Dialett del catalan
![](http://upload.wikimedia.org/wikipedia/commons/thumb/9/95/Dialectes_catal%C3%A0_2.svg/220px-Dialectes_catal%C3%A0_2.svg.png)
I dialett de la lengua catalana hinn assee uniformi, soratutt se comparaa con quej di alter lengov romanz. La mutua intelligibilità l'è del 90-95% in tra i dialett, foeura del dialett algheres, che l'è particolar de bon.
In general
[Modifega | modifica 'l sorgent]In del 1861 el lenguista Manuel Milà i Fontanals l'ha daa la soa classificazion del catalan, basada in sul vocalism aton: Catalan occidental e catalan oriental.
Ciarament, foeura di dialett insular, nissun dialett el pò vess delimitaa de bon, perchè gh'è semper ona banda de transizion, e l'ha anca studiaa i confin de la lengua, per mett a post el rapport con la lengua occitana e la lengua aragonesa.
Anca se i dialett catalan hinn tanc, la coscenza lenguistega comuna e la vesinanza in tra i dialett arent la mena la gent a parlà e identificàss domà in du dialett principai.
Parnonzia
[Modifega | modifica 'l sorgent]In tra di vari dialett catalan gh'è di differenz de parnonzia: Per esempi el catalan ocidental l'è pussee arent, in la lengua lombarda, al dialett milanes per el fatt che gh'è no la scevà, ma l'è pussee compagn del lombard oriental in del doperà de <o> per el son /o/.
Tabella de confront
[Modifega | modifica 'l sorgent]Parolla | Parnonzia oriental (p. ea. central) |
Parnonzia occidental (p. es. valenzian) |
---|---|---|
terra | [ˈtɛrə] | [ˈtɛra]/[ˈtɛrɛ] |
cel | [ˈsɛɫ] | [ˈsɛɫ] |
aigua | [ˈajɣwə] | [ˈajɣwa] |
foc | [ˈfɔk] | [ˈfɔk] |
home | [ˈɔmə] | [ˈɔme] |
dona | [ˈdɔnə] | [ˈdɔna]/[ˈdɔnɔ] |
menjar | [məɲˈʒa] | [meɲˈdʒa(ɾ)] |
beure | [ˈbɛwɾə] | [ˈbewɾe] |
gran | [ˈgɾan] | [ˈgɾan] |
petit/xicotet | [pəˈtit]/[ʃikuˈtɛt] | [peˈtit]/[tʃikoˈtet] |
comprar | [kumˈpɾa] | [kompɾa(ɾ)] |
nit | [ˈnit] | [ˈnit] |
dia/jorn | [ˈdiə]/[ʒɔrn] | [ˈdia]/[dʒɔɾn] |
anglès / anglés | [əŋˈglɛs] | [aŋˈgles] |
perquè | [pərˈkɛ] | [peɾˈke] |
València | [bəˈlɛnsiə] | [vaˈlensia] |
Morfologia
[Modifega | modifica 'l sorgent]La variazion morfologega pussee importanta l'è in di verb, per esempi vedom la coniugazion di verb ai trè coniugazion:
Coniugazion | Catalan oriental | Catalan occidental | parolla | |||
---|---|---|---|---|---|---|
Central | Settentrional | Balearin | Valenzian | Nord occidental | ||
Prima | parlo | parli | parl | parle o parlo | parlo | "Parli" |
Segonda | temo | temi | tem | tem | temo | "G'hoo paura" |
Terza | sento | senti | sent | sent | sento | "Senti" |
Vocabolari
[Modifega | modifica 'l sorgent]Anca se 'l lessegh catalan l'è assee comun, gh'è di paroll de preferenza local, soratutt dovuu a di arcaicism:
Parolla | "spegg" | "fioeu" | "scova" | "bamborin" | "andar foeura" |
---|---|---|---|---|---|
Catalan oriental | mirall | noi | escombra | melic | sortir |
Catalan occidental | espill | xiquet | granera | llombrígol | eixir |