बङ्गलादेशको राष्ट्रिय प्रतीक
बङ्गलादेशको राष्ट्रिय प्रतीक | |
---|---|
![]() | |
प्रयोगकर्ता | ![]() |
ग्रहण | सन् १९७१ |
ब्लाजोन | राष्ट्रिय प्रतीकको केन्द्रमा पानीमा तैरिँदै गरेको शापला फूलको दुवै भागहरूमा धानका बालाहरूले गोलाकारी बनाइ फूललाई घेरेको र प्रतीकको शीर्ष भागको दुई विपरीत दिशामा क्रमशः दुईदुई ताराहरू राखिएको |
सन् १९७१ को बङ्गलादेशको स्वतन्त्रता युद्धमा बङ्गलादेश पाकिस्तानबाट स्वतन्त्र भए लगत्तै नयाँ राष्ट्र बङ्गलादेशको राष्ट्रिय प्रतीकलाई अपनाइएको थियो। बङ्गलादेशको राष्ट्रिय प्रतीकको केन्द्रमा पानीमा तैरिँदै गरेको शापला फूलको तस्वीर राखिएको छ जुन बङ्गलादेशको राष्ट्रिय फूल हो। पानीमा तैरिँदै गरेको शापला फूलको दुवै भागहरूमा धानका बालाहरूले गोलाकारी बनाइ फूललाई घेरेका छन्। प्रतीकको शीर्ष भागको दुई विपरीत दिशामा क्रमशः दुईदुई ताराहरू राखिएको छ भने प्रतीकको शीर्ष भागमा जुटको तीन अन्तर्निर्मित पातहरू राखिएका छन्। प्रतीमा प्रयोग गरिएका ४ ताराहरूले बङ्गलादेश संविधानको ४ सिद्धान्तहरूलाई दर्शाउँदछन्। बङ्गलादेशको अर्थव्यवस्थालाई पानी, धान र जुटका प्रतीकहरूले परिभाषित गर्दछन्। यी तीन तत्वहरूमा राखिएको फक्रिएको फूल राष्ट्रको प्रतिज्ञा, सौन्दर्य र सुन्दरताको प्रतीक हो। देशको लक्ष र महत्वकांक्षाहरू ताराहरूमा अभिव्यक्त भएको छन्। बङ्गलादेशको राष्ट्रिय प्रतीकका नक्शा विकासकर्ता मोहाम्मद इद्रिस हुन्।[१]
প্রজাতন্ত্রের জাতীয় প্রতীক হইতেছে উভয় পার্শ্বে ধান্যশীর্ষবেষ্টিত, পানিতে ভাসমান জাতীয় পুষ্প শাপলা, তাহার শীর্ষদেশে পাটগাছের তিনটি পরস্পর-সংযুক্ত পত্র, তাহার উভয় পার্শ্বে দুইটি করিয়া তারকা৷
--बङ्गलादेशको संविधान, ४ (३)[२]
चित्र दीर्घा
[सम्पादन गर्नुहोस्]-
बङ्गाल राज्यको राष्ट्रिय प्रतीक
-
पाकिस्तानी शासन अन्तर्गत पूर्व बङ्गालको राष्ट्रिय प्रतीक (सन् १९४७–१९५५)
-
पूर्व पाकिस्तानको राष्ट्रिय प्रतीक (सन् १९५५–१९७१)
-
राष्ट्रपतिको राष्ट्रिय प्रतीक
-
बङ्गलादेशको प्रधानमन्त्रीको राष्ट्रिय प्रतीक
-
५० पैसामा बङ्गलादेशको राष्ट्रिय प्रतीक
सन्दर्भ सामग्रीहरू
[सम्पादन गर्नुहोस्]- ↑ "জাতীয় প্রতীক"। দৈনিক প্রথম আলো (बंगाली भाषा)। १६ जनवरी २०१३। सङ्ग्रह मिति १० मे २०१८।
- ↑ "প্রথম ভাগ" (PDF)। सङ्ग्रह मिति २०१३-०६-२०।