Marseille
Marseille | ||
![]() | ||
Marseille, kun lua anciena portuo avane, e la katedralo di Nia Damo di la Gardo sur kolino. | ||
![]() |
![]() | |
Standardo | Blazono | |
Lando: | ![]() | |
Regiono: | Provenco-Alpi-Azur-Rivo | |
Informo:
| ||
Latitudo: | 43°17′47″N | |
Longitudo: | 5°22′12″E | |
Altitudo: | 0 til 652 m | |
Surfaco: | 240,62 km² | |
Habitanti: | 873 076 (2021) | |
Denseso di habitantaro: | 3600 hab./km² | |
Disto de Paris: | 776[1] km | |
Horala zono: | UTC+1 (UTC+2 dum somero) | |
Urbestro: | Benoît Payan (PS) | |
Mapo:
| ||
![]() | ||
Oficala retosituo:
| ||
https://www.marseille.fr/ |
![](http://upload.wikimedia.org/wikipedia/commons/thumb/7/70/Marseille-cath%C3%A9drale-de-la-major.jpg/320px-Marseille-cath%C3%A9drale-de-la-major.jpg)
Marseille, pronuncez Marseye (en l'Ocitana: Marselha) esas urbo ed importanta portuo en sudala Francia, sur Mediteraneo-litoro. Segun statistiki de la yaro 2021 ol havis 873 076 habitanti[2]. Lua tota surfaco esas 240,62 km².
Ol esas la 2ma maxim populoza urbo di Francia, dop Paris, ed esas la maxim anciena urbo di la lando, ensemble Béziers. Marseille fondesis da Greki cirkume 600 aK, kun nomo Μασσαλία (Massalía). Vit-beri kultivesas proxim ol de cirkume 4ma yarcento aK. Ol enkorpigesis da rejio Francia en 1481. Nun, ultre portual agado, ol ank esas importanta industriala centro, nome por petrokemial industrii e rafino di petrolo.
Marseille havas importanta universitato, Université d'Aix-Marseille, kreita en 2012 kom rezulto dil enkorpigo di du olima universitati, Université de Provence Aix-Marseille I fondita en 1970, ed Université de la Méditerranée Aix-Marseille II, fondita en 1971.
Geografio
[redaktar | redaktar fonto]![](http://upload.wikimedia.org/wikipedia/commons/thumb/7/7b/MARSEILLE_3.jpg/320px-MARSEILLE_3.jpg)
La reliefo di Marseille esas kolinoza, kun basa ed extensa regiono proxim la litoro, e naturala tereni montoza en qui ne esas posibla urbanigar. Lua mezavalora altitudo esas 0 til 652 metri, e lua maxim alta punto esas 652 metri super la marala nivelo.
La klimato di Marseille esas mediteranea, kun milda vintri e varma e sika someri (Csa segun la klimatala klasifikuro da Köppen). La mezavalora temperaturo en januaro (vintro) esas 7,7°C, kontre ke la mezavalora temperaturo en julio (somero) esas 25,2°C. La minima temperaturo ulafoye enrejistrita en la urbo esis −16,8 °C, ye la 12ma di februaro 1956, kontre ke la maxima temperaturo ulafoye enrejistrita esis 40,6 °C ye la 29ma di julio 1983.
La mezavalora yarala pluvo-quanto dil urbo esas 532 mm, e la maxim pluvoza monato esas septembro, kun mezavalore 82 mm. La maxim pluvoza sezono esas l'autuno, de septembro til la komenco di decembro. Marseille recevas multa sunolumo: plu kam 2800 hori di sunolumo omnayare, nome pro influo da sika e kolda vento Mistral, qua suflas denorde.
Referi
[redaktar | redaktar fonto]![](http://upload.wikimedia.org/wikipedia/commons/thumb/b/ba/Marseille_Vieux_Port_Night.jpg/320px-Marseille_Vieux_Port_Night.jpg)
- ↑ Paris-Marseille - Publikigita da Ulys. URL vidita ye 7ma di marto 2024. Idiomo: Franca.
- ↑ Populations légales 2021 - Publikigita da INSEE. URL vidita ye 7ma di marto 2024. Idiomo: Franca.