Mocidade Hitleriana
La Mocidade Hitleriana (an alman, Hitlerjugend) fui ua anstituiçon oubrigatória para moços de la Almanha nazi, que bisaba treinar ninos i adolescentes almanes de 6 a 18 anhos de ambos ls sexos para ls antrisses nazis. Ls moços se ourganizában an grupos i milícias para-melitares. Esses grupos de andibíduos, doutrinados pul stado, eisistiu antre 1922 i 1945. Antes de la Mocidade Hitleriana era un mobimiento relatibamente pequeinho, a a cobrar de 1936 cul alistamiento oubrigatório, 3,6 milhones de nembros habien sido recrutados, an 1938, l númaro chegaba a 7,7 milhones. An 1939, yá ne l pré-guerra, fui decretada ua orde de recrutamiento giral.
An 1936, Hitler unificou las ourganizaçones de moços i anunciou que todos ls moços almanes deberian se alistar ne ls Jungvolk (Pobo Moço) als 10 anhos, quando poderien ser treinados an atebidades stracurriculares, que ancluían la prática de çportos i acampamientos, para alhá dua doutrinaçon al nazismo. Als 14 anhos, ls moços deberian antrar na Mocidade Hitleriana, sujeitando-se a ua çciplina semi melitar, bien cumo a atebidades sternas i a la propaganda nazi. Paralelamente a la Mocidade Hitleriana, eisistia la Liga de las Moças Alemanas, adonde las moças daprendian ls deberes de la maternidade i ls afazeres domésticos, i, assi cumo ls moços, daprendian ls berdadeiros oubjetibos de l nazismo, i l que fazer para alcançá-lo. Als 18 anhos, deberian alistar-se nas fuorças armadas ó nas fuorças de trabalho.
Formaçones
[eiditar | eiditar código-fuonte]![](http://upload.wikimedia.org/wikipedia/commons/thumb/7/71/Bundesarchiv_Bild_102-17818%2C_Berlin%2C_Olympiastadion%2C_HJ-Kundgebung.jpg/190px-Bundesarchiv_Bild_102-17818%2C_Berlin%2C_Olympiastadion%2C_HJ-Kundgebung.jpg)
De 6 a 10 anhos, un rapaç fazie un daprendizado para serbir na Mocidade Hitleriana, chamado de Pimpf. Para cada moço era fornecido un lhibro de registro, adonde serie anotado sou progresso na Mocidade Hitleriana, anclusibe sou zambolbimiento de las doutrinas nazis. Als 10 anhos, depuis de passar por testes cunsecutibos de atletismo, acampamiento i stória nazificada, recebie l grau de Jungvolk ("Moço Camarada").[1] , fazendo l seguinte juramiento:
Delantre dessa bandeira de sangre, que repersenta nuosso Fuhrer, juro debotar todas las minhas einergies i fuorças al salbador de la nuossa pátria, Adolf Hitler. Stou çpuosto i pronto a dar a mie bida por el, cula ajuda de Dius.
Als 14 anhos ls rapazes entrában na Mocidade Hitleriana propiamente dita, quedando neilha até ls 18 anhos, quando era transferido para la Coperaçon pul Trabalho ó la Wehrmacht. Na Mocidade Hitleriana ls rapazes recebien treinamiento an doutrinas nazis, artes melitares, acampában, sendo coincidos pula populaçãop por "usáren pesadas mochilas i marcháren ne ls fines de sumana". De 10 a a 14 anhos, las moças alemanas éran alistadas cumo Jungmädel (Moços Donzelas), sou ouniforme era cumpuosto dua chambre branca, saia azul i meias i çapatos de marcha, sou treinamiento era cumo l de l rapazes. Als 14 anhos las moças entrában para la Bund Deutscher Mädel ó B.D.M (Lhiga de las Moças Alemanas), quedando neilha até ls 21 anhos, alguas bezes las moças tamien fazien speriéncias an arte melitar. Na Almanha nazi, daba-se atençon al causo de que l percipal papel de las mulhieres éran geráren filhos sadios, propagando la “raça ariana”. Als 18 anhos las moças de las B.D.M prestában un anho de serbício nls huortos – las Land Jahr, eiquibalente a la Coperaçon de l Trabalho de l rapazes. La sue tarefa cunsistia an ajudar an casa i ne l campo, las moças bibian an huortos ó an pequeinhos acampamientos ne ls çtritos rurales, adonde éran apanhadas por caminones ne l ampeço de la manhana i lhebadas pa ls huortos. Tamien habie l Anho de l Lhar, adonde pori quinhentas mil moças passában un anho fazendo trabalhos domésticos nun lhar de la cidade. Lhougo surgiran pais reclamando que sues filhas habien angrabidado sin se casar de l camponeses ó senó, de l rapazes de la Coperaçon de l Trabalho, cujo acampamiento quedaba muitas bezes próssimo als de la B.D.M.[1]
Stória
[eiditar | eiditar código-fuonte]Aparentemente Hitler nun acraditaba que las scuolas públicas podíssen nazificar la mocidade, acraditando que la Mocidade Hitleriana podisse fazé-lo, mas, la Mocidade Hitleriana era un mobimiento jubenil relatibamente pequeinho, an 1932, l alistamiento total tenia solo 107.956, anquanto de l Comité de l Reich de las Associaçones de la Mocidade Almana chegában a a 10.000.000 de moços, l maior mobimiento jubenil de l mundo. Hitler nomeou Baldur von Schirach, quier zde 1925 yá era lhíder de la Mocidade Hitleriana, “lhíder de la Mocidade de l Reich Alman” an júnio de 1933, mais tarde an beç de subordinar-se al Menistério de la Eiducaçon, Schirach passou a a ser respunsable diretamente delantre Hitler. Schirach eimediatamente ourdenou que cinquenta homes de la Mocidade Hitleriana acupassen l Comité de l Reich de las Associaçones de la Mocidade Almana, l xefe de l comité, un antigo general de l eisército prussiano Bogt, i l almirante de la Purmeira Guerra Mundial von Trotha, persidente de la associaçon fúrun çtituídos i sous cargos zaparecidos. Cientos de pensones para moços almanes ne l balor de alguns milhones de dólares fúrun cunfiscadas. An 1º de dezembre de 1936, Hitler decretou ua lhei que stinguia todas las ourganizaçones de moços nó-nazis:
“(...) To la mocidade almana de l Reich stá ourganizada ne ls quadros de la Mocidade Hitleriana.
La mocidade almana, para alhá de ser eiducada na família i nas scuolas, será fraugada física, anteletual i moralmente ne l sprito de l nacional-socialismo (...) por antermédio de la Mocidade Hitleriana.[2]
Ne l fin de 1938, la Mocidade Hitleriana tenerie 7.728.259 nembros, antretanto pori 4 milhones de moços inda stában fura de la ourganizaçon, anton, an márcio de 1939, l regime nazi decretou ua lhei ne l qual todos ls moços debian ser cumbocados para la Mocidade Hitleriana, de modo semelhante al eisército. Causo ls pais se recusassen a alistar sous filhos, éran submetidos la seberas sentenças de prison, ó sous filhos poderien ser mandados para Uorfanatos ó outros lhocales.[1]
Refréncias
[eiditar | eiditar código-fuonte]- ↑ 1,0 1,1 1,2 Ascenson i queda de l Terceiro Reich - Triunfo i Cunsulidaçon 1933-1939. Belume I. Willian L. Shirer. Traduçon de Pedro Pomar. Agir Eiditora Ldta., 2008. ISBN 978-85-220-0913-8
- ↑ Reichsgesetzblatt, 1936, Parte I, pág 933. Citado an NCA, III, pág 972-3 (n.p. 1392-PS)