Norma (rasi lintang)
NORMA | |
---|---|
![]() | |
Cekakan | Nor |
Genitif | Normae |
Asensio rekta | 16.05 |
Deklinasi | −52.01 |
Area | 165 derajad pesagi (#74th) |
Lintang utama | 2 |
Lintang Bayer/Flamsteed | 13 |
Lintang mawa planèt | 4 |
Lintang padhang | 0 |
Lintang cedhak | 0 |
Lintang paling padhang | γ2 Nor (4.01m) |
Lintang paling cedhak | HD 145417 ( tc) |
Obyèk Messier | 0 |
Udan météor | Gamma Normids |
Rasi lintang sing wewatesan | Scorpius Lupus Circinus Triangulum Australe Ara |
Katon antara lintang +30° lan −90°. Katon paling cetha ing wektu 21.00 jroning sasi July. ' | |
Norma inggih punika salah satunggaling rasi lintang ingkang alit lan boten patos narik kawigatosanipun para panalti ingkang mapan wonten ing belahan langit sisih kidul, ing antawisipun rasi lintang Scorpius lan Centaurus. Nama Norma punika ingih saking basa Latin, normal.
Sajarah
[besut | besut sumber]Norma inggih gadhah nama asli l’Equerre et la Regle wonten ing basa Prancis, ingkang punika kalebet salah satunggaling rasi lintang ingkang kapanggih déning Abbé de Lacaille ing tengahan taun 1750, nalika piyambakipun nembé ngukur lan nliti 10.000 lintang wonten ing Cape of Good Hope.[1] Norma nggambaraken kothakan tukang kayu, ingkang dipun-ginakaken wonten ing Age of Exploration déning penjelajah kayu wonten ing kapal eksplorasi.
Lintang - lintang
[besut | besut sumber]Rasi lintang Norma gadhah tlatah ingkang ambanipun kirang langkung 165 drajat persegi lan ngewrat sekawan lintang ingkang dipunmangertosi minangka planit - planit. Rasi lintang Norma punika saged dipuntingali ing garis lintang antawisipun +30° lan -90° lan badhé katingal ingkang saé piyambak wujudipun manawi dipuntingali ing jam 9 dalu ing salebeting Juli. Norma boten gadhah kathah nama lintang- lintang ing lebetipun, lan ingkang paling terang nomer satunggal namung gadhah magnitudo sekawan. Lintang alpha lan beta purwakanipun dipuntunjuk lan sasampunipun dipuntugasaken déning rasi lintang Scorpius lajeng gantos nama dados N Scorpii lan H Scorpii. Déné ing salebeting rasi lintang punika, lintang- lintang ingkang kaanggep baku ing antawisipun inggih kados makaten:
- γ1 Nor lan γ2 Nor. γ2 Déné kekalihiipun caket kaliyan jinis lintang optik ganda (HJ 4841).
- ε Nor: ingkang caket kaliyan jinis lintang biner (HJ 4853). Kalih komponenipun gadhah magnitudo 4.54 lan 6.68; pambadenipun inggih 22" ing PA 335°. Komponèn ingkang paling boten gadhah daya inggih kalebet jinis lintang binar spektroskopik (mag 6.68 lan 7.12).
- ι1 Nor: inggih punika jinis lintang ganda. Lintang AB gadhah magnitudo 5,6 lan 5,8, ingkang gadhah periode 26,9 taun; ing taun 2000 pambedanipun inggih punika 0.5" ing PA 285°. Komponèn C, kanthi magnitudo 8.75, inggih tebihipun 11" ing PA 242°; ingkang punika sanès anggota fisik saking sistem punika, ingkang tebihipun namung 55 taun cahya, déné sepasang lintang AB gadhah jarak ingkang langkung saking 140 taun cahya.
- μ Nor ingkang ngewrat Alpha Cygni variable, kanthi jarak ing antawisipun 4.87 – 4.98. Punika inggih kalebet tipe spektral O9.7 Iab.
- R Normae ingkang kathah dipunmangertosi minangka variabel Cepheid kanthi jarak ing antawisipun 6,12 - 6,77 kanthi periode 9,75411 dinten. Lintang punika mapan wonten ing punjering kluster kebikak saking galaksi NGC 6087.
Objek langit Lebet
[besut | besut sumber]Sanajan to lokasi rasi lintant punika wonten ing salebeting galaksi Bimasekti, rasi lintang punika ugi gadhah objek langit pérangan lebet, déné ingkang kathah piyambak dipunmangertosi inggih punika NGC 6087.
- NGC 6067 inggih punika kalebet kluster kebikak, ingkang mapan wonten ing sak ngandhaping 1° sisih lor saking Kappa Normae. NGC 6067 ngewrat kirang langkung 100 lintang kanthi magnitudo 1o lan gadhah magnitudo 5,6 manawi dipungabung.
- NGC 6087 inggih punika lintang ingkang padhang piyambak wonten ing kluster kebikak wonten ing rasi lintang Norma punika, ingkang punika mapan wonten ing pojok sisih kidul radi wétan saking rasi lintang punika ing antawisipun α Centauri lan ζ Arae. Galaksi punika tebihipun kirang langung 3500 taun cahya lang ngewrat 40 lintang ingkang magnitudonipun antawisipun 7 ngantos 8. Anggotanipun ingkang padhang piyambak inggih punika Cepheid variable S Normae, kanthi magnitudo +5.4.
- Sp 1 (utawi PK 329+02.1) inggih punika jinis planit nebula ingkang kathah dipunmangertosi minangka Fine-Ring Nebula. Galaksi punika mapan wonten ing f drajat ingsisih kulon ngantos lor radi kulon saking γ1 Nor.
- Abell 3627, utawi ingkang ugi dipunsbat Kluster Norma, inggih punika galaksi kluster ingkang mapan wonten ing papan ingkang tebihipun 200 milyar taun caya saking bumi kanthi warna radi abrit.
Norma inggih kalebet wonten ing kulawarga rasi lintang Lacaille, sesarangen kaliyan rasi lintang Circinus, Telescopium, Microscopium, Sculptor, Fornax, Caelum, Horologium, Octans, Mensa, Reticulum, Pictor lan Antlia. Rasi lintang punika dipunkiteri kaliyan rasi-rasi lintang sanèsipun inggih punika rasi lintang Scorpius, Lupus, Circinus, Triangulum Australe lan Ara.[2]
Cathetan suku
[besut | besut sumber]- Burnham, Robert Jr. (1978), Burnham's Celestial Handbook: An Observer's Guide to the Universe Beyond the Solar System, General Publishing Company, Ltd., ISBN 0-486-23568-8
{{citation}}
: Text "2nd" ignored (pitulung); Text "edition" ignored (pitulung) - Ridpath, Ian; Tirion, Wil (2007), Stars and Planets Guide, Princeton University Press, ISBN 978-0-691-13556-4
- Staal, Julius D.W. (1988), The New Patterns in the Sky: Myths and Legends of the Stars, The McDonald and Woodward Publishing Company, ISBN 0-939923-04-1
- Wilkins, Jamie; Dunn, Robert (2006), 300 Astronomical Objects: A Visual Reference to the Universe, Firefly Books, ISBN 978-1-55407-175-3