Kurambiak
Kurambiak | |
---|---|
Kurambiak tradisional | |
Tipe | Sanjato rasio/alaik patanian |
Tampek asa | Indonesia |
Spesifikasi | |
Tipe bilah | Mato pisau tungga atau gando, bantuak malangkuang |
Tipe gagang | Tanduak kabau, kayu, gadiang |
Saruang | Tanduak kabau, kayu |
Kurambiak atau karambiak (Malayu: Kerambit, Lawi Ayam, Tagalog: Karambit) adolah salah satu sanjato tradisional Minangkabau.[1] Acok dipakai para padeka atau pasilek Minang jo Malayu, pamakaian sanjata ko taseba juo malalui padagangan jo ubuangan lainnyo ka daerah-daerah lain di Indonesia, Malaysia, jo Filipina, bahkan kini ko inggo ka nagara-nagara Baraik.[2][3][4][5]
Bantuak
[suntiang | suntiang sumber]Bantuaknyo pisau ketek malangkuang, panjang sakita 13–18 cm, dan pado pado gagangnyo ado lubang untuak talunjuak mangganggam.[1][6] Kurambiak dirancang malangkuang sarupo kuku arimau,[2] kok manganai lawan dapek mambuek luko sayatan fatal dek urek atau usuih ka putuih tacabiak.[1][2]
Ado varian kurambiak, iyolah nan bantuaknyo malangkuang sajo jo nan ado lakuak sikunyo.[2]
Sijarah
[suntiang | suntiang sumber]![](http://upload.wikimedia.org/wikipedia/commons/thumb/5/54/Adityawarman.jpg/170px-Adityawarman.jpg)
Kurambiak awanyo dipakiroan adolah sanjato urang Minangkabau dari Sumatera Barat, nan manuruik carito lamo dibuek maniru kuku arimau.[7] Di maso lamo, pasilek Minang, Malayu, jo Bugih lah takana kaahliannyo dalam mamainan kurambiak.[2] Karambiak adolah juo sanjato tradisional dek urang Bangkahulu.[6][8] Di maso pajuangan kamardekaan Filipina, ado tasabuik baso tantaro Amerika Sarikat cabiak lihianyo dek jadi kurban kurambiak pajuang lokal.[3]
Di maso kini, babagai paguruan silek misanyo Silek Arimau jo Cimande di Indonesia[2] jo Silat Seni Gayong di Malaysia[9] mamasuakan kurambiak sabagai sanjato beladirinyo. Pamakaian kurambiak dek panyuko beladiri di Eropa jo Amerika alah juo bakambang, dek karano sanjata ko banyak dipakai dalam paguruan beladiri asa Asia Tenggara, sarupo pancak silek jo kali-arnis, nan lah banyak pulo tagak di Baraik.[10] Sanjata ko banyak pulo dikaji dalam buku jo majalah batopik beladiri nan tabik di sinan.[10][11]
Produsen
[suntiang | suntiang sumber]![](http://upload.wikimedia.org/wikipedia/commons/thumb/f/f4/Karambit_%28Tecnica_2%29.jpg/150px-Karambit_%28Tecnica_2%29.jpg)
![](http://upload.wikimedia.org/wikipedia/commons/thumb/c/c2/Karambit_%28Tecnica_1%29.jpg/150px-Karambit_%28Tecnica_1%29.jpg)
Pangarajin kurambiak tradisional di Sumatera Barat indak banyak lai ditamuan, namun masih ado babarapo nan mambueknyo antaro lain di nagari Pitahan, Tanah Datar.[1]
Di Amerika, ado produsen sanjata nan mambuek kurambiak moderen mamakai baja tahan karek untuak pamakaian tantaro atau para kolektor.[10][11] Para produsen kurambiak moderen ko antaro lain adolah Elemental Knives, Warren Thomas,[12] Mantis Knives,[13] Emerson Knives,[14] Strider Knives,[15] Spyderco,[12] Cold Steel,[16] Craig Camerer, United Cutlery, Rich Derespina,[17] Cutters Knife and Tool,[18] 5.11 Tactical,[19] Mike Snody, Quartermaster Knives, Fox Cutlery and Karambitmaker studio.[20]
Budayo populer
[suntiang | suntiang sumber]Video game Counter-Strike: Global Offensive dan Splinter Cell Blacklist manampilan kurambiak sabagai salah satu sanjato nan dipakai dek tokoh-tokohnyo nan adolah pasukan kusuih.[21]
Di Indonesia kini ko kurambiak samangkin tamusaua juo, dek karano muncua dalam babagai pilem lago populer, sarupo pilem Merantau jo The Raid 2: Berandal nan dibintangi dek aktor Iko Uwais jo Yayan Ruhiyan.[2]
Rujuakan
[suntiang | suntiang sumber]- ↑ a b c d Jackson, Apiz (11 Agustus 2016.). "Kurambiak, Senjata Tradisional Paling Berbahaya di Dunia yang Kini Terlupakan". @2015 harianhaluan.com, All Rights Reserved. Harian Haluan.
- ↑ a b c d e f g Ambo, Zal (25 Juni 2016). "Kurambit,Senjata tradisional paling mematikan di dunia". ©Copyright 2015 - BeritaSumbar.com by Dubalang. Berita Sumbar.
- ↑ a b Farrer, D. S. (5 June 2009). Shadows of the Prophet: Martial Arts and Sufi Mysticism. Springer Science & Business Media. p. 91. ISBN 978-1-4020-9356-2. http://books.google.com/books?id=5H2pjzRD8RAC.
- ↑ Proyek Pembinaan Permuseuman Jakarta (Indonesia). Koleksi pilihan museum-museum negeri propinsi. Proyek Pembinaan Permuseuman Jakarta: 1989. 65 halaman.
- ↑ Mark Edward Cody, GM Ray Dionaldo (2005). Filipino Combat Systems: An Introduction to An Ancient Art For Modern Times. AuthorHouse. p. 117. ISBN 1420823329, 9781420823325. https://books.google.co.id/books?id=yLrjca6TFm8C&pg=PA117&dq=kerambit&hl=id&sa=X&ved=0ahUKEwjbiq_YnrvOAhVMp48KHVLGBBMQuwUILTAC#v=onepage&q=kerambit&f=false.
- ↑ a b M. Zein Rani, Suhandi, Sri Astuti, Hilderia Sitanggang (1990). Senjata tradisional daerah Bengkulu. Departemen Pendidikan dan Kebudayaan, Direktorat Jenderal Kebudayaan, Direktorat Sejarah dan Nilai Tradisional, Proyek Inventarisasi dan Dokumentasi, Kebudayaan Daerah Bengkulu. https://books.google.co.id/books?hl=id&id=MUeAAAAAMAAJ&dq=kerambit&focus=searchwithinvolume&q=kerambit.
- ↑ Agus Mulyana (2010). "KERAMBIT: Senjata Genggam Khas Minangkabau". Sumedang Online. Diakses tanggal 2014-10-09.
- ↑ Intan Mardiana N, Endang Sriwigati, Yuni Astuti Ibrahim, Andini Perdana (2009). Koleksi Pilihan 25 Museum di Indonesia. Direktorat Jenderal Kebudayaan. p. 16. https://books.google.co.id/books?id=Od3lCgAAQBAJ&dq=kerambit&hl=id&source=gbs_navlinks_s.
- ↑ Sheikh Shamsuddin. The Malay art of self-defense: silat seni gayong. North Atlantic Books, 2005. ISBN 1-55643-562-2, ISBN 978-1-55643-562-1. 247 halaman. hlm. 234
- ↑ a b c Tarani, Steve (2002). Karambit: Exotic Weapon of the Indonesian Archipelago. Unique Publications. pp. 15–22. ISBN 978-0-86568-206-1.
- ↑ a b Emerson, Ernest (February 2004). "The Battle Blade". Black Belt. Los Angeles, California: Active Interest Media, Inc. 42 (2): 80–85. ISSN 0277-3066. Diakses tanggal 3 March 2015.
- ↑ a b Torres, J (November 2004). "Essential Gear". Black Belt. Active Interest Media, Inc. 42 (11): 54. ISSN 0277-3066.
- ↑ "Mantis Knives".
- ↑ Young, Robert (April 2003). "Emerson Karambit Knife". Black Belt. Active Interest Media, Inc. 41 (4): 136. ISSN 0277-3066.
- ↑ "Model HS Karambit". Strider Knives Inc. Diarsipkan dari versi asli tanggal 2008-12-23. Diakses tanggal 2008-09-15.
- ↑ "Steel Tiger". Cold Steel. Diarsipkan dari versi asli tanggal 2008-09-19. Diakses tanggal 2008-09-15.
- ↑ "Custom Knife Gallery". Derespina Knives. Diakses tanggal 2008-09-15.
- ↑ "Bengal folding Karambit". Cutters Knife and Tool, Inc. Diakses tanggal 2008-09-15.
- ↑ "5.11 Tactical Knives". 5.11 Tactical. Diarsipkan dari versi asli tanggal 2015-03-13. Diakses tanggal 2015-03-03.
- ↑ "Karambits". Fox Cutlery. Diarsipkan dari versi asli tanggal 2012-03-16. Diakses tanggal 2016-08-12.
- ↑ "Sam Fisher's Karambit". Unfinished Man. Diakses tanggal 16 September 2014.
Pautan lua
[suntiang | suntiang sumber]- (Inggirih) Karambit.com - Artikel, sijarah, jo legalitas kurambiak
- KERAMBIT: Senjata Genggam Khas Minangkabau
- Kurambik Sumatera Barat Archived 2016-03-04 di Wayback Machine.
- Karambit.com
- History of the Karambit Archived 2011-10-01 di Wayback Machine.
- Foto Kerambit Tradisional
- Foto Kerambit modern Archived 2011-02-08 di Wayback Machine.