Бақша қараоты
Навигацияға өту
Іздеуге өту
Бақша қараоты | ||||||||||
---|---|---|---|---|---|---|---|---|---|---|
![]() | ||||||||||
Ғылыми топтастыруы | ||||||||||
| ||||||||||
Екі-есімді атауы | ||||||||||
Portulaca olerаcea |
Бақша қараоты (лат. Portulaca olerаcea)[1] - қараоттар тұқымдасы, қараот туысына жататын бір жылдық шөптесін өсімдік.
Ботаникалық сипты
[өңдеу | қайнарын өңдеу]![](http://upload.wikimedia.org/wikipedia/commons/thumb/7/7e/Illustration_Portulaca_oleracea0.jpg/180px-Illustration_Portulaca_oleracea0.jpg)
- Биіктігі 10-35 см.
- Сабағы етжеңді, жайылып өседі. Түбінен бастап бұтақтанады.
- Жапырақтары қондырмалы, ұзынша сына тәрізді, ұшы доғал, түбіне қарай жіңішкерген, жоғары жағында қарама-қарсы кезектесіп орналасқан. Жапырағының ұзындығы 1-2 см, ені 1 см-ге дейін, етжеңді.
- Гүлі майда, жапырақ қолтығынан дана немесе 2-3 -тен топтасып жетіледі. Тостағанша жапырақтары шөптесін, күлтелері сары түсті. Аналығы ұзын. Маусым-қыркүйек айларында гүлдеп, жемістенеді.
- Жемісі жұмыртқа тәрізді немесе дөңгелек шар тәрізді қауашақ, ұзындығы 5-8 мм.
- Тұқымы бүршік тәрізді, қара қоңыр түсті. Мал жемейді.
Өсетін жері мен таралуы
[өңдеу | қайнарын өңдеу]Жер бетінде тропиктік және субтропиктік аймақтарында таралған. Қазақстанда Каспий маңында, Балқаш-Алакөл ойысында, Іле, Күнгей, Қырғыз Алатауларында кездседі. Өсетін жері - өзендердің құмды жайылымдары, егістіктер, бақшалар, алаңқайлар.
Қолданылуы
[өңдеу | қайнарын өңдеу]![](http://upload.wikimedia.org/wikipedia/commons/thumb/7/7a/Portulaca_oleracea1.jpg/180px-Portulaca_oleracea1.jpg)
- Медицинада бақша қараотының дәні және жапырағынан жасалынған дәрілер бүйрек, бауыр, т.б.ауруларға қарсы ем үшін пайдаланылады.
- Аспаздықта шикідей, пісірлген және маринадталған түрінде тамақ дайындау барысында қолданылады.
- Мәдени сәндік түрі гүлзарларда өсіріледі.
Дереккөздер
[өңдеу | қайнарын өңдеу]- ↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5