021-07-04.
- ↑ "Юзефович (Шпинак) Иосиф Сигизмундович" Memorial (sheshaght) Stoyr Fysseree jeh Guintee Atçhim Politickagh UPSS
- ↑ "Тальми Леон Яковлевич" Memorial (sheshaght) Stoyr Fysseree jeh Guintee Atçhim Politickagh UPSS
- ↑ "Ватенберг Илья Семенович" Memorial (sheshaght) Stoyr Fysseree jeh Guintee Atçhim Politickagh UPSS
- ↑ "Ватенберг-Островская Чайка Семеновна" Memorial (sheshaght) Stoyr Fysseree jeh Guintee Atçhim Politickagh UPSS
- ↑ "Теумин Эмилия Исааковна" Memorial (sheshaght) Stoyr Fysseree jeh Guintee Atçhim Politickagh UPSS
- ↑ "Брегман Сололомон Леонтьевич" Memorial (sheshaght) Stoyr Fysseree jeh Guintee Atçhim Politickagh UPSS
- ↑ "Штерн Лина Соломоновна" Memorial (sheshaght) Stoyr Fysseree jeh Guintee Atçhim Politickagh UPSS
- ↑ Rubenstein, 2001 dg. 53-56
- Yn Unnaneys Soveidjagh ayns 1952
- Soiaghyn as taghyrtyn Noi-Ewnagh 'syn Oarpey
- Ewnyn as yn Ewaghys 'syn Unnaneys Soveidjagh
- Aalaanaghyn Soveidjagh
- Glennaghyn politickagh as cultooragh
- Lettyraght y Ewdish
- Ewnyn va currit gy baase liorish yn Unnaneys Soveidjagh
- Noi-Ewnaghys 'syn Unnaneys Soveidjagh
- Cooishyn leigh 'sy Roosh
- Cooishyn leigh taishbynys Soveidjagh
- Yn Ewaghys ayns 1952
- Tranlaase lught yn tushtey