बॉलिवूड अभिनेत्री रिचा चढ्ढा आई होणार असून तिने पती अली फजलसोबत मॅटर्निटी शूटचे फोटो शेअर केले आहेत. तिने या पोस्टवरील कमेंट सेक्शन बंद करत असल्याचे सांगितले.
कमेंट सेक्शन बंद करण्याचे कारण देताना तिने म्हटले की, ही तिच्या आयुष्यातील सर्वात खासगी पोस्ट आहे, म्हणूनच तिने असे केले. या पोस्टमध्ये तिने एक संस्कृत श्लोकही लिहिला आहे.
रिचा आणि अली पहिल्यांदाच आई-बाबा होणार असून तिने हे सुंदर असे ४ फोटो शेअर केले. या प्रवासात साथीदार बनून नेहमी पाठिशी असणाऱ्या अली फजलचे अभिनेत्रीने या पोस्टमधून आभार मानले. रिचाने फोटोशूट करणाऱ्या फोटोग्राफरचेही आभार मानले आहेत.
या पोस्टमध्ये तिने "ॐ पूर्णमदः पूर्णमिदं पूर्णात्पूर्णमुदच्यते। पूर्णस्य पूर्णमादाय पूर्णमेवावशिष्यते ॥" हा श्लोकही लिहिला आहे. पोस्टच्या शेवटी रिचा लिहिते की, 'कमेंट सेक्शन बंद केले आहे, कारण मी सर्वात खासगी गोष्ट शेअर केली आहे.'
रिचा आणि अली यांनी २०२२ मध्ये लग्न केले. 'फुकरे' सिनेमामध्ये या जोडीची केमिस्ट्री पाहायला मिळाली होती. लग्नानंतर त्यांच्या पहिल्या बाळाचे स्वागत करण्याआधी जोडप्याने हे रोमँटिक आणि सुंदर मॅटर्निटी शूट शेअर केले आहे.
रिचाच्या कामाबद्दल सांगायचे झाल्यास ती शेवटचे 'लज्जो' या भूमिकेत संजय लीला भन्साळी यांच्या 'हीरामंडी' सीरिडमध्ये दिसली होती. प्रेग्नंट असूनही रिचा अत्यंत उत्साहाने या सीरिजचे प्रमोशन करताना दिसली होती.