Rhodium
Uiterlijk
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/9/98/Rhodium_powder_pressed_melted.jpg/220px-Rhodium_powder_pressed_melted.jpg)
Rhodium is e sjemisch element mit es symboeal Rb en 't atoeamnómmer 45. 't Is e zilverwit euvergangsmetaal.
Toepassinge
[bewirk | brón bewèrke]Rhodium wuuertj weinig gebroek inne industrie. 't Meis-veurkómmendj gebroek is es toeveuging aan platina en palladium veur dees metale helder (es in vaster) te make. Dergelike legeringe waere gebroek in gleujspirale, thermokoppele, elektrode in bougies veure lóchvaart, in trèkstein veur 't vervaerdige van glaasvaezel en veur smultjkroeze in laboratoria. Anger toepassinge zeen:
- Es decoratie en in juwele. 't Veurzeen van witgólje en zilvere sieräöj van 'n toeplaog van rhodium wuuertj ouch waal rhodinere geneump;
- De lieëge lektrikwaerstandj, stabielen euvergangswaerstandj en gooj corrosiebestenjigheid make rhodium hieël gesjik es kóntak in agressieve ómgaevinge;
- Inne sjemische industrie wuuertj rhodium gebroek es 'ne katalysator;
- Opgedamp rhodium of 'n op elektrolytische wies aangebrachte laog aan rhodium is hieël hel en wuuertj toegepas in optische instermènter;
- Es anoodmatterjaal in röntgentoestèlle veur mammografie.