Parrannu Nissenu - Raccolta di episodi, poesie e memorie di regni meridionali: Raccolta di episodi, poesie e memorie di regni mediterranei
()
Info su questo ebook
Leggi altro di Nino Lacagnina
Parlannu Nissenu e Cico e l'Animalità Valutazione: 0 su 5 stelle0 valutazioniDa giza oltre Nut Valutazione: 0 su 5 stelle0 valutazioniFigli delle stelle Valutazione: 0 su 5 stelle0 valutazioniL'ultima stagione Valutazione: 0 su 5 stelle0 valutazioniRealtà onirica a Qalat An-Nisa e sogni di vita reale nelle zolfare Valutazione: 0 su 5 stelle0 valutazioniIn giro per il Mondouno Valutazione: 0 su 5 stelle0 valutazioniDigitalArt Valutazione: 0 su 5 stelle0 valutazioniIn giro per il Mondodue Valutazione: 0 su 5 stelle0 valutazioni
Correlato a Parrannu Nissenu - Raccolta di episodi, poesie e memorie di regni meridionali
Ebook correlati
C’era una volta un’Isola. Storie della pellagra e altri racconti Valutazione: 0 su 5 stelle0 valutazioniLa Notte della Taranta vista dal basso: diario dal backstage Valutazione: 0 su 5 stelle0 valutazioniStoccatùri Valutazione: 0 su 5 stelle0 valutazioniUna vita che si racconta (1944-2023) Valutazione: 0 su 5 stelle0 valutazioniIo e Arintha. Le cose che non voglio dimenticare Valutazione: 0 su 5 stelle0 valutazioniCanti e proverbi del folclore itrano Valutazione: 0 su 5 stelle0 valutazioniLa terra nel cuore Valutazione: 0 su 5 stelle0 valutazioniL’investigatore e il cecchino Valutazione: 0 su 5 stelle0 valutazioniIl fiocco disfatto Valutazione: 0 su 5 stelle0 valutazioniTe ne rammenti come eravamo?: Si giocava per le strade – Si scriveva con la penna Valutazione: 0 su 5 stelle0 valutazioniLa zingara di Montepulciano: Viaggio nella Toscana delle leggende Valutazione: 0 su 5 stelle0 valutazioniNella Foresta dei Lupi: Proverbi e detti Uiguri Valutazione: 0 su 5 stelle0 valutazioniCasa Allegra e i suoi bizzarri abitanti Valutazione: 0 su 5 stelle0 valutazioniParole presenti Valutazione: 0 su 5 stelle0 valutazioniRomanzi Valutazione: 0 su 5 stelle0 valutazioniLa leggenda del Re Eremita Valutazione: 0 su 5 stelle0 valutazioniSogni infranti Valutazione: 0 su 5 stelle0 valutazioniIl Mondo di Maria Valutazione: 0 su 5 stelle0 valutazioniMatilde e altri racconti Valutazione: 0 su 5 stelle0 valutazioniAscrea.. come eravamo Valutazione: 0 su 5 stelle0 valutazioniNostalgia dell’inferno Valutazione: 0 su 5 stelle0 valutazioniAnime agitate. Violenze e vendette in un intrico di amori malati Valutazione: 0 su 5 stelle0 valutazioniTi aspetterò a Makari Valutazione: 0 su 5 stelle0 valutazioniIl faro che sapeva di mare Valutazione: 0 su 5 stelle0 valutazioniSicilia esoterica Valutazione: 0 su 5 stelle0 valutazioniNon sputare in cielo che in faccia ti torna Valutazione: 0 su 5 stelle0 valutazioniAdmanvis: Ricordi autobiografici Valutazione: 0 su 5 stelle0 valutazioniLettere da Laconinas Valutazione: 0 su 5 stelle0 valutazioniPrime stanze del mio io Valutazione: 0 su 5 stelle0 valutazioniFrancigena Valutazione: 0 su 5 stelle0 valutazioni
Storia moderna per voi
Storia in sintesi, anno quinto Valutazione: 0 su 5 stelle0 valutazioniIl Lato Oscuro della Luna Valutazione: 5 su 5 stelle5/5La Difesa della razza Valutazione: 0 su 5 stelle0 valutazioniLife. La mia storia nella Storia Valutazione: 0 su 5 stelle0 valutazioniChi ha Costruito il Muro di Berlino?: Dalla Guerra Fredda alla nascita della bomba atomica sovietica, i segreti della nostra storia più recente Valutazione: 0 su 5 stelle0 valutazioniIl diritto di contare Valutazione: 0 su 5 stelle0 valutazioniSTORIE E STILI DELLA FOTOGRAFIA - dalle origini al 1950 Valutazione: 5 su 5 stelle5/5La storia sommersa: i misteri dell'Italia repubblicana Valutazione: 0 su 5 stelle0 valutazioniApprendista libero muratore. Manuale ad uso degli iniziati Valutazione: 0 su 5 stelle0 valutazioniI Savoia e il Massacro del Sud Valutazione: 0 su 5 stelle0 valutazioniUcraina, l'altra verità Valutazione: 0 su 5 stelle0 valutazioniDossier Brigate Rosse 1969-2007: La lotta armata e le verità nascoste Valutazione: 0 su 5 stelle0 valutazioniStoria della criminologia e dei metodi investigativi: Dall'impronta digitale alle moderne analisi genetiche Valutazione: 0 su 5 stelle0 valutazioniLa follia del nazismo: Dall'ideologia totalitaria alla risoluzione finale della Shoah Valutazione: 0 su 5 stelle0 valutazioniIl Muro di Berlino 1961-1989: Il racconto di un'epoca attraverso le storie dei grandi e piccoli protagonisti Valutazione: 0 su 5 stelle0 valutazioniIl Sud Borbonico e le Verità Nascoste Valutazione: 0 su 5 stelle0 valutazioniGiovanni XXIII e il Concilio Vaticano II Valutazione: 5 su 5 stelle5/5Requiem per il popolo istriano Valutazione: 0 su 5 stelle0 valutazioniLa supertestimone del caso Orlandi Valutazione: 0 su 5 stelle0 valutazioniLa guerra dello Yom Kippur: Il conflitto arabo-israeliano del 1973 Valutazione: 0 su 5 stelle0 valutazioni78 giorni di bombardamento NATO. La Guerra del Kosovo vista dai principali media italiani Valutazione: 0 su 5 stelle0 valutazioniLa guerra senza radar: 1935-1943, i vertici militari contro i radar italiani Valutazione: 0 su 5 stelle0 valutazioniGaribaldi: il Massone dei Due Mondi Valutazione: 0 su 5 stelle0 valutazioni
Recensioni su Parrannu Nissenu - Raccolta di episodi, poesie e memorie di regni meridionali
0 valutazioni0 recensioni
Anteprima del libro
Parrannu Nissenu - Raccolta di episodi, poesie e memorie di regni meridionali - Nino Lacagnina
Iddra era Calat An Nisa
Cull’età, tra antri,
mi vinni un fastidiu a vista
ca mi fa ballari a scrittura.
Chi fazzu allura?
Mmeci di leggiri
scrivu e scrivu sempri
ncapu a socchiegghiè;
basta na parola,
un pinziri e subbitu
a me menti
si mitti a vulari.
Quannu scrissi u libbru
cu titulu " Realtà Onirica a
Calat An Nisa e sogni
di vita reale nelle zolfare",
dissi ca Cartanissetta,
l’antica Calat An Nisa,
savia sviluppata
unni ora è u quartiri
di l’Anciuli.
Picchì no …
cunsidiratu ca a nascita
di sta città ha statu sempri
ammucciata nu misteru chiù ranni
cu quarcuno ca l’immaginau
nata unni ora è u Signuri da città
o
a 5 chilometri di distanza,
a Gibil el Gabib
o na cuntrada unni si trova
l’abazia di Santu Spiritu
.
Tutti sti pusti, comunqui,
hannu in cumuni
quarcosa c’avi a chi fari
cu l’arabi.
Anchi ppi sta particularità
jù l’immaginavu nata
unni ora si trova
o quartiri di l’Anciuli
nu periudu da dominazione di saracini
ca cumannavanu dall’antu
du castiddru Pietrarossa.
A cosa po jessiri
picchì i saracini, sbarcati
nell’annu ottocentovintisette
a Capo Granitolo vicinu a Mazzara,
duppu lunghi e firuci battagli
si pigghiaru tutta a Sicilia
unni guvirnaru insinu o 1091
quannu Noto fu ripigliata de normanni.
Di sta dominazzioni in tutta a Sicilia
fisicamente nenti arristò o quasi
tranne tanti nomi cumu:
"Gibil el Gabibi –na località di Cartanissetta;
Al-Qantar
- cu tale nomi si
pinsava o ponti saracinu vicinu a Adrano;
Baqar
– vo o vacchi, staddra, Bagheria;
Qala/ Qal’at
– castiddu, fortificazioni,
rocca e Calascibetta-casteddu incapu o munti Scibetto);
Caltabellotta: (rocca di querce);
Calatabiano (rocca di Biano);
Calatafimi (rocca di Eufemio);
Caltagirone (castiddu di grotti);
Misilmeri
(abitazioni dill’emiro);
Fawara
(Favara, sorgiva d’acqua);
Gebel
(altura, muntagna, muntagna isolata);
Mongibello
(l’Etna era chiamata Gebel
o timpu dill’Arabi e duppu
Mongibeddu da i persuna istruiti);
Gibillina
(Altura picciriddra, Gibilmanna, Gibilrossa);
Salam
(pace, unni c’è serenità, Salemi).
A Sicilia, pi tuttu u periudu
da dominazioni saracina
s’arricchì di n’agricultura assai moderna
cull’abolizioni da monucultura
e l’intrudizioni de culturi
di l’agrumi e i ranni opere
pi l’irrigazioni.
Natali a Cartanissetta
Duranti tuttu u periodo nataliziu
a Cartanissetta si svolgiunu mostri,
cuncerti, esposizioni
e u tradizionaliPrisepe Viventi -
Bitlemme nu quartiri di l’Anciuli
-,
all'internu dusuggestivu
e anticuquartiriArabo
.
Stu prisepe nu centru storicu,
ca ogni anno si presenta nuvu
a ccu talia ppi so minimi particolari
allistuti cu amuri e devozioni,
ca casa di Erode,
a grotta da natività,
ca staddra cu vo u sceccu,
u gaddrinaru, u gregge cu i pastura,
i filatrici, l’albergu,
i famigli di Betlemme,
i ricamatrici, u fabbru firraru,
l’arrutinu, u calzularu,
u taglia ligna e u falignami.
Nne vanchi unni si distribuisciunu
i degustazioni, venu offerti
biccheri di vinu, durcetti, ricotta,
formaggi, pani cunzato, pizze,
ciciri, lenticchie e fasola cutti.
Nu quartiri di San Giuseppi,
quann’era carusu, mmeci,
s’organizzava un cuncursu
pi cu cunzava u prisepi chiù biddru.
Jù, caiu avutu sempri sta passioni,
cunzava un bellissimu prisepe
u chiù vicinu possibuli
all’abbienti orientali consideratu
ca u canusciva megliu di l’antri
pi essiri natu a Tripoli,
e turnatu in Italia, a Cartanissetta,
all’età di decianni.
U presepi u cunzava
cu tanti parmi
cu i casi di stili arabu
i surdati rumani ca occupavanu
a Palistina, u desertu
e u castiddu di Erode
ca pariva propriu chiddu
da Chiazza Italia a Tripoli.
Pi stu presepi pigliava sempri
u sicunnu premiu
considiratu ca u primu
viniva assignatu ogni annu
a parrocchia di San Giuseppi.
Ma i ristava sempri cuntentu
vidinnu cumu a giurì e i visitatura
taliavanu stasiati a me opira
sapinnu in cori mì ca chistu
era sempri u chiù biddru.
I Fogliamari e a Strata 'a Foglia
Nsinu a sei anni fa
i avia un granni amicu,
Michele Riggi, un tecnicu,
un perito agrariu
spicializzato nu sitturi
di costruzioni edili e rurali.
Nu tempu libiru, s’intirissava
da so passioni trasfurmannusi
in un formidabuli ricercaturi-raccuglituri
di erbe sirbagge amari.
A prima vota ca niscivu cu d’iddru
arristavu scuncirtatu
pa so sviltizza a muvisi no tirrenu
ca parsi e me ucchi
cumu chidda di nu stambeccu.
Ncapu u tirrenu lungu u Salsu,
nni campagni ca vannu
do ponti Giannitteddru a Delia
e a Capodarso, località da iddru
canusciuti a perfezioni
circa u tipu d’erbi sirbaggi
ca ni sti punti crisciunu
a sicunna da stasciuni,
non si firmava un momentu
come n’arraggiatu,
mentri jù, stunatu, dacchì lu vidiva
ncapu un custuni di roccia,
tanticchia duppu, sparutu a me vista,
lu vidiva arrì, ma sta vota a valli,
di unni cu na vuci nirbusa
mi indicava un puntu
riccu assai di certi erbi.
Nni di occasioni
facivamu u chinu di
finucchiddi, mazzareddi,
cicuriedda, spinacciola,
giri, cardeddra,
cacucciuliddi spinusi,
sparagi e fungi di ferla.
Ma anchi si l’amicu mì
pa so capacità
di circari e coglieri l’erba sirbaggia
nunn’aviva nuddu co battiva,
certo nun putiva essiri
considiratu un fogliamaro;
prima di tutto ppu fattu ca svulgiva
st’attività ppi semplici piaciri
e duppu punn’aviri
a mentalità di un veru fogliamaro.
I fogliamari, vuci unica e vera
dill’animu nissenu,
ca u Venerdì Santu portanu a spadda
u Signori da Città a pedi scanzi
cantannu i lodi o Signuri,
nun su lamentaturi comu chiddi
di l’altri congregazioni
du restu da Sicilia,
ma ladanti
ca custudisciunu
un ripertoriu priziusu
di cantu tradiziunali a chiù vuci
ca cuntanu a passioni di Cristo
accumpagnati da na sulu
linea melodica cull’animazioni
di due vuci suliste (primavuci e controvuci)
e da un coru.
Interi famigli di fogliamari si
tramannanu a tradizioni du cantu
e da devozioni o Signuri crocifissu.
U legami tra i diversi generazioni
di fogliamari è n’elementu essenziali
pi fari partecipari i figli nichi a i processioni,
i picciutteddi a ladari ni cori
e a falli imparari cu i paroli dill’anziani a storia,
i liturgì, a serietà da devozioni
e l’impegnu spirituali
ca tutto chistu rapprisenta.
I fogliamari sunnu pritenziusi
nill’ammetteri
i nuvi devoti fra iddi tantu
da chiediri anche e i professionisti,
che chidunu di unirsi a iddi,
l’autenticità da fidi
e l’umirtà comu stile di vita.
Iddi su eredi di na cultura antica
ligata a sopravvivenza di un popolu
cunuscitura e raccoglitura d’erbe amari,
preziusi e aromatiche,
ca hannu statu sempri capaci di truvari
nne campagni vicinu a città,
erbe ca vinnivanu
na strata du vecchiu mircatu,
a Strata a’ Foglia, da strata unni pi secoli
u duru lavuru di raccoglitura
s’incuntrava cu l’esigenzi alimintari
du popolo chiù disagiatu.
Ni sta strata dall’antu
di banchi da frutta e virdura,
talianu benevulmenti
i figureddi sacri de santi
e da Sacra Famiglia.
Davanti sti figuredde
da pietà populari,
ca su in nummaru di cinqu,
i fogliamari anche st’annu
turnaru a cantari
da quannu sta cirimonia
ha statu ripristinata nmizzu
a Simana Santa cu i vuci dulurusi
ca accumpagnanu da secoli
a passioni di Cristo a Cartanissetta.
Quann’è distinu
Sapinnu co Redenturi,
ncapu u munti San Giulianu,
vota i spaddi all’abbitatu
di Cartanissetta
cumu si nunvulissi proteggila,
un gnè meraviglia ppe Nisseni
ca a statua du Re Umberto Primu,
misa davanti o Culleggiu,
nfacci a chiazza Garibaldi,
pari u Manneken Pis di Bruxelles
rividutu e currettu
almenu nill’età e nno spiritu
consideratu ca u primu
jera un picciriddru
ca mustrava disprezzu
ppi l’invasura da so patria
mentri u secunnu
nun si sa chi voli esprimiri
ca posizziuni ca s’arritrova
ca duna un certu effettu,
nun vuluta certo do Tripiscianu,
ca null’appi mai talijari di profilu.
Na nostra Sicilia
Ma chi schifiu Beddramatri,
nunn’avimmu propria nenti
ni sta reggioni…
mancu o timpu!
Fa callu
callu assai?
jè l’Africa cà svapura
e ni squada!
Fa friddu
friddu piddravero?
E’ a Russia o…
l’Ucraina o Ucraìna,
cumu schifiu si dici,
ca sciuscia
e n’arriduci
nà cannilora;
si bloccanu li treni,
l’autostrati,
n’arricurdamu ca ci su puru
i senzatettu,
l’acqua nunn’arriva a casa
picchì i tubba si rumpunu
e i carusi fannu festa
ppi scoli chiusi.
E nuantri?
U nostru timpu?
Ma chi ti vugliu diri…
nuantri, cumu sempri,
stamuccà,
cumu i puviriddri,
ca stinninu a manu
pi socchiegghiè.
L’opra ‘e pupi
ca l’UNESCO " u 18 Maggio 2001 dichiarò
patrimoniu culturali immateriali dill’Umanità",
ebbi origini in Italia na mità dill’ottocentu
e fu sempri fatta da un ripertoriu orali
ca si rifaciva o ciclu carulingiu da Chansons de geste
e a i poemi cavaleri da tradizzioni italiana
cumu i gesta d’Orlando Furiuso,
cu pupi di lignu chi caratteristichi di du grandi scoli,
a catanisi e a palermitana.
I compagnì tiatrali che rapprisintavano i gesta eroiche
furu sempri a carattiri familiari ca provvidivano
anche a fari i mariunetti ne propri putii.
In passato, sti esibizioni si facivanu a puntati ppi diversi sirati
e funzionavanu anchi cumu incontri sociali.
Ma duppu i sconvolgimenti economici e storici
duvuti o straordinariu buum economico
dill’anni cinquanta,
stu tipo di tiatro trasì ncrisi in quasi tutta l’Italia
ma no in Sicilia unni si riducì assai
ma si sarbò ancora ppi anni
speci nu catanisi e nu palermitanu
unni sti spettaculi si svulgivanu in locali stabili.
Jù, ca nu1950 avia decianni,
ricurdu ca a Cartanissetta nun c’eranu tiatri stabili
e ca sti rappresentazioni
vinivanu fatti da cantastorie girovaghi
ca oltre a i gesta di paladini,
rapprisintate incapu a nichi
palcoscenici purtatili cu l’ausiliu
di tili affriscati da immagini diversi,
cuntavanu a vita di persunaggi
cumu chidda du bandito Giuliano
e anchi l’avvenimenti di cronaca ca capitavanu.
Ricurdo ca in via Chiarosi,
nu slargo ca via F. Fortino,
nuantri carusi cu quarchi anzianu
pigliavamu pustu chi seggi,
ca ni purtavamu di intra,
ca si stemavamu cumu na sala cinimatografica.
Duppu u rullari dun tammuro
e nu squillu da trumma,
accuminciava u spettaculu.
Era allura che Orlando,
protettu da so argintata armatura mitallica,
duppu c’avia tammuriato a so spata
ncapu o scudu chiassò di na vota,
a Roncisvalle s’avvintava incapu i niuri
e tinti saracini ca murivanu cumu muschi.
A stu puntu Don Angelo,
accussì si chiamava u puparo,
infiammatu du raccuntu ca faciva
e sapinnu chiddu ca nuantri carusi
vulivamu ca dicissi a fini,
ca forza c’ancora aviva vanniava:
e du jurnu n’ammazzò cento,
e nuantri in coru – calammu Don An;
e du jurnu n’ammazzò sittanta,
e nuantri – calammu Don An;
e du jurnu n’ammazzò cinquanta –
calammu Don An;
e n’ammazzò vinti - calammu Don An;
e n’ammazzò deci – calammu Don An;
e n’ammazzo dui – calammu Don An;
e du jurnu ammazzò sulu
di buttani de vustri mammi!
I risati a sti paroli non finivano cchiù e,
ca convinzioni ca don An nun si rivulgiva piddavero
a i mammi ma ca si trattava sulu di na battuta,
tutti addritta ridinnu applaudivamu
nsinu a struppiarini li manu
mentri i collaburatura di Don Angelu
passavanu tra i fila cchi cistina ppi l’offerti.
Giujuzza
Giujuzza mi dissi la to vucca
e sta parola mi torna sempri nmenti
cumu a cunsularimi pi quannu
lu me cori jè tristi ca voli a tia.
Nun ci cridiva ca vastava na parola
a farimi filici na jurnata.
Ma a verità è ca sta parola
nun fu ditta di uno cuma l’antri,
ma di uno ca pì mi voli diri tantu,
di uno ca è tutta a vita mì
tantu ca un corpu senzar’arma i mi sintu
quannu sacciu ca nun pozzu
stare vicinu a tia.
Nu privilegiu però vulissi aviri,
ca sta parola ma dicissitu ppì sempri
finu a quannu sfiorisci a me vita.
Carusi di pirreri
A storia di pirreri da Sicilia,
di minatura e di carusi,
picciriddi di sei insinu a dudici anni,
ca ci travagliaru
peggiu di schiavi pi du seculi,
ca nunn’arricivivanu
mancu a pietà da chisa du timpu
ca era cumminta ca muriri
ndisgrazia suttu terra
era na punizioni do cilu
ppi loro piccati.
Sta storia, ha statu cantata
cu granni amuri e pietà
da na canzuni unni protagunista
è na crozza, un teschiu
,
ca a bucca di puzzu, u cannuni
,
si lamenta punn’aviri pa so morti
arricivutu mancu l’onoranzi funibri
ca cumencianu cun toccu di campani
.
Ppi centinara d’anni i proprietari de turrena,
ca tannu eranu proprietari anche du sottusuolu,
arricivivanu do Gabelloto
, u concessionariu,
na quota di profittu pa vinnita du surfaru
pari inzinu o trenta pi centu du ricavatu.
Seguiva duppu u guadagnu duvutu
a i sborsanti
, i finanziatura,
cumposti da i magazziniri e da l’esportaturi.
C’iaviva a jessiri anchi u guadagnu di
carrittera, di fabbri, di bottegari,
chiddru di calcaronari
(l’addetti a preparazioni di calcaruna - i furnaci -),
chiddru pi l’arditura
(l’ addetti a fusioni du surfaru)
e i vagunara
c’ammuttavanu i vaguna carichi di surfaru
dall’imboccatura da pirrera nzinu e calcaruna.
Tutti sti pirsuna in conclusiuni
dipinnivanu do travagliu di piccunera
,
ca scavava u surfaru a curpi di piccuni
no sottosulu e di carusi
ca
ncapu i spaddi traspurtavanu
u surfaru in superfici.
Pi stu motivu, pu fattu d’essiri
ncapaci di difennisi essinnu picciriddi
e pu fattu d’essiri stati vinnuti po bisugnu
da i propri genitura e piccuniri,
ca dispunevanu d’iddi di vita e di morti,
u travagliu di carusi era
di vitali impurtanza pi st’organizzazzioni
infami e brutali.
Ognipiccuniri, ppi 200 liri l’unu,
accattava da due a quattrocarusi
ca completamenti nudi,
intra stritti scali scavati na roccia,
a na temperatura di 50 gradi,
purtavanu in superfici un carricu di sulfaru,
do pisu di 35 chila pi chiù picciddi
e 80 chila pi chiù ranni,
sempri currinnu, ncitati, ammuttati,
spessu frustati e vastunati
cu vastuna e tubba di gumma.
Un veru giruni infirnali
ca nun permittiva e carusi
di ripusari un momentu
o firmarisi pinzina pun bisugnu corpurali ca,
si cuncessu, aviva a esseri dimustratu
a i sorveglianti cull’esibizziuni
da cardarella inchiappata.
I conseguenze di stu micidiale sfruttamintu
pi supestiti furu a cecità, u rachitismu,
a deformazioni scheletrica e i
malattì de purmuna ca i riduciru
a granni invalidi pu restu da loru vita.
Assai furu i morti in giovanissima età
pi incidenti e pi l’esplosioni di grisou
,
u gas micidiali e inoduri,
ca si scupriva sulu ca morte
di cardidduzza tinuti intra i gaggi,
ma ca nun garantiva a salvizza
picchì spessu nun c’era chiù u timpu
di mittisi in salvu all’apertu.
Na lapide dill’Associazione
Amici da Miniera
di Cartanissetta
ricorda ca a matina du 12 novembre do 1881,
nna miniera Gessolungo sezione Calafato
da contrada Juncio,
pu scoppio improvvisu di grisou
55 minatori, anche se feruti,
arrinisciru a mittisi in salvo;
65 muriru e 49 salme ricupirate
dopo venti jorna
furu sepolti ni stu puntu.
Tra iddi ci furu 19 carusi
,
di età compresa tra 8 a 14 anni
di cu 9 ristaru ignoti.
In nantru incidenti in miniera
ndra na sula vota muriru 150carusie,
ncapu a lapidi ca l’arricorda,
28 su senza nomi.
Ca chiusura di minieri di surfaru,
finì a tragedia dicarusi,
ma no di minatori siciliani ca,
a seguitu di n’accordo criminali du 1946
tra u governu italianu e chiddu belga,
l’Italia s’impignò a acquistari
u carbone belga a prezzo agevulatu
in cambio dell’invio di 50.000 minatori ca,
pun certo nummaru d’anni,
nun’avivanu né putivanu canciari lavuru,
pena l’arrestu.
A sti condizzioni assà surfarara siciliani
lassaru a loro terra cu tre sulu cirtizzi:
ca guerra di sopravvivenza
pi iddri nun jera finuta,
ca prima o poi s’avissiru ammalatu
di silicosi e che tanti di iddri
nun forranu chiù tornati a casa
cumu effettivamenti avvinni
l’otto Agustu du 1956 ppi na catastrofi
na miniera Marcinelli unni
muriru 136 operai siciliani
chiù da mità da forza lavuru
di ddra pirrera.
Cull’occasione
L’autru jurnu cull’occasione da passiatina
c’ognittantu mi fazzu o centru storicu da città,
priciso all’angulu tra Corso Umberto
e a scinnuta dell’ex piscarì , ca na vota era u mircato,
vitti nu vicchiariddu ca chidiva l’elemosina.
Mi firmai, ci detti 20 centesimi,
e ristai a taliallu cumu nu scimunitu
picchì nun vidiva chiù a iddu ma un fogliamaru
ca propria ni du puntu, tanti tanti anni prima,
si mittiva cu na cesta china di cosi vivi do Imera.
Si picchì l’Imera tannu era ancora vivu e
ne so acque si piscavanu, oltre a i cosi vivi,
anchi verdi angiddi.
D’estate ogni tanto chi cumpagni du quartiri ci iva;
pigliavamu ammucciuni,
picchi nunn’accattavamu u biglittu,
u treno ppi Cartanissetta Xirbi
e quann’eramu vicinu a sciumi santavamu.
Fare u bagnu nunn’era cosa facili
picchì l’acqua era picca e,
chidda ca c’era, s’imbirriava, strascinava,
rutuliava, santava incapu nu lastrunu,
finiva intra na ranni funnuta fossa e
ni stu puntu, cu sapia natari,
cumu a mi, finalmente natava.
L’antri, chiddi ca nun sa fidavanu,
s’accuntintavanu di teneri i pedi a muddru.
Duppu u timpu ca stetti fermu
a taliari ca mente st’avvenimenti passati,
u vicchiariddu mi taliò cumu pi dire
ma chi bu?
Addunatumi do so meraviglia
ci detti n’antri 20 centesimi e minniivu.