Grup Wagner
![]() |
Quest articol chì l'è scrivud in lombard, con la Noeuva Ortografia Lombarda |
![](http://upload.wikimedia.org/wikipedia/commons/thumb/f/fe/Mapa_Pa%C3%ADses_donde_ha_intervenido_el_Grupo_Wagner.png/220px-Mapa_Pa%C3%ADses_donde_ha_intervenido_el_Grupo_Wagner.png)
El grup Wagner (Группа Вагнера in russ) a l'è una compagnia militar privada finanziada del governo de la Russia, fada su in del 2014 de l'oligarca Evgenij Prigožin, e despess descrita 'me una soa armada privada. El grup el lavora foeura de la lesg russa, che la proibiss i compagnie militar privade, e gh'è di font che mostren comè l'è stada doperada del governo de la Russia per operazzion militar indova che voleven havégh de la negabilità plausibel: pussee de precis, hann combatud in la guerra del Donbass, in la guerra civil siriana, in la guerra civil de la Republega Centrafricana, in la guerra del Mali e in la crisi libega, indova che hann sostegnud i part vesine a Mosca.
Gh'hann havud anca un roeull important in l'invasion russa de l'Ucraina ma in del sgiugn 2023 el Prigožin el proeuva a rebellàss in armi al ministeri de la defesa, cont un convoeuj de soldad de la Wagner che l'ha tacad a andà vers Mosca, el s'è poeu fermad grazzia a la mediazzion de l'Aljaksandar Lukašenka.
Riferiment
[Modifega | modifica 'l sorgent]Alter proget
[Modifega | modifica 'l sorgent]Wikiquote el gh'ha dent citazzion de o su Grup Wagner
Wikimedia Commons el gh'ha dent imagin o alter archivi su Grup Wagner