Pim Fortuyn
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/a/a7/Pim_Fortuyn_-_May_4.jpg/220px-Pim_Fortuyn_-_May_4.jpg)
Wilhelmus Simon Petrus (Pim) Fortuyn (officieel Fortuijn[1]) (Driehuis, 19 fibberwarie 1948 – Hilversum, 6 mei 2002) waas 'ne Nederlandjse politieker, socioloog, auteur en columnis.
Fortuyn promoveerdje inne sociaal weitesjappe en waas van 1990 toet 1995 biezunjer hoeaglieërer ane Erasmus Universiteit in Rotterdam. Hae waas 'n aktief lid vanne PvdA toet 1989 en waas later lid vanne VVD, meh woort bekèndj es liestrèkker van Leefbaar Nederland en daonao zien eige partie Lijst Pim Fortuyn innen aanloup nao de Twieëdje Kamerverkezinge van 2002. Fortuyn woort in mei 2002 vermaord op 't Media Park in Hilversum, neuge daag veur 'n veurspèldje groeate wins veure LPF bieje verkezinge.
Ziene kiek oppe islam en 't vraemdjelingebeleid, meh veural zien politische meneer van doon, vörmdje veur politische taengestenjers aanleijing veur 'm te bestempelen es 'ne populistische politieker. Fortuyn zien vrie persuuenlikheid kènmirkdje zich door opmirkelike oetspraoken en 'n ónconventioneel meneer van debattere. Ónger anger dore thema's die d'r aansneej, wós t'r 't Nederlandjs politisch toneel 'n half jaor lang te dominere. Nao zie stèrve is zien politische irfenis op versjillige plaatse inne Nederlandjse politiek en samelaeving euvergenómmen en zichbaar gewaore.
Fortuyn waas äöpelik homoseksueel.
Rifferensies
[bewirk | brón bewèrke]- ↑ Hans Wansink: De erfenis van Fortuyn. De Nederlandse democratie na de opstand van de kiezers, Amsterdam, Meulenhoff, 2004. Fortuijn gebroekdje later de spèlling Fortuyn, ómdet t'r die netter zów höbbe gevónje.