Missile Command
Útlit
![](http://upload.wikimedia.org/wikipedia/commons/thumb/4/49/Missile_Command.jpg/220px-Missile_Command.jpg)
Missile Command er tölvuleikur sem Atari setti á markað fyrir spilakassa árið 1980. Í leiknum eru borgir neðst á skjánum. Ofan frá koma síðan sprengjur úr ýmsum áttum. Leikmaður á að reyna að eyða sprengjunum áður en þær ná niður að borgunum með því að hreyfa mið um skjáinn með stýrikúlu og ýta á einn af þremur tökkum. Þá fer gagnflaug af stað frá einum af þremur skotstöðum neðst á skjánum sem springur þar sem miðið var og eyðir sprengjum sem eru innan færis. Leikurinn líkir þannig eftir eldflaugavarnarkerfi í kjarnorkustríði. Höfundur leiksins er bandaríski leikjahönnuðurinn Dave Theurer.