Seegelschëff
![](http://upload.wikimedia.org/wikipedia/commons/thumb/c/c9/Moll_-_A_new_map_of_the_whole_world_with_the_trade_winds.png/170px-Moll_-_A_new_map_of_the_whole_world_with_the_trade_winds.png)
![](http://upload.wikimedia.org/wikipedia/commons/thumb/4/40/Mare_Frisium.jpg/250px-Mare_Frisium.jpg)
![](http://upload.wikimedia.org/wikipedia/commons/thumb/a/ae/Zeesenboot_Bodden.jpg/250px-Zeesenboot_Bodden.jpg)
E Seegelschëff (Schëffsnumm dacks mat SS uginn) ass e Schëff, dat ganz oder haaptsächlech mat senge Seegelen duerch d'Kraaft vum Wand viru gedriwwe gëtt. Seegelschëffer waren zanter der Antiquitéit bis zum 19. Joerhonnert déi wichtegst Verkéiersmëttele fir den Transport vu Gidder a Persounen op laange Strecken um Mier. Si goufe vum 19. Joerhonnert u mat Dampschëffer a Motorschëffer ersat. Bis gutt an d'19. Joerhonnert eran, waren och déi meescht Krichsschëffer Seegelschëffer. Kleng Seegelschëffer ginn als Seegelbooter bezeechent.
Opbau a Klassement
[änneren | Quelltext änneren]Seegelschëffer hunn op d'mannst ee Mast, ee Seegel an och als Géigestéck am Waasser e Kiel, deen déif an d'Waasser era reecht, an ee Schwäert oder méi Säiteschwäerter, besonnesch bei Schëffer mat plattem Buedem.
En Ënnerscheed gëtt gemaach tëscht zwou Aarte vu Seegelen:
- Rahseegel, déi an enger Rah ugeschloe ginn an haaptsächlech queesch zur Faartrichtung orientéiert sinn, a
- Schratseegel, déi a Richtung vun der Längt vun der Schëffssachs ubruecht sinn. Zu de leschte gehéieren:
- Héichseegel oder Bermudaseegel: dräieckege Seegel, déi um oder hanner dem Mast ubruecht sinn an deenen hiren ënneschten Deel hanne vun engem Bam opgespaant gëtt.
- Gaffelseegel, déi d'Form vun engem Trapéiz hunn an un enger Gaffel gefuer ginn.
- Laténgerseegel, dräieckeg oder trapéizfërmeg Seegel, déi an der Faartrichtung queesch zum Mast a mat engem Deel virum Mast hänken.
- Luggerseegel, déi tëscht Gaffelseegel a Laténgerseegel ze klasséiere sinn an dacks ouni Bam gefuer ginn.
- Sprietseegel, véiereckeg Seegel, déi vum viischten ënneschten Eck bis zum ieweschten Eck vum Mast hänken.
- Krebsscherenseegel
- Spreizgaffelseegel
- Stagseegel
Type vu Seegelschëffer
[änneren | Quelltext änneren]- Bark
- Brigantine
- Brigg
- Dau
- Dschunk
- Ewer
- Fregatt
- Gabarre
- Galeasse, Dräimaster mat Laténgerseegelen
- Galéi
- Galeone
- Gulet
- Hansekogge
- Holk
- Karacke
- Karavell
- Klipper
- Korvett
- Kraweel
- Lädine
- Pinasse
- Pinisi
- Schebecke
- Schoner
- Schonerbark (Barkentine)
- Vollschëff
- Zeesenboot
Net spezifesch Bezeechnunge fir Seegelschëffer sinn z. B.: Dräimaster, Groussseegeler, Fënneffmastschëff oder Windjammer.
Berüümt Seegelschëffer
[änneren | Quelltext änneren]- Santa Maria, Admirolsschëff vum Christoph Kolumbus op senger éischter Rees, (1492)
- Mayflower, Schëff dat déi éischt Emigranten (Pilgrims) vun Europa no Nordamerika bruecht huet
- HMS Victory, Admirolsschëff vum Nelson (1805,an der Schluecht vu Trafalgar)
- Le Renard, Aacht a lescht Schëff, dat vum Pirat Robert Surcouf arméiert a benotzt gouf (1813)
- America, Éischte Vainqueur vum America-Cup (1851)
- Cutty Sark, Berüümte Clipper op de Reesen op der Sich no Téi (1869), kann zu London als Muséeschëff besicht ginn
- Belem, leschte franséischen Dräimaster (1896)
- Pen Duick, Serie vu Seegelbooter gebaut oder kaaft vum Éric Tabarly
- Pamir, Berüümten däitsche Véiermaster (1905)
- Mercator, Muséeschëff zu Oostende, dat fréier als Schoulschëff vun der belscher Marinn benotzt gouf
- Gorch Fock , Seegelschoulschëff vun der däitscher Marinn (1958)
- Vasa, Schëff aus dem 17. Joerhonnert, dat am Vasamuseet zu Stockholm (Schweden) besicht ka ginn
Kuckt och
[änneren | Quelltext änneren]Um Spaweck
[änneren | Quelltext änneren]Commons: Seegelschëffer – Biller, Videoen oder Audiodateien |