Kadal
Kadal adolah kalompok reptilia basisiak nan bakaki ampek (babarapo spesies ado nan indak bakaki atau mirip jo ula, tatapi bukan ula) nan taseba sangaik lueh di dunia. Sacaro ilmiah, kalompok gadang iko disabuik sabagai subordo atau anak bangso Lacertilia (babrapo literatur manyabuik Sauria) nan marupoan anggota dari bangso reptilia basisiak (Squamata) basamo jo ula.[1]
Sacaro umum, istilah "kadal" atau (bahaso Inggris: lizards) mancakuik juo kapado ka kalompok cacak, tokek, bunglon, cacak terbang, biawak, iguana, jo lain-lainnyo. Sadangkan sacaro sampik, istilah kadal (atau bingkaruang) dalam bahaso Indonesia hanyo marujuak kapado kalompok kadal nan umumnyo batubuah ketek, padek, basisiak licin jo bakilau, sarato hiduik di tanah (Ingg.: skink, yaitunyo kasado jinih dari famili Scincidae, atau jinih-jinih dari infraordo Scincomorpha). Kadal pado umumnyo mampunyoi ampek kaki, lubang talingo lua, jo kalopak mato nan dapek dibuka-ditutuik. Walau baitu, ado pulo jinih-jinih nan indak mampunyoi sabagian ciri tsabuik. Contohnyo adolah ula kaco (glass snake atau glass lizard, suku Anguidae) nan indak punyo kaki fisik sahinggo manyarupoi ula, tatapi masih dapek dibedaan jo ula badasarkan ciri-ciri nan lain.[2]
kaanekaragaman
[suntiang | suntiang sumber]![](http://upload.wikimedia.org/wikipedia/commons/thumb/8/8b/Maby_multif_F_050222_061_kng.jpg/230px-Maby_multif_F_050222_061_kng.jpg)
![](http://upload.wikimedia.org/wikipedia/commons/thumb/4/4d/Nile_Monitor_%28Varanus_niloticus%29_%2816545024096%29.jpg/230px-Nile_Monitor_%28Varanus_niloticus%29_%2816545024096%29.jpg)
![](http://upload.wikimedia.org/wikipedia/commons/thumb/f/ff/Marine-Iguana-Espanola.jpg/230px-Marine-Iguana-Espanola.jpg)
Pado maso kini ko, bangsa kadal tadiri dari sakitar 40 suku (indak tamasuak anak suku), dengan bantuak badan, warna, jo ukuran badan satiok jinihnyo nan sangaik bavariasi. Sabagian jinih mampunyoi sisiak-sisiak nan haluih jo mangkilek saolah-olah dilapisi minyak, tatapi sabananyo sisiak-sisiak tu kariang karano kadal indak mampunyoi pori di kuliknyo untuak mangaluaan karingek atau minyak. Babarapo jinih kadal sarupo cacak jo tokek mampunyoi bulu-bulu khusus di talapak kaki nan bafungsi sabagai parakek katiko mamanjek batang kayu atau dindiang.[3]
Sabagian gadang spesies kadal alah tantu mampunyoi langan kaki, baiak gadang maupun ketek. Akan tatapi, ado babarapo golongan kadal nan indak mampunyoi kaki dan bantuak badannyo manyarupoi ula. Kadal-kadal iko disabuik kadal indak bakaki. Contohnyo Anguis fragilis, nan mampunyoi badan nan panjang dan tanpa tungkai. Talapeh dari itu sadonyo, kadal-kadal indak bakaki ko masih dapek dibedaan dari ula, misalnyo dari bantuak lidah nan bacabang duo namun satiok cabang baukuran pendek jo gepeng (sadangkan pado ula, kaduo cabang lidah baukuran panjang, dan dapek dijuluaan dalam kaadaan muluik tatutuik), lubang talingo (ula indak mampunyoi lubang talingo jo indak dapek mandanga samo sakali), kalopak mato (ula indak mampunyoi kalopak mato), ikua nan labiah panjang daripado badan (pado ula, badan labiah panjang dan ikua labiah pendek), sisiak nan lunak (samantaro pado ula, sisiak cenderung labiah manonjol).[4][5]
Habitat jo panyebarannyo
[suntiang | suntiang sumber]Kadal adolah reptilia nan paliang sukses bakambang di dunia dan dapek (bahkan acok juo) ditamui di kasado habitat: hutan, gurun pasia, padang rumpuik, kabun, sawah, daerah barawa, bahkan di pamukiman jo di kota-kota, dimanopun salamo kadal dapek manamuan makanan kasukoan nyo. Babarapo spesies sarupo Iguana lauik bahkan hiduik di pantai jo mamakan rumpuik lauik sabagai makanan utamonyo. Kadal dapek juo hiduik di wilayah sajuak sarupo di pagunuangan. Namun, sabagai binatang nan badarah dingin (poikiloterm), kadal indak dapek batahan talalu lamo di tampek nan basuhu randah dan butuah sinar matohari sabagai salah satu sumber energi mereka untuak baaktivitas, sahinggo kadal indak akan bisa dijumpoi di puncak-puncak gunuang sarato di daerah salju jo kutub. Kadal indak dapek pulo dijumpoi di pulau-pulau taisolasi sarupo kapulauan di Pasifik (kacuali Melanesia jo Selandia Baru, sarato Kepulauan Galapagos nan masiang-masiang daerah tasabuik mampunyoi spesies kadal endemik).[6]
Kabiasoan
[suntiang | suntiang sumber]Sabagian banyak kadal aktif pado siang hari, sabagian lainnyo aktif pado malam hari. Ado pulo babarapo spesies nan aktif pado pagi hinggo sore hari. Sabagian banyak kadal mambutuahan sinar matohari untuak manghangekan badannyo sabalum baaktivitas. Biasonyo, kadal bakalano surang sajo, kadang-kadang bakalompok, misalnyo Komodo nan mamakan mangsonyo basamo-samo jo komodo lainnyo. Interaksi nan paliang acok dilakuan kadal adolah katiko musim kawin. Biasonyo, kadal saliang bakomunikasi manggunoan isyarat tatantu sarupo manggarakkan bagian badan tatantu (misalnyo ikua), manjuluaan lidahnyo, mangubah-ubah warna kulik (contohnyo bunglon) atau manaiak-turunan badannyo. Pado kaadaan tatantu, kadal-kadal jantan acok sakali bacakak sacaro sadis untuak mamparabuikan wilayah kakuasaan atau kadal batino, sarupo saliang manggigik atau mancakar, sampai salah satu mangalah dan pai.[7][8]
Jiko ado hewan atau manusia nan mangganggu, kadal biasonyo mamiliah pai manjauah. Namun, jiko alah indak mampu malarikan diri, kadal akan mambela diri jo babagai caro. Misalnyo, mangaluaan suaro nan nyariang atau manggigik bagian badan pangganggunyo. Babarapo jinih kadal sarupo cecak dapek mamutuihan ikuanyo (autotomi) sabagai alaik pangaliah paratian pangganggu, salanjuiknyo kadal tasabuik akan malarikan diri sacapek mungkin dan basambunyi. Maskipun ikuanyo putuih, tatapi badannyo dapek manumbuhan ikua nan baru.[9]
Makanan
[suntiang | suntiang sumber]Kadal adolah reptil omnivora (pamakan hewan dan/atau tumbuahan), tatapi dapek dipastikan bahwasanyo hampia kasado jinih kadal pasti labiah manyukoi zat hewani. Makanan kadal maliputi saranggo (nan marupoan makanan utamo sabagian gadang spesies kadal, biasonyo nyamuak, balalang, atau larva), caciang, amfibia, reptil nan lain (takadang jinihnyo surang/kanibal), dan mamalia ketek. Babarapo spesies labiah manyukoi zat nabati sarupo tanaman, buah-buahan jo bahan nabati lain, misalnyo Iguana lauik nan mamakan rumpuik lauik. Sabagian kalompok kadal manyukoi bangkai, bahkan kadal nan gadang sarupo komodo mamangsa hewan gadang lainnyo, misalnyo unggeh, ruso atau babi hutan. Bahkan ado babarapo kasus sarangan komodo tahadok manusia.[5]
Reproduksi
[suntiang | suntiang sumber]Sabagian gadang kadal bakambangbiak dengan caro batalua (ovipar). Talua kadal tadiri dari lapisan lua barupo cangkang lunak yang kedap aia (biasonyo bawarna putiah), kamudian ado dindiang dalam barupo salaput, sarato zat putiah-kuniang talua, nan akan barubah manjadi individu kadal baru apobilo diinkubasi. Jinih kalamin pado kadal nan akan manateh sangaik dipangaruahi suhu udaro di sakitarnyo. Apobilo suhu udaro tinggi, talua tasabuik akan barisi kadal jantan, sadangkan jiko sabaliaknyo (suhu udaro randah) akan manghasiakan kadal batino. Namun, bateh suhu pasti akan manghasilkan jantan atau batino, sampai kiniko masih dipadebatkan.[10]
Babarapo jinih kadal, sakitar 20% spesies, bakambangbiak jo caro malahiakan (ovovivipar). Biasonyo, katiko malahiakan, bagian badan nan kalua talabiah daulu adolah ikua. Jinih kalamin bayi kadal nan lahia dipangaruahi dek suhu tampek inyo akan dilahiakan. Sarupo halnyo kadal nan batalua, suhu nn tinggi akan manghasiakan labiah banyak jantan dan suhu nan randah akan manghasiakan labiah banyak batino. Babarapo jinih kadal bahkan dapek bakambangbiak tanpa pakawinan samosakali (partenogenesis).
Kadal nan babiso
[suntiang | suntiang sumber]![](http://upload.wikimedia.org/wikipedia/commons/thumb/a/aa/Gila.monster.arp.jpg/220px-Gila.monster.arp.jpg)
Sajauah iko, dikenal hanyo ado duo jinih kadal nan gigitannyo tabukti babiso, yakni kadal Gilo jo kadal manik-manik Meksiko. Kaduo jinih kadal nan bakarabaik iko hiduik di gurun di Amerika Serikat bagian barat daya jo Meksiko utara. Maskipun banyak mitos jo legenda tentang kadua makhluk tasabuik dan ditamukannyo fakta bahwa gigitan mereka dapek manyebabkan luko nan serius, tatapi alum ado catatan atau informasi manganai kamatian nan tajadi pado manusia akibaik gigitan kaduo kadal iko.
Panalitian di Australia babarapo wakatu nan lalu manunjuakan adonyo kamungkinan bahwa babarapo jinih kadal, sarupo iguana jo biawak,nan juo mampunyoi kelenjar biso .[11] Walaupun, jiko dugaan iko batua, biso iko diyakini indak bapangaruah serius pado manusia, mangingek bahwa biso iko dikaluakan kadal-kadal tasabuik saketek demi saketek dari muluiknyo malalui proses mangunyah mangsonyo, dan bukan disuntikkan sakaligus dalam jumlah gadang sabagaimano nan dilakukan ular berbisa.
Sabalumnyo, diyakini bahwasanyo pambangkakan jo iritasi nan tajadi akibaik gigitan kadal-kadal itu tajadi karano infeksi bakteri nan manyertai gigitan. Hal iko masih bana pado kabanyakan kasus. Akan tatapi, panalitian di ateh mangindikasikan kamungkinan pambangkakan itu tajadi akibaik masuaknyo biso kadal. Labiah jauah, para ahli nan mandukuang panalitian iko mangajak untuak maninjau baliak sistem klasifikasi kadal khususnyo takaik dengan pakmbangan kalenjar biso pado kadal. Jiko bahasia, panalitian iko dapek mampabaiki pamahaman manganai evolusi kadal jo ular, sarato racun atau biso nan dimiliki keduonyo.[11]
Klasifikasi
[suntiang | suntiang sumber]![]() |
![]() |
![]() |
![]() |
Infraordo Iguania[12]
[suntiang | suntiang sumber]- Familia Agamidae - golongan kadal Agamid
- Subfamilia Agaminae
- Subfamilia Amphibolurinae
- Subfamilia Draconinae
- Subfamilia Hydrosaurinae
- Subfamilia Leiolepidinae
- Subfamilia Uromastycinae
- Familia Chamaeleonidae (golongan Bunglon)
Superfamilia Iguanidea:
- Familia Corytophanidae
- Familia Crotaphytidae
- Familia Dactyloidae
- Familia Hoplocercidae
- Familia Iguanidae - golongan Iguana
- Familia Leiocephalidae
- Familia Leiosauridae
- Familia Liolaemidae
- Familia Opluridae
- Familia Phrynosomatidae
- Familia Polychrotidae
- Familia Tropiduridae
Infraordo Gekkota[12]
[suntiang | suntiang sumber]- Familia Gekkonidae - golongan cacak dan tokek
- Familia Carphodactylidae
- Familia Diplodactylidae
- Familia Eublepharidae
- Familia Phyllodactylidae
- Familia Sphaerodactylidae
- Familia Pygopodidae - golongan kadal indak bakaki
Infraordo Scincomorpha[12]
[suntiang | suntiang sumber]- Familia Cordylidae
- Familia Gerrhosauridae
- Familia Lacertidae - golongan kadal rumpuik
- Familia Scincidae - golongan Skink dan Bingkaruang
- Subfamilia Acontinae
- Subfamilia Egerniinae
- Subfamilia Eugongylinae
- Subfamilia Lygosominae
- Subfamilia Mabuyinae
- Subfamilia Sphenomorphinae
- Subfamilia Scincinae
- Familia Xantusiidae
Superfamilia Gymnophthalmoidea (after Goicoechea et al. 2016)
- Familia Alopoglossidae
- Familia Gymnophthalmidae
- Familia Teiidae
Infraordo Diploglossa[12]
[suntiang | suntiang sumber]- Familia Anguidae
- Subfamilia Anguinae - golongan kadal indak bakaki
- Subfamilia Gerrhonotinae
- Familia Diploglossidae
- Familia Anniellidae - golongan kadal indak bakaki
- Familia Xenosauridae
Infraordo Dibamia[12]
[suntiang | suntiang sumber]- Familia Dibamidae
Infraordo Platynota[12]
[suntiang | suntiang sumber]- Familia Helodermatidae - golongan kadal Gilo
- Familia Lanthanotidae
- Familia Varanidae - golongan Biawak
Superfamilia Shinisauroidea
- Familia Shinisauridae
Rujuakan
[suntiang | suntiang sumber]- ↑ Reptile Database. Retrieved on 2021-05-27
- ↑ Muir, Hazel (27 May 2021). "Minute gecko matches smallest reptile record". New Scientist.
- ↑ "The world's top 10 reptiles – in pictures". The Guardian. 27 May 2021.
- ↑ Starr, C.; Taggart, R.; Evers, C. (2012). Biology: The Unity and Diversity of Life. Cengage Learning. p. 429. ISBN 978-1111425692.
- ↑ a b Pough et al (2002) [1992]. Herpetology (edisi ke-Third). Pearson Prentice Hall.
- ↑ Liputan6.com (2019-04-01). "Perairan di Kepulauan Galapagos Diinvasi Oleh Spesies Alien, Ini Kata Ilmuwan". liputan6.com (dalam bahasa Indonesia). Diakses tanggal 2021-05-27.
- ↑ Pianka and Vitt, pp. 32–37.
- ↑ Lanham, E. J.; Bull. M. C. (2004). "Enhanced vigilance in groups in Egernia stokesii, a lizard with stable social aggregations". Journal of Zoology. 263 (1): 95–99. doi:10.1017/S0952836904004923.
- ↑ Barnett, K. E.; Cocroft, R. B.; Fleishman, L. J. (1999). "Possible communication by substrate vibration in a chameleon" (PDF). Copeia. 1: 225–228. doi:10.2307/1447408. Diarsipkan dari versi asli (PDF) tanggal 2021-02-16. Diakses tanggal 2021-05-27.
- ↑ Morales, Alex (27 May 2021). "Komodo Dragons, World's Largest Lizards, Have Virgin Births". Bloomberg Television. Diakses tanggal 28 March 2008.
- ↑ a b Young, Emma (2005). "Lizards' poisonous secret is revealed". New Scientist. Diakses tanggal 2021-05-27.
- ↑ a b c d e f "Higher Reptile Taxa". www.reptile-database.org.