Casuario
| Casuario Casuarius |
|---|
| genere de Casuariidae[*] |
   
|
|
|
| Identificatores e ligamines |
| ID NCBI: 8786 |
| ID ITIS: 174387 |
| Commons: Casuarius |
Le casuarios constitue un genere (Casuarius) de grande aves cursor del familia Casuariidae (casuarios e emus). Un casuario es un ave robuste e sin alas. Illo se trova in le foreste pluvial de Australia, Nove Guinea, e sur le insulas proxime. Le casuarios es omnivoros. Illes cerca fructos sur le solo e in ramos basse, ma etiam le fungos, insectos, ranas, serpentes e altere micre species face parte de lor dieta. Un casuario de casco pote viver circa 40 a 50 annos.
Description
[modificar | modificar fonte]Le genere include tres species que pare simile, totes con un color blau vivace in collo e capite. Illos varia in grandor inter 1,00 e 1,70 metros. Le juveniles es brun con lineas brun obscur. Le femina es, in media, plus grande e plus pesante, e colorate plus vivacemente. Post un anno, le aves es matur e ha le plumage del ave adulte. Le casuario de casco septentrional o casuario de collo orange e le casuario nano es aves quasi incognite. Mesmo del casuario de casco "commun" o meridional del Queensland australian non se cognosce multo, ben que illo es le tertie ave plus grande post le struthio e le emu. Illo attinge un longitude de 1,50 a 1,60 metros, un peso de circa 60 kg, e ha un casco ossee sur le capite, un cosa unic inter le aves. Le nucleo del casco es de un osso spongiose e non es apte pro colpos. Es probabile que le organo servi principalmente al ostentation. Le ave usa etiam le casco pro meliorar su movimento per le boscage. Le gambas ha tres digitos, del quales le medie ha un ungula acute de 12 cm de longitude. Illos pote currer rapidemente, usque a 50 km/h. Illos pote saltar a un altessa de 1,50 metros e es excellentes natatores.
Comportamento
[modificar | modificar fonte]Per natura, le casuarios es multo timide. Pro le habitantes original del regiones ubi iste aves vive, le casuarios esseva appreciate pro lor carne e plumas. Le aves esseva tamben elevate como animales domestic, per exemplo faciente gallinas incubar lor ovos. Iste aves alora non es plus timide, ma nonobstante pote exhibir comportamento aggressive. Si le casuario se senti ponite in un situation inescappabile, illo pote causar damnos grave. In 1926, un juvene australiano, Phillip McClean, esseva mortalmente ferite in su collo per un casuario, post haber tentate, con su fratre, occider le animal con un baston. In 1995, occurreva un incidente in le qual un can moriva in consequentia de un colpo de un casuario.[1] In april 2019, un elevator in Florida, SUA, moriva post esser attaccate per un de su animales post haber cadite.[2]
Species
[modificar | modificar fonte]Le genere include le sequente species:[3]
- Casuarius bennetti – Casuario nano
- Casuarius casuarius – Casuario de casco
- Casuarius unappendiculatus – Casuario de collo orange
Sono
[modificar | modificar fonte]Le casuarios es capabile de producer sonos multo basse, circa le limite inferior del audito human, a circa 23 hertz pro le casuario de casco e a circa 32 hertz pro le casuario nano. Iste sonos se propaga a grande distantias e permitte a iste aves solitari in le foreste tropical mantener le contacto inter se. Lor casco les adjuta con isto. Le cameras de aere in le casco permitte al ave perciper le basse sonos ab grande distantias, functionante como un sorta de microphono.
Stato
[modificar | modificar fonte]Necun del species ancora vivente es vulnerabile o menaciate. Le casuario de casco e le casuario de collo orange de Nove Guinea es in declino, ma lor population ancora se situa in le decenas de milles. Necun del tres species es considerate menaciate per le UICN.
Uso
[modificar | modificar fonte]In Nove Guinea, ovos de casuarios es occasionalmente colligite per habitantes local e incubate per gallinas. Le juvene aves es alora nutrite e allevate con le gallinas usque a lor maturitate. A iste tempore, le aves es occidite e consumite. In multe villages del regiones interior de Nove Guinea, casuarios immature pote esser trovate. Le aves ha lineas brunas e manca le colores vivid del animales adulte.
Folklore
[modificar | modificar fonte]In le folklore de Biak (Nove Guinea occidental), le casuario appare como animal de sella pro le persona mythic Manarmakeri.
Referentias
[modificar | modificar fonte]- ↑ (anglese) Kofron, Christopher P., 2003. Case histories of attacks by the southern cassowary in Queensland. Memoirs of the Queensland Museum 49 (1): 335–8. texto complete
- ↑ (nederlandese) 2019. Gevaarlijkste vogel ter wereld doodt eigenaar in Florida [1]. Archivate le 14 de april 2019.
- ↑ (anglese) Gill, F., Wright, M. & Donsker, D. (2020). IOC World Bird Names (version 10.2).
