Տերեսա Ցեպլի
Տերեսա Ցեպլի | |
---|---|
![]() 1964 թվականի Օլիմպիական խաղերի ժամանակ | |
Անձնական տեղեկություն | |
Սեռ՝ | իգական |
Ամբողջական անուն՝ | Տերեսա Բարբարա Ցեպլի |
Բնօրինակ անուն՝ | Teresa Barbara Ciepły |
Ազգություն՝ | լեհ |
Մասնագիտացում՝ | թեթև ատլետ |
Երկիր՝ | ![]() |
Ծննդյան ամսաթիվ՝ | 1937 հոկտեմբերի 19 |
Ծննդավայր՝ | Բրոդնյա Գուրնա, Լեհաստան |
Մահվան ամսաթիվ՝ | մարտի 8, 2006 | (տարիքը 68)
Մահվան վայր՝ | ![]() |
Ակումբ՝ | Զևիշա (Բիդգոշչ) |
166 սմ | |
Քաշ՝ | 60 կգ |
Տերեսա Բարբարա Ցեպլի (լեհ.՝ Teresa Barbara Ciepły, օրիորդական ազգանունը՝ Վեչորեկ լեհ.՝ Wieczorek, հոկտեմբերի 19, 1937, Brodnia Górna, Gmina Buczek, Łask County, Լոձի վոյեվոդություն, Լեհաստան - մարտի 8, 2006[1], Բըդգոշչ, Լեհաստան), լեհ թեթև ատլետ, ով հանդես է եկել 1950-ական թվականներին և 1960-ական թվականների կեսերին Լեհաստանի հավաքականի կազմում (վազք 100 մետր, վազք խոչընդոտների հաղթահարումով 80 մետր և փոխանցավազք 4×100 մետր)։ 1964 թվականի Տոկիոյի Օլիմպիական խաղերի չեմպիոն, Օլիմպիական խաղերի արծաթե և բրոնզե մեդալների դափնեկիր, Եվրոպայի կրկնակի չեմպիոն, ազգային ու միջազգային նշանակության բազմաթիվ մրցությունների հաղթող։
Կենսագրություն
[խմբագրել | խմբագրել կոդը]Տերեսա Վեչորեկը ծնվել է 1937 թվականի հոկտեմբերի 19-ին Լոձինի վոյեվոդության Բուչեկ գյուղական գմինայի Բրոդնյա Գուրնա գյուղում։ Վաղ տարիքից սկսել է ակտիվորեն զբաղվել թեթև ատլետիկայով, իսկ 17 տարեկան հասակում միացել է Լոձ քաղաքի ŁKS մարզական պրոֆեսիոնալ ակումբին։ Ավելի ուշ տեղափոխվել է Բիդգոշչ, որտեղ սկսել է ներկայացնել տեղի «Զավիշա» ակումբը։
1958 թվականին Տերեսա Ցեպլին ընդգրկվել է Լեհաստանի ազգային հավաքականի հիմնական կազմում և մասնակցել Ստոկհոլմում անցկացվող Եվրոպայի առաջնությանը, սակայն մրցանակային տեղ չի զբաղեցրել։ Երկու տարի անց նա դարձել է Լեհաստանի չեմպիոն 100 մետր վազքատարածությունում և մի շարք հաջող ելույթների շնորհիվ իրավունք է ստացել ներկայացնելու իր երկիրը 1960 թվականին Հռոմում անցկացվող Օլիմպիական խաղերում. Բարբարա Սոբոտտայի, Ցելինա Եսյոնովսկայայի ու Խալինա Ռիխտերի հետ նա մասնակցել է 4 × 100 մ փոխանցավազքին և արժանացել բրոնզե մեդալի. եզրափակչում նրանք զիջել են միայն ԱՄՆ-ի և Գերմանիայի հավաքականներին։ Այդ Օլիմպիական խաղերի ժամանակ Տերեսա Ցեպլինը մասնակցել է նաև վազք 100 մ և խոչընդոտների հաղթահարումով վազք 80 մ մարզաձևերի մրցություններին, սակայն երկու դեպքում էլ հասել է մինչև կիսաեզրափակիչ՝ երկու անգամ էլ վերջնագծին հասնելով հինգերրոդը։
Տոկիոյի Օլիմպիական խաղերի ավարտից կարճ ժամանակ անց Տերեսա Վերոչեկն ամուսնացել է նույնպես թեթև ատլետ (գնդի հրում) Օլգերդ Ցեպլիի հետ և հետագայում մրցություններին մասնակցել է ամուսնու ազգանունով։ 1962 թվականին Տերեսա Ցեպլին ներկայացրել է Լեհաստանը Բելգրադում անցկացվող Եվրոպայի առաջնությունում՝ արժանանալով երեք մեդալների, այդ թվում՝ երկու ոսկե մեդալներ, որ նա վաստակել էր փոխանցավազքում ու խոչընդոտների հաղթահարումով վազքում։ Այդ նշանակալի ձեռքբերումների համար Տերեսա Ցեպլին ճանաչվել է Լեհաստանի տարվա լավագույն մարզուհին։
Լինելով Լեհաստանի թեթև ատլետիկայի հավաքականի առաջատարների շարքում՝ Տերեսա Ցեպլին հաջողությամբ անցել է 1964 թվականին Տոկիոյում կայանալիք Օլիմպիական խաղերի որակավորման փուլը։ Այս անգամ նա հաղթել է փոխանցավազքում՝ արժանանալով Օլիմպիական խաղերի ոսկե մեդալի (մրցությանը նա մասնակցել է Իրենա Կիրշենշտեյնի, Խալինա Ռիխտերի և Էվա Կլոբուկովսկայայի հետ)։ Տոկիոյում Տերեսա Ցեպլին արժանացել է նաև արծաթե մեդալի՝ երկրորդ տեղը գրավելով խոչընդոտների հաղթահարումով վազքում. եզրափակչում նա պարտվել է միայն գերմանացի թեթև ատլետ Կարին Բալցերին։
Տերեսա Ցեպլին շարունակել է մասնակցել մրցությունների մինչև 1968 թվականը. տարբեր մարզաձևերում նա ութ անգամ դարձել է Լեհաստանի չեմպիոն, սակայն Տոկիոյի Օլիմպիական խաղերից հետո միջազգային մակարդակում ոչ մի նշանակալի հաղթանակի չի հասել։ Ավարտելով պրոֆեսիոնալ մարզիկի կարիերան՝ Բիդգոշչում աշխատել է որպես գրասենյակային ծառայող և թեթև ատլետիկայի մարզիչ։ 1996 թվականին նրան շնորհվել է Բիդգոշչի պատվավոր քաղաքացու կոչում։
Տերեսա Ցեպլին մահացել է 2006 թվականի մարտի 8-ին Բիդգոշչում։ Ներկայում Բիդգոշչի միջնակարգ դպրոցներից մեկը կրում է Տերեսա Ցեպլիի անունը[2]։
Ծանոթագրություններ
[խմբագրել | խմբագրել կոդը]- ↑ 1,0 1,1 https://pantheon.world/profile/person/Teresa_Ciepły
- ↑ Pożegnanie pani Teresy Արխիվացված 2016-04-09 Wayback Machine, Sportowa Bydgoszcz
Արտաքին հղումներ
[խմբագրել | խմբագրել կոդը]- Տերեսա Ցեպլի-Վերոչեկ Արխիվացված 2017-06-10 Wayback Machine - Օլիմպիական վիճակագրությունը Sports-Reference.com կայքում (անգլ.)
- Տերեսա Ցեպլիի երկրպագուների կայք Արխիվացված 2011-10-06 Wayback Machine (լեհ.)
![]() | Վիքիպահեստն ունի նյութեր, որոնք վերաբերում են «Տերեսա Ցեպլի» հոդվածին։ |
|