Frusta
![](http://upload.wikimedia.org/wikipedia/commons/thumb/5/56/Stockwhip_2.jpg/300px-Stockwhip_2.jpg)
La frusta (ciamada anca sferza, scuriada/scoriada, frusa, straffil) a l'è on'arma che l'è fada su de 'na corda o de 'na zenta, con scià ona manetta rigida. A l'è doperada per colpì i omen o i besti, e la serviss come mez de controll, de punizzion o de tortura.
Usagg
[Modifega | modifica 'l sorgent]La frusta l'è on'arma che la ven quasi mai doperada in di batali veri e proppi, perchè la gh'ha on poder ofensiv bass: ma la ven doperada 'me strument de tortura perchè la ghe da on gran dolor, senza però lassàggh di lesion che poeuden minga guarì.
Despess a la frusta ghe vegnen giontaa di tocchellitt de metai cont ona ponta, per lassàggh on bell segnott in su la pell. Certi voeult la frusta la pò vess sostituida anca de 'na cadena ferr, o de olter ogett compagn.
Cont i animai (per esempi i cavai, o i elefant), la frusta la ven doperada despess per obligài a moeuves pussee in pressa.
El nomm
[Modifega | modifica 'l sorgent]El termen frusta el riva del verb latin fustāre, che 'l voeur dì "bastonà" (de la parolla fŭstis, cioè "baston").