Linor Abargil
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
![](http://upload.wikimedia.org/wikipedia/commons/thumb/3/3f/Linor_%28cropped%29.jpg/250px-Linor_%28cropped%29.jpg)
Linor Abargil (en ivrit: לינור אברג'יל, algunas vezes eskrito Linor Aberjil; nasida el 17 de Fevrero de 1980) es una avokata, aktrisa, modelo i reyna de ermozura israeliana ke reushito enel konkorso Miss Mundo de 1998,[1] pokas semanas antes de ser violada. Desde este momento, era dechidio ser una aktivista mundiala en la gerra en kontro de la violensia seksuala.[2] Eya aresivio la su korona de la Miss Mundo 1997, Diana Hayden.
Biografiya
[trocar | trocar el manadero]Abargil nasio en Netanya, Israel, en una famiya de djudios marokanos, ija behora de Aliza i Jacky Abargil.[3]
Kariera
[trocar | trocar el manadero]Syete meses antes de reushitar enel Miss Mundo, Linor, de edad de 18 anyos, era violada kon un kuchiyo en la garganta por el su adjente de viaje, Uri Shlomo Nur, en Milano.[4] Eya telefoneo alas otoridades italianas, ma desharon a Nur libbero por modre ke no toparon evidensia. Diskues de esto, eya izo kontakto kon las otoridades israelianas, las kualas demandaron ekstraditar a Nur para yevarlo ala prizion. Nur era eventualmente yevado a Israel, ande el djuzgo dechidio, uzando el ADN topado en la su araba, ke kale meterlo en la prizion. Aresivio 16 anyadas.[5][6] Abargil demando ke otras mujeres ke bivieron una eksperiensa komo la de eya telefonearan ala polis.[7][8]
En 2013, Brave Miss World, un filmo dokumentario ensima de about Abargil, la violasion i el su aktivizmo, era apresentado enel Athena Film Festival.[9] El filmo era produzido por Cecilia Peck, la ija del aktor amerikano Gregory Peck.
Vida privada
[trocar | trocar el manadero]Abargil se espozo kon el djuegador de basketball lilai Šarūnas Jasikevičius en una boda sivil la sivdad de Barselona, en Djulio de 2006,[10], ma se kitaron en 2008 2008.[5][11] En 2010, Abargil se espozo kon el su manager Oren Halfon, i dechidio azerse relijioza. En 2012, metio al mundo buchukes (un ninyo i una ninya), i en 2013, pario una ninya.[12][13] Abargil endemas ambezo para ser avokata enel Kolej Akademiko de Netanya i apartiene ala Asosiasion Israeliana de Avokatos.[14]
Refensias
[trocar | trocar el manadero]- ↑ Linor cruises to Miss World title. BBC (en lingua inglesa)
- ↑ Take Back the Night features former Miss World Linor Abargil (en lingua inglesa)
- ↑ Linor's Story. Brave Miss World (en lingua inglesa)
- ↑ How Miss World made rapist pay. Jewish Chronicle Online (en lingua inglesa)
- ↑ a b Ex-Miss World to make graphic film of her rape. The Times Online (en lingua inglesa)
- ↑ Pageant News Bureau (PNB) – Pageant News (en lingua inglesa)
- ↑ The Linor Documentary Project (en lingua inglesa)
- ↑ How Miss World made rapist pay (en lingua inglesa)
- ↑ "Brave Miss World": Raped Before Winning ’98 Title, Linor Abargil Campaigns Against Sexual Violence.Democracy Now (en lingua inglesa)
- ↑ Israel’s Celebrity Wedding. The Forward. (en lingua inglesa)
- ↑ "Former Miss World to shoot 'inspirational' documentary about her rape". The Australian (en lingua inglesa)
- ↑ לינור אברג'יל. Ishim. (en ivrit)
- ↑ "אחרי עשר שנים, הרגשתי שאני מוכנה". Israel AYom (en ivrit)
- ↑ קבלו את עורכת הדין - לינור אברג'יל. YNet. (en ivrit)