ബൾഗേറിയ എയർ
സോഫിയയിലെ സോഫിയ എയർപോർട്ട് ആസ്ഥാനമായി പ്രവർത്തിക്കുന്ന ബൾഗേറിയയുടെ പതാകവാഹക എയർലൈനാണ് ബൾഗേറിയ എയർ. [1] [2] ചിമിംപോർട്ട് ഐഎൻസി കമ്പനിയുടെ ഉടമസ്ഥതയിലുള്ള എയർലൈനാണ് മാർക്കറ്റ് വിഹിതത്തിൻറെ കാര്യത്തിൽ ആഭ്യന്തര മാർക്കറ്റിലെ ഒന്നാമൻ. യൂറോപ്പ്, ആഫ്രിക്ക, മിഡിൽ ഈസ്റ്റ്, റഷ്യ എന്നിവടങ്ങളിലേക്ക് സർവീസ് നടത്തുന്നു. 2008-ലെ വാർഷിക റിപ്പോർട്ട് പ്രകാരം ബൾഗേറിയ എയർ 1,185,430 യാത്രക്കാരെ വഹിച്ചു.
ചരിത്രം
[തിരുത്തുക]പാപ്പരായിപ്പോയ ബാൽകൻ ബൾഗേറിയൻ എയർലൈൻസിൻറെ പിന്മുറക്കാരനായി 2002-ൽ സ്ഥാപിക്കപ്പെട്ട എയർലൈനാണ് ബൾഗേറിയ എയർ, അതേ വർഷം ഡിസംബർ 4-നു എയർലൈനിൻറെ പ്രവർത്തനങ്ങളും ആരംഭിച്ചു. [3] ട്രാൻസ്പോർട്ട് ആൻഡ് കമ്മ്യൂണിക്കേഷൻ മന്ത്രിയുടെ ഉത്തരവ് പ്രകാരം ഈ എയർലൈനിനെ പതാക വാഹക എയർലൈനായി 2002 നവംബറിൽ പ്രഖ്യാപിച്ചു. ‘ബാൽകൻ എയർ ടൂർ’ എന്ന പേരിലാണ് ബൾഗേറിയ എയർ പ്രവർത്തനങ്ങൾ ആരംഭിച്ചത്.വളരെ ചുരുങ്ങിയ കാലം മാത്രമേ എയർലൈൻ ആ പേരിൽ അറിയപ്പെട്ടുള്ളൂ. ബൾഗേറിയ എയർ എന്ന പേരും ആദ്യത്തെ ലോഗോയും പൊതു മത്സരത്തിലൂടെയാണ് കണ്ടെത്തിയത്. 2006-ൽ ബൾഗേറിയ എയറിനെ സ്വകാര്യവത്കരിച്ചു. ബൾഗേറിയൻ സർക്കാരിനു എയർലൈൻ വിദേശ കമ്പനിക്ക് വിൽക്കണം എന്നാണു താൽപര്യം എന്ന കിംവദന്തികൾ പരന്നെങ്കിലും, ഹീമസ് എയറിൻറെ നേതൃതത്തിൽ ആഭ്യന്തര കമ്പനികളുടെ ഒരു ഗ്രൂപ്പാണ് എയർലൈൻ വാങ്ങിയത്, എയർ വൺ മാത്രമായിരുന്നു അവരുടെ എതിരാളി. [4] 6.6 മില്യൺ യൂറോ നൽകിയ ഹീമസ് എയർ, അടുത്ത 5 വർഷത്തിൽ 86 മില്യൺ യൂറോ നിക്ഷേപിക്കും എന്നും ഉറപ്പുനൽകി.[5]
2008 നവംബറിൽ ബൾഗേറിയ എയർ ഇന്റർനാഷണൽ എയർ ട്രാൻസ്പോർട്ട് അസോസിയേഷൻറെ (ഐഎടിഎ) പൂർണ അംഗമായി. 2011 മധ്യത്തിൽ തങ്ങളുടെ ലക്ഷ്യസ്ഥാനങ്ങളെ കുറിച്ചുള്ള ആഴത്തിലുള്ള പഠനത്തിനു ശേഷം 7 പുതിയ എംബ്രയർ ഇ-190 വിമാനങ്ങൾ വാങ്ങാൻ തീരുമാനിച്ച കാര്യം പ്രഖ്യാപിച്ചു. 2012 തുടക്കത്തിൽ ആദ്യ വിമാനത്തിൻറെ കൈമാറലും, 2013-ൽ മറ്റു വിമാനങ്ങളുടെ കൈമാറലും നടന്നു. 2016 മുതൽ എയർബസ് എ321എസ് വിമാനങ്ങൾ ലീസിനെടുക്കാൻ കമ്പനി പദ്ധതിയിട്ടിട്ടുണ്ട്.
കോഡ്ഷെയർ ധാരണകൾ
[തിരുത്തുക]ബൾഗേറിയ എയറുമായി കോഡ്ഷെയർ ധാരണകളുള്ള എയർലൈനുകൾ ഇവയാണ്: [6]
എയറോഫ്ലോട്ട്, എയർ ബെർലിൻ, എയർ ഫ്രാൻസ്, എയർ സെർബിയ, അലിറ്റാലിയ, ചെക്ക് എയർലൈൻസ്, ഐബീരിയ, കെഎൽഎം, ലോട്ട് പോളിഷ് എയർലൈൻസ്, ടരോം. [7]
ഇന്റർലൈൻ ധാരണകൾ
[തിരുത്തുക]ബൾഗേറിയ എയറുമായി ഇന്റർലൈൻ ധാരണകളുള്ള എയർലൈനുകൾ ഇവയാണ്: അമേരിക്കൻ എയർലൈൻസ്, ബ്രസ്സൽസ് എയർലൈൻസ്, എമിരേറ്റ്സ്, ഫിൻ എയർ, ജെറ്റ് എയർവേസ്, ലറ്റം ബ്രസിൽ, വിർജിൻ അറ്റ്ലാന്റിക്.
അവലംബം
[തിരുത്തുക]- ↑ "Bulgaria Air strengthens its European network with new E-Jets, but cost reduction is also essential". CAPA Centre for Aviation. 4 ജൂൺ 2012. Archived from the original on 2014-11-29. Retrieved 2016-08-27.
- ↑ "Bulgaria Air flight schedule". cleartrip.com. Archived from the original on 2015-03-11. Retrieved 26 August 2016.
- ↑ "Bulgaria Air". visegradplus.org. Jagiellonian Club of Poland. Archived from the original on 2016-06-11. Retrieved 26 August 2016.
- ↑ Candidate for Bulgaria Air selected – Business Archived 2016-08-08 at the Wayback Machine.. The Sofia Echo (30 October 2006). Retrieved 21 December 2010.
- ↑ Bulgaria Air Deal Completed – Bulgaria Archived 2016-08-08 at the Wayback Machine.. The Sofia Echo (5 January 2007). Retrieved 21 December 2010.
- ↑ Bulgaria Air Partners Archived 2012-08-15 at the Wayback Machine.. Air.bg (2009-09-23). Retrieved on 2010-12-21.
- ↑ "Air Berlin Calamus berlin and Bulgaria Calamus signed agreement to code share". Chronicle.bg. Archived from the original on 2015-04-10. Retrieved 26 August 2016.
പുറത്തേക്കുള്ള കണ്ണികൾ
[തിരുത്തുക]Bulgaria Air എന്ന വിഷയവുമായി ബന്ധമുള്ള കൂടുതൽ പ്രമാണങ്ങൾ (വിക്കിമീഡിയ കോമൺസിൽ)
- ഔദ്യോഗിക വെബ്സൈറ്റ്
- "Bulgaria Air News". Bulgaria Air. Archived from the original on 2015-04-02. Retrieved 2016-08-27.