Cocktail Molotov
![]() |
Quest articol chì l'è scrivud in lombard, con la Noeuva Ortografia Lombarda |
![](http://upload.wikimedia.org/wikipedia/commons/thumb/b/b0/Molotovin_cocktail.jpg/220px-Molotovin_cocktail.jpg)
El cocktail Molotov a l'è una bomba incendiaria doperada soratut in di proteste de piazza o in la guerrilia. L'è ciamada inscì per rider del Vjačeslav Michajlovič Molotov, minister di esteri de l'URSS, desgia che inn deventade cognossude durant de la guerra in tra l'URSS e la Finlandia, indova che eren fade su anca de l'azienda statal finlandesa de l'alcol, anca se 'l se pensa che sien stad sgiamò doperade in la guerra civil spagnoeula.
Una Molotov a l'è fada de 'na botilia de veder con dent un liquid che 'l brusa ben, de solet benzina, e un innesch, che in di cas pussee sempliz el po vesser un besasc con de l'alcol sora ma a l'è anca possibel doperà di sostanze chimeghe per fà inscì che la se pizza quand che la se s'cianta a terra, o anca un cerin tacad.
Propi per la semplicità e la diffusion inn considerade un simbol de revoeulta civil e de revoluzzion. La gh'è anca una varianta, ciamada "pupotov", che la brusa no ma l'è impienida de merda, doperada in Venezzuela dopo del 2015.
Riferiment
[Modifega | modifica 'l sorgent]Alter proget
[Modifega | modifica 'l sorgent]Wikimedia Commons el gh'ha dent imagin o alter archivi su Cocktail Molotov