File Transfer Protocol
File Transfer Protocol |
---|
instantia de: internet standard[*], computer network protocol[*], text-based protocol[*] |
subclasse de: communication protocol[*] |
parte de: Suite de protocollo Internet |
|
data de creation: 16 april 1971 |
Commons: File transfer protocol |
Le protocollo FTP (File Transfer Protocol, protocollo pro transferer files) es un parte del protocollos del Internet pro transferer files inter computatores con systemas de operation multo varie.
Ben que FTP es usabile directemente per un usator a un terminal, illo es designate principalmente pro uso per programmas, i.e. on normalmente lo usa de modo indirecte.
Multe sitos que executa servitores FTP permitte si-nominate FTP anonyme. Usatores non besonia un conto in le servitor, ma es requestate de inviar lor adresse de e-mail como contrasigno, ben que il non ha verification.
Standard technic
[modificar | modificar fonte]FTP es standardisate in RFC 0959 per le IETF como:
- RFC 0959 File Transfer Protocol (FTP). J. Postel, J. Reynolds. Oct-1985. (Formato: TXT=147316 bytes) http://www.ietf.org/rfc/rfc959.txt
FTP es un protocolo a 8 bits, capace de transferer qualcunque typo de file sin necessitate de processamento ulterior per medio de p.ex. MIME o UUEncode.
FTP se executa normalmente in porta 21, ma pro le transferimento de files individual es initiate automaticamente connexiones separate in portas qualcunque.
Objectivos de FTP
[modificar | modificar fonte]- Permitter le excambio de files (programmas de computator e/o datos).
- Incoragiar le uso directe o implicite (via programmas) de computatores remote.
- Celar del usator le variationes inter le systemas de immagazination de files inter servitores.
- Transferer datos dependabile- e efficacemente.
Disavantages de FTP
[modificar | modificar fonte]- Contrasignos e le contento del files es inviate in texto pur, assi que es possibile que tertie partitos lo intercepta.
- Es difficile filtrar le traffico FTP usante un muro de foco, post que le connexiones pro datos es facite via portas qualcunque, causante difficultate de combinar le uso de FTP con le protection contra vandalos in-linea.
- In parte a causa de lo precedente, FTP ha un latentia multo alte; isto es, le tempore inter le initio del requesta e le initio del reception del datos requestate pote esser assatis longe, e es requirite un procedura alcun vices assatis longe de identification de conto.
- Es possibile instruer un servitor FTP a inviar datos a un porta qualcunque de un tertie computator, causante un risco de securitate.
FTP e navigatores del web
[modificar | modificar fonte]Hodie, navigatores web pote emplear le protocollo FTP, via un URL in le forma de ftp://
adresse del servitor (p.ex. ftp://ftp.fortunecity.com
). Un tal adresse URL initia un connexion de FTP anonyme.
Pro ftp non-anonyme es possibile includer un nomine de conto e un contrasigno: ftp://
nomine de conto:
contrasigno@
adresse del servitor (p.ex. ftp://martin:[email protected]
).
FTP anonyme
[modificar | modificar fonte]FTP anonyme es le methodo le plus ancian e le plus commun de discargar files public via Internet. Le termino significa que on se connecte a un sito FTP (i.e. protocollo pro transferer files) con le nomine de usator "anonymous", le conto generic pro visitatores con privilegios limitate, normalmente de leger/discargar solmente.
Le majoritate del navigatores del web include un function automatic de FTP anonyme, discargante files cuje adresse URL comencia con "ftp://". Si le adresse puncta a un camisa in loco de un file, le navigator construe automaticamente un tabella de contento de illo. Isto rende possibile le interligamento transparente de FTP con le World Wide Web de maniera que on quasi non vide le differentia.
Le costume traditional es que on da con un connexion FTP anonyme su adresse de e-mail como contrasigno ficte, a fin que le administratores del sito pote contactar le usator in caso de problemas. Ma isto deveni de minus in minus commun con le commercialisation del internet, con le uso crescente de navigatores del web como clientes FTP que da solmente alcun codice generic, e con le crescimento del spam que rende gente suspiciose quanto al diffusion de lor adresses e-mail. Totevia, alcun pauc sitos FTP conservative bloca ancora hodie le connexiones de usatores que non da un adresse de e-mail con syntaxe valide como contrasigno.
Vide etiam
[modificar | modificar fonte]- Trivial File Transfer Protocol (TFTP)
- Secure File Transfer Protocol (SFTP)
Ligamines externe
[modificar | modificar fonte]- RFCs
- RFC 959 – File Transfer Protocol
- RFC 1579 – Firewall Friendly FTP
- RFC 2228 – FTP Security Extensions
- RFC 2428 – FTP Extensions for IPv6 and NATs
- RFC 2640 – Internationalization of the File Transfer Protocol
- Servitores
- FTP Server Test (Online)
- FileZilla Server (Windows)
- Pure-FTPd (Unix)
- VsFTPd (Unix)
- ProFTPd (Unix)