Universitas Erasmus Rotterdam
![](http://upload.wikimedia.org/wikipedia/commons/thumb/6/66/Erasmus_Campus_%2847640186%29.jpeg/220px-Erasmus_Campus_%2847640186%29.jpeg)
Universitas Erasmus Rotterdam iyâ arèya sèttong universitas se bâḍâ è Rotterdam, Bâlândhâ. Universitas Erasmus Rotterdam arèya universitas riset internasional sè la anḍi' peringkat tèngghi. Molaè taon 1913 universitas nèka teros tombu dhaddhi sala sèttong universitas palèng rajâh è Belandhâ, kalabân bâḍâna mored sè bannya'na 28.000 bân lebbi ḍâri 1.400 peneliti sè alako nèng institut nèka.[1]
Sejarah
[beccè' | beccè' sombher]Universitas arèya nyandhâng nyama Desiderius Erasmus. Nyama Erasmus dhibi' arojuk dhâ' ka Desiderius Erasmus Roterodamus, orèng ahli teologi bân humaniora abad 15.[2] Nyama Erasmus Universitas nyatana ghik bhuru èangghuy bâkto taon 1973. Namong Universitas arèya ella bâḍâ ḍâri taon 1913 kalabân nyama Nederlandsche Handels-Hoogeschool. È bâkto jârèya ghun èlmo ekonomi se èyajhârraghi. Universitas Erasmus Rotterdam arèya sala sèttong universitas ilmu ekonomi bân managemen palèng bhâghus nèng Eropa, sampe’ sala sèttong professor ngaollè Hadiah Nobel untuk èlmo Ekonomi iyâ arèya Prof dr. Jan Tinbergen.[3]
Struktur
[beccè' | beccè' sombher]Erasmus Rotterdam ngaandi’ duâ’ kampus bân ebâgi ḍâlâm tello’ domain:
- Ekonomi bân managemen
- Hukum, kultur, bân socia
- Kedokteran bân farmasi
Duâ’ domain se paleng aḍâ’ berbasis è kampus se bâḍâ nèng Woudestein è sebelah tèmor kotta Rotterdam. Domain kasèhadhân bân farmasi berbasis è kampus Hoboken Erasmus MC èi sebelah bârâ' kotta. Domain è attas rèya ghik ebâgi pole dhâddi pan-bârâmpan fakultas, è antarana:
- ESE (Fakultas Ekonomi)
- Fakultas Ilmu Sosial (tamasok dâlâm fakultas nèka: psikologi, sosiologi, politikologi, bân kebijakan publik)
- Fakultas Hukum
- Erasmus MC (Fakultas Kedokteran bân Farmasi)
- Institusi Management Kesehatan
- Fakultas Ilmu Filosofi
- Fakultas Sejarah, Budaya, bân Seni
- RSM Erasmus University (Fakultas Management)
Pengakuan Internasional
[beccè' | beccè' sombher]Mènorot the Times Higher Education Supplement Universitas Erasmus, Rotterdam bâḍâ nèng peringkat ka 34 universitas palèng bâghus nèng Eropa bân bâḍâ è peringkat 92 sa dhunnyah (taon 2005 bâdâ è peringkat 57). Fakultas Management RSM bâḍâ è peringkat 7 untuk program MBA paleng bhaghus nèng Eropa bân 29 è dhunnyah mènorot Financial Times. Sabâtara Fakultas Ekonomi tamasok dâlâm 24 sekolah ekonomi paleng bâghus sadhunnyah. Lebbi lanjut, Erasmus MC tamasok ḍâlâm 5 besar fakultas kedokteran bân farmasi è luar Amerika Serikat mènorot The Scientist.
Universitas Erasmus sampè’ narèma akreditasi ḍâri tello’ badan akreditasi pendidikan management internasional; AMBA, EQUIS, and AACSB. Ghun sakonè’ sakolaan bisnis nèng Eropa se ngaandi’ triple akreditasi enga’ rèya. Coma bânnyak sakolaan bisnis Eropa se netteppaghi tak ngangghuy multi akreditasi.[3]
- ↑ "Universitas Erasmus Rotterdam" education.com. akses 07-06-2023.
- ↑ "Erasmus University Rotterdam - ISC". edubridge.co.id. akses 10-06-2023
- ↑ 3,0 3,1 "Universitas Erasmus Rotterdam". stekom.ac.id. akses 10-06-2023.