Klóšter
![]() |
Tutón zapisk so powšitkownje zaběra z nabožinskej instituciju. W serbskej wobchadnej rěči je z Klóštrom husto měnjeny klóšter Marijina hwězda. |
Klóšter (z němskeho Kloster) je nabožinska institucija, w kotrejž su ludźo – zwjetša woznamjenjeni jako mniša a knježny resp. mniški – žiwi jako zhromadnosć, wusměrjeni na wukonjenje swojeje wěry a do wěsteje měry wotmjezowani wot zjawneje towaršnosće. Klóšter wobsteji zwjetša z kultowych, bydlenskich a hospodarskich twarjenjow.
W zapadnym kulturnym wobkruhu znajemy wosebje křesćanske klóštry, kotrež přisłušeja zwjetša katolskej abo prawosławnym cyrkwjam. Nimo toho wobsteja tež protestantske a ekumeniske klóšterske zhromadnosće, kaž na přikład Taizé. Wothladajo wot toho woznamjenjeja so tež podobne institucije aziskich nabožinow, wosebje buddhizma a hinduizma, jako klóštry.
W Hornjej Łužicy stej dwaj aktiwnej klóštraj, kotrejž přisłušatej wobaj katolskemu rjadej cisterciensow: Marijina hwězda w Pančicach-Kukowje a Marijiny doł pola Wostrowca.
Wotkazaj
[wobdźěłać | žórłowy tekst wobdźěłać]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Internetny portal za klóštry w němskorěčnym rumje (němsce)