Trèm
![](http://upload.wikimedia.org/wikipedia/commons/thumb/a/a1/4trams_vienna.jpg/220px-4trams_vienna.jpg)
Trèm utawa trèmwé (saka basa Inggris tram utawa tramway) iku jinis transportasi ril sajeroning tlatah pakuthan (urban) lan ngliwati dalan-dalan kutha. Sok-sokan trèm uga ndarbèni dalan dhéwé sajeroning kutha. Prabédan utama antara sepur karo trèm iku leté lan dawané trèm. Rute trèm padatané namung cendhak waé lan ngliwati jalur-jalur sajeroning kutha. Kamangka sepur iku padatané jaluré dawa utawa antarkutha lan sepur iku racaké wanguné dawa, kawangun saka sawatara gerbong.
Étimologi
[besut | besut sumber]Tembung trèm lan trèmwé iku aslinya (ca. 1500) saka tembung Basa Sekotlan sing tegesé sajinising grobag sing dianggo ing tambang batubara lan rilé sing dianggo liwat, mbokmanawa dijupuk saka basa Flandria Tengahan tram beam, handle of a barrow, bar, rung", sawijining tembung Basa Jermanik Sagara Lor sing asalé durung cetha sing tegesé gagang saka sawijining papan paluncuran (barrow utawa sledge). Tram-car wiwit dicoba dianggo wiwit taun 1873.[1] Sanadyan tram lan tramway wis diserep ing manéka basa, nanging ora dianggo kanthi umum sajeroning Basa Inggris; wong Amérika Lor luwih milih tembung trolley, trolleycar utawa streetcar. Istilah streetcar iku pisanan kacathet ing taun 1840. Nalika listrik wiwit sumrambah, wong Amérika wiwit nganggo istilah trolleycars utawa sabanjuré, trolley, dipercaya asal saka tembung troller, sawijining piranti angkut rodha papat sing ditarik ing sadawaning kawat gumantung, nganggo kabel sing ngubungaké karo daya listrik sing ana ing kawat mau [2]
Réferènsi
[besut | besut sumber]- ↑ Online Etymology Dictionary, etymonline.com. Retrieved 4 April 2009.
- ↑ Robert C. Post: Urban Mass Transit, p.43, from Google Books.com. Retrieved 13 February 2009.