Suharto
Jenderal Besar TNI (Purn.) H. M. Suharto ꦯꦸꦲꦂꦠ | |
---|---|
![]() Foto resmi untuk masa jabatan 1993–1998 | |
Presiden Indonesia ke-2 | |
Inötö wangai halöŵö 12 Maret 1967 – 21 Mei 1998 (Pejabat Presiden sampai 27 Maret 1968) | |
Wakil Presiden | |
Ni'alinia | Soekarno |
Fangali | B. J. Habibie |
Sekretaris Jenderal Gerakan Non-Blok ke-16 | |
Inötö wangai halöŵö 7 September 1992 – 20 Oktober 1995 | |
Ni'alinia | Dobrica Ćosić |
Fangali | Ernesto Samper Pizano |
Panglima Angkatan Bersenjata Republik Indonesia ke-5 | |
Inötö wangai halöŵö 6 Juni 1968 – 28 Maret 1973 | |
Presiden | Dirinya sendiri |
Ni'alinia | Abdul Haris Nasution |
Fangali | Maraden Panggabean |
Menteri Pertahanan Keamanan Republik Indonesia ke-13 | |
Inötö wangai halöŵö 28 Maret 1966 – 28 Maret 1973 | |
Presiden | Soekarno Dirinya sendiri |
Ni'alinia | Abdul Haris Nasution |
Fangali | Maraden Panggabean |
Panglima Komando Operasi Pemulihan Keamanan dan Ketertiban ke-1 dan ke-5 | |
Inötö wangai halöŵö 5 Oktober 1965 – 19 November 1969 | |
Ni'alinia | Jabatan dibentuk |
Fangali | Maraden Panggabean |
Inötö wangai halöŵö 2 Maret 1974 – 5 April 1978 | |
Ni'alinia | Soemitro |
Fangali | Soedomo |
Kepala Staf TNI Angkatan Darat ke-8 | |
Inötö wangai halöŵö 16 Oktober 1965 – 1 Mei 1968 | |
Panglima | Abdul Haris Nasution |
Ni'alinia | Pranoto Reksosamodra |
Fangali | Maraden Panggabean |
Kepala Badan Intelijen Negara ke-3 | |
Inötö wangai halöŵö 1965 – 22 Agustus 1966 | |
Presiden | Soekarno |
Ni'alinia | Soebandrio |
Fangali | Yoga Sugama |
Ketua Presidium Kabinet Indonesia ke-1 | |
Inötö wangai halöŵö 25 Juli 1966 – 17 Oktober 1967 | |
Presiden |
|
Ni'alinia | Soekarno (sebagai Perdana Menteri) |
Fangali | Jabatan dihapuskan |
Panglima Kostrad ke-1 | |
Inötö wangai halöŵö 6 Maret 1961 – 2 Desember 1965 | |
Ni'alinia | Jabatan dibentuk |
Fangali | Umar Wirahadikusumah |
Informasi pribadi | |
Tumbu | Soeharto 8 Juni 1921 Kemusuk, Kesultanan Ngayogyakarta Hadiningrat, Hindia Belanda |
Meninggal dunia | January 27, 2008 Jakarta Selatan, Jakarta, Indonesia | (ndröfi 86)
Makam | Astana Giribangun, Matesih, Karanganyar, Jawa Tengah |
Kebangsaan | Indonesia |
Partai politik | Templat:Parpolicon |
Fo'omonia | |
Ono |
|
Ina | Soekirah |
Ama | Kertosoediro |
Alma mater | Templat:Bulleted list |
Profesi | Templat:Bulleted list |
Tandra tanga | ![]() |
Dinas militer | |
Tefaböbö | Templat:Bulleted list |
Dinas/cabang | Templat:Bulleted list |
Inötö dinas | 1940–1974 |
Pangkat | ![]() |
Satuan | Infanteri |
Fasuwöta | Perang Kemerdekaan Indonesia Operasi Trikora |
Soeharto, Presiden Indonesia sanohugö famatörö moroi khö Soekarno. Hiza, ya'ia andre, no salaŵa faka ba ngandroto zaradadu, ya'ia da'ö; Jenderal Besar - Tentara Nasional Indonesia(TNI) Purnawirawan H.M Soeharto, ba li Jawa latötöi ba lasura faoma; (Hanacaraka): ꦯꦸꦲꦂꦠ; IPA: /suːˈhɑːrtɔ/) (Ejaan Republik, ER, EYD: Suharto; tumbu ba Kemusuk, Argomulyo, Sedayu, Bantul, barö wamatörö Kesultanan Ngayogyakarta Hadiningrat, ba ngaluo si 8 Juni 1921, Ya'ia andre, tobali presiden moroi ba ndröfi si 1967 ofeta 1998, manohugö famatörö Soekarno. Ba dunia internasional, simane sifakhai ba Dunia Barat, Soeharto no asese lakaoni faoma fanötöi "The Smiling General" ma na lafo'eluaha ba li Indonesia; "Sang Jenderal yang Tersenyum", dane-dane da'a me Suharto andre, no mozökhi sibai mbawania. Heŵa'ae simanö, no oya sibai wabu'a-bu'asa sifakhai ba wamatörö Suharto andre, asese lafaedogö ia samatörö sabe'e ma (otoriter) ba niha si lö fao tödö ba lala wamatörönia.[1][2][3]
Fatua lö tobali ia presiden, Soeharto no samösa zalaŵa faka ba militer ba ginötö Hindia Belanda faoma Kekaisaran Jepang, faka safuria nigogohenia meluo da'ö ya'ia da'ö, Mayor Jenderal. Me aefa Gerakan 30 September ba ndröfi si 1965, Suharto fao ia ba wamöfögö ngawalö zalua meluo da'ö, hiza tenga moroi ba nilau dödönia samösa, no sambua fareta nitemania moroi khö Presiden Soekarno, sambua moroi ba fareta nitemania ya'ia da'ö; ba wolaŵa Gerakan 30 September ba hiza ba ginötö sifagölö te'osara'ö wa Partai Komunis Indonesia (PKI) sambua angowuloa sitebai mufanöi ngawalö halöŵönia (sebagai organisasi terlarang). No oya duria sanguma'ö wa meluo da'ö so ba 100.000 niha ofeta 2 juta niha zimate (hewa'ae da'a lö hadöi dane-dane ma lohe-lohe sifakhai ba duria andrö), notobali ia duri mbewe me oi la'ila niha wa ba ginötö Gerakan 30 September ato göi niha zimate. banyak.[4][5]
Ba meluo da'ö, Soeharto itema noro sabua moroi khö Majelis Permusyawaratan Rakyat Sementara (MPRS) tobali ia samatörö ba wamareta ma latuyu ia tobali Presiden ba ngaluo 26 Maret 1968[6] manohugö famatörö Soekarno. Aefa da'ö ifuli zui Majelis Permusyawaratan Rakyat (MPR) lafili Soeharto tobali Presiden ba ndröfi si 1973, 1978, 1983, 1988, 1993, ba döfi 1998. Ba ndröfi 1998, ba da'ö ahori ginötö wamatörönia, hiza tenga sahori börö ginötö si no mutatugöi, ya'ia samösa zomasi molombase, ibe'e zura wolombasenia ba ngaluo 21 Mei 1998, ya'ia sa'ae alua wa'owulo-wulo sato sibai ba zisagörö Indonesia ni tandroi faoma fanötöi kerusuhan Mei 1998 nifalua ngahönö wa'ato ndra Mahasiswa. Soeharto andre, presiden samatörö sara sibai ba Indonesia, ba me molombase ia, ba itohugö wamatörö presiden B. J. Habibie.
Soeharto göi no sa'ae la'ila niha ba ginötö wamatörönia, samösa samatörö sanaha wa'amozaewe ndra gehai, nifotönia meluo da'ö warga negara Indonesia keturunan Tionghoa, alua wasuwöta side-ide ba niha si so yaŵa ba Timor Timur, famaso ena'ö lagogohe dane-dane Pancasila ba ngawalö lala wa'auri nono mbanua, ba no sa'ae oi la'ila niha, ba ginötö wamatörönia andre, no samösa samatörö samöfögö tana khönia. Molo'ö Transparency International, fangerai fa'arugi negara meluo da'ö so ba zi 15–35 miliar dolar Amerika Serikat.[7] Hiza, lö hadöi sitobali lohe-lohe saro ba wohuku ya'ia, mana'i meluo da'ö, surat kabar Time mangala ba wabusa föna hakim [8] inönö meluo da'ö fa'atua Soeharto, no tebai sa'ae, mofökhö-fökhö simöi taha-taha ba wamareso amatohulo wohuku ya'ia. Irege sa'ae iröi gulidanö ba Jakarta me 27 Januari 2008.
Fa'a'iraono
Waö-waö zatua Suharto
[bulö'ö | bulö’ö kode]Soeharto tumbu me tanggal 8 Juni 1921 ono ninada sotöi Sukirah sitoröi ba Dusun Kemusuk, Desa Argomulyo, Kecamatan Sedayu, Bantul, Yogyakarta. Fa'atumbu nono andre, i'omösi faoma duku sotöi Mbah Kromodiryo ya'ia da'ö akhi dua Sukirah, Mbah Kertoirono.[9]
Ba waö-waö lala wa'auri Suharto, Bua wangera-ngera, fehede salua ba zinata mbawa, faoma ngawalö nifaluagu, "fehede Suharto" ba li Indonesia; Pikiran, Ucapan dan Tindakan Saya, nifa'anö G. Dwipayana, Sukirah nifaehagö Soeharto ina sawuyu-wuyu si so abula dödö ba wongambatö. Hiza, oya nitandroi ba mbuku-buku waö-waö Soeharto samaogö töi Sukirah so abula tödö.[10] Fatua lö Soeharto (situmbu 8 Juni 1921) me döfinia 40 ngaluo, Sukirah göna talak ia khö wo'omonia iramatua, Kertosudiro.[11]
Kertosudiro, samösa kafalo wamangele idanö ulu-ulu (pengatur irigasi) no sinumana sibai, hiza lö oya sibai wefaonia khö nononia Suharto, ma na'i ato zi no mohörö-hörögö waö-waö wa'auri Suharto simane R.E. Elson, so ira zanura lala wa'auri niha ma ba li Indonesia lamane; biografer ba ya'ira sahatö khö Suharto, simane mantan Menteri Penerangan, Mashuri, wa Kertosudiro andre tenga ama so'ono Soeharto.[10] Ba ndröfi si 1974, no irai so wamazaewe turia sambö baga wombaso ya'ia nisura ba majalah gosip sotöi ‘POP’ sifakhai ba waö-waö wa'auri si no ara lö murongo niha wa Soeharto andre ono Padmodipuro, samösa niha ni fosumange moroi ba trah Hamengkubowono II.[10] Soeharto andre me ide-ide ia ya'ia da'ö ba 6 fakhe ndröfinia, latibo'ö ia satuania ba ihalö ia ono Kertosudiro. Da'a dania zitobali wabu'asa Soeharto nifa'emania ba konferensi pers ba gödo Bina Graha wa fefu nifazaewe niha sifakhai wa ono niha nifosumenge ia, itenaŵa da'ö ba hiza ifa'ema meluo da'ö wa ya'ia andre tenga niha sokhö ma ono niha nifosumange, hiza ha samösa iraono simane ono niha bö'ö, ono niha mbanua ma moroi ba desa.[10]
Waö-waö we'amöinia ba zekola SD
[bulö'ö | bulö’ö kode]Soeharto andre, tenga simane iraono sifagölö khönia si so ba mbanua naha wa'atumbunia, oi mohalöŵö ba laza. Ba wa'awuyu-wuyunia, ibe'e ia sekola Kertosudiro.[10] Lö hadöi turia sangombakha hewisa Soeharto andre me inötö modadao ia ba Sekolah Rakyat (ma fagölö ira SD iada'a). Ni'ila niha ba ginötö wa'a'iraono Soeharto andre, ya'ia da'ö hewisa waö-waönia ba wokubaloi öröbao khönia. No aröu sibai fabö'ö moroi ba waö-waö wa'a'iraono ndra Soekarno, Hatta faoma Sjahrir si no lakaoni döinia faoma Karl May mazui simane si no tefaehagö ba ngawalö hikaya nibaso moroi ba novel-novel nisura Charles Dickens.[10]
Lala wa'auri ma waö-waö wa'a'iraono Soeharto andre, no fondrege wa'afökhö, simane ba ginötö ba zekola SD asese sibai la risa ia ira awönia, hiza farisata nifalua ndra awönia andrö i'ohe ofeta ebua-bua ia, ma ara taya ba wangera-ngerania, simane fehede sanguma'ö; "Den Bagus tahi mabul! Den Bagus tahi mabul" faoma "Harto sirah gede!". Irege meluo da'ö ya'ia andre, samösa ndraono si lö hede-hede, tenga hada'ö so göi moroi khö duania Mbah Notosudiro (buyutnya) samaehusi Soeharto ba gotalua ma'uwunia tanöbö'ö. Fefu da'a nomöi dohöfania ba wangalui fa'atua-tua, ba dödönia meluo da'ö hewisa lala wa tola tobali ia niha sikayo, salaŵa faka ba hiza ifondrondrongo So'aya ngarö-ngarö dödönia, irege tobali ia Presiden.[12]
Me no sa'ae idugu ebua-bua Soeharto, toröi ia khö duania, Mbah Atmosudiro, tuania moroi khö ninania. Soeharto andre, ibörö möi ba zekola ba zi 8 fakhe ndröfinia, hiza no asese sibai findra sekola ia. Si'oföna sibai ba Sekolah Dasar (SD) ba Desa Puluhan, Godean. Aefa da'ö, findra ba SD Pedes (Yogyakarta) börö me ama ba ina sangai ya'ia iraono (ibu dan ayah tirinya), sotöi Pramono, findra omo ba mbanua Kemusuk Kidul. Kertosudiro aefa da'ö ifandrakö ia ba Wuryantoro, Wonogiri, Jawa Tengah. Soeharto lafataro ba nomo tatönia sangowalö khö mantri tani sotöi Prawirowihardjo. Soeharto andre latema'ö ia sökhi-sökhi ma na'i labali'ö ia ono sia'a ba nomo tatönia ba gotalua nono Prawirowihardjo. Soeharto aefa da'ö labe'e ia sekola, ba no ibe'e sibai dödönia we'amöi ba zekola, irege onokhe ia ba wangerai. Ba hiza tenga hada'ö, ibe'e dödönia ba wangalui famahaö ba agama me tatönia andrö samösa samati ba agama.
Fa'omasi Soeharto ba wohalöŵö ba danö, ya'ia da'ö ba ginötö me toröi ia ba mbanua Wuryantoro, ni fahaö zibayania ma donga tatöi sohalöŵö mantri tani, Soeharto ibe'e sibai dödönia ba wohalöŵö ba danö. Soeharto ilau faguru mangazi ba nahia langgar faoma ira awö-awönia, itaria na'i fa sara wongi ira ba nahia andrö, ba fao ia ba kepanduan Hizbul Wathan ba baginötö da'ö ibörötaigö i'ila haniha manö ira zi no fao ba wolaŵa sanuwö simane Raden Ajeng Kartini faoma Pangeran Diponegoro, hiza turia andre, nibasonia ba koran sofeta ba desa si toröi ya'ia.
Aefa tama ia moroi ba Sekolah Rendah (SR) ba zi öfa fakhe wa'ara, Soeharto lafatohugö'ö khönia sekola lanjutan rendah ma SMP ia andre na ba ginötö iada'a, ba Wonogiri. Ba zi 14 fakhe ia, Soeharto toröi ia ba nomo Hardjowijono. Hardjowijono ya'ia da'ö awö namania sohalöŵö ba kereta api, si no fasiu meluo da'ö. Hiza Hardjowijono andre, samösa solo'ö famahaö moroi khö Kiai Darjatmo, si no la'ila samösa tokoh agama si no tehöngö ba mbanu Wonogiri meluo da'ö.
Fongambatö Suharto
[bulö'ö | bulö’ö kode]![](http://upload.wikimedia.org/wikipedia/commons/thumb/7/76/Suharto_family.jpg/220px-Suharto_family.jpg)
Ba mbaŵa sifulu me döfi si 1947 (Oktober 1947), Soeharto andre lafalukhaisi ia ngambatö Prawirowihardjo, tenga niha bö'ö, sibayania, si no manga'i ya'ia ono. Labude-budegö ia wa lafamatua ia khö Raden Ayu Siti Hartinah, ono KRMT Soemoharyomo. Soemoharyomo andre samösa Wedana ba Solo. Döfi Soeharto andre meluo da'ö, no 26 fakhe ba na fakese-kese ia walö hadöi nasa nisöndrania döla nosunia. Satuania, so wa'alangu-langu dödö, alai dania na manalu'i ginötö ba tobali ono matua satua ba geu, me no la'ila wa Soeharto andre, niha sahono-hono, si lö oya fehede. Ba hiza famatuasa nia khö ngambatö Prawirodihardjo alua simane sito'ölönia, ma lamane lö taha-taha.[13]
Lala wamaigi niha Soeharto andre, lö ara sibai, ma lö sa'ae ilau fasita ua, hiza Letnan Kolonel (Letkol) Soeharto faoma Siti Hartinah (ya'ia sa'ae döi si tehöngö ma ni'ila niha ya'ia da'ö ibu Tien Soeharto) alua walöŵania me ngaluo si dua wulu a'önö ba mbaŵa si felendrua ba ndröfi si saribu a siŵa ngaotu a öfa wulu afitu (26 Desember 1947) nifalua ba Solo. Mangowalu Soeharto ba zi 26 fakhe ndröfinia, dongania sotöi Siti Hartinah 24 fakhe. Ngambatö da'a, te amualagö khöra howu-howu ndraono, ya'ia da'ö daönö wa'ato, so nono matua ba ono alawe. Iraononia sotöi Siti Hardiyanti Hastuti (Tutut), Sigit Harjojudanto, Bambang Trihatmodjo, Siti Hediati Harijadi (Titiek), Hutomo Mandala Putra (Tommy), faoma siakhi sotöi Siti Hutami Endang Adiningsih (Mamiek).[14].
Karier
Militer
[bulö'ö | bulö’ö kode]Me tanggal 1 Juni 1940, latema ia samösa siswa ba zekola militer ba Gombong, Kebumen, Jawa Tengah. Me no aefa önö waŵa latihan dasar, i'asiwaisi wamahaö andrö lulusan terbaik ba labe'e khönia faka kopral. Hiza, tefili ia samösa prajurit nibali'ö duma-duma ma teladan ba zekola Bintara, Gombong. Soeharto resmi faböbö ba zaradadu kolonial Belanda, KNIL ba ginötö hino wasuwöta me Perang Dunia II. La fatenge ia ba Bandung sitobali saradadu sotundreheni Markas Besar Angkatan Darat samigu wa'ara, meluo da'ö fakania no sa'ae sersan.[15]
Hiza Soeharto ifuli zui alua khönia wa'a'udi, ma ba li Indonesia asese lamane; apes, ya'ia da'ö; ba tanggal 8 Maret 1942, Belanda lafazaŵa danga khö Jepang, irege lösa'ae fao ia ba KNIL. Soeharto ifuli zui tosasa dödönia, ba hiza ilau manofa sabata ba nomo tatönia, ba Wuryantoro, ifuli zui tobali ia samösa nono matua si lö halöŵö. Ba tenga hada'ö hulö zi fawulaete wa'abudödö andre sinörö Soeharto, hiza göna ia Malaria, irege la'ohe ia ba rumasaki. Me no ifuli owaöri ia, börö me sanofa ia, ba i'andrö tolo khö zibayania Prawirowihardjo sangai halöŵö penyuluh (mantri) khöndra sohalöŵö ba danö, ena'ö i'alui halöŵö Soeharto. Ba hiza, sibayania andre, lö hadöi lala halöŵö baero wanolo ya'ia ba wame'e ngawalö wangi'ila sifakhai ba wohalöŵö ba danö. Ba hiza Soeharto itema halöŵö andrö, sitobali famahaö khönia ba wangi'ila hewisa lala wohalöŵö ba danö. Hiza fohalöŵönia ba da'a, ha ba ginötö si sabata, lö ara sibai.[16]
No sa'ae ibörötaigö so wa'atage khö Suharto andre walö hadöi halöŵönia, idalaigö ifasura'ö döinia tobali Keibuho ma tobali folisi Jepang ba mbaŵa sifelezara döfi si 1942. Meluo da'ö so ma'ifu khönia wa'ata'u ma la'ila wa no irai tobali saradadu Belanda ia. Ba hiza i'abe'e'ö dödönia ba latema ia tobali folisi. Ba hiza izago sibai ngawalö wariawösania meluo da'ö me so so dödönia alai na la'ila wano irai saradadu Belanda ia. Suharto andre me no awai itörö pendidikan polisi, hiza no samösa zonekhe ba gotalua nawönia ma lulusan terbaik. Da'a sambua hare khönia me no to'ölö itörö zekola pendidikan bintara KNIL Belanda.[17]
Ba ginötö da'ö, kafalo Suharto ba kepolisian ifa'ema duria khö Suharto wa so wanema Tentara Pembela Tanah Air (PETA), saradadu ni sponsori Jepang. Perwira Jepang andrö ma sangombakha'ö khönia duria da'ö, ifarou ena'ö edöna Suharto ifasura'ö döinia ba PETA, ba hiza itema'ö da'ö Suharto irege tobali ia perwira magang/pembantu letnan nifataro ba Karanganyar, Kebumen. Meno aefa ginötö wanandraigö ba faka nitema'önia ma masa percobaan, ba itohugö wanga'i sekola ma pendidikan militer lanjutan ba Bogor, Jawa Barat, la tuyu ia tobali Chudancho (komandan kompi). Ba asrama Peta Bogor fao ira Shodancho Singgih, Putra Panji Singgih awö seperjuangan Sukarno. Aefa da'ö tobali Chudanco ba Seibu, markas besar PETA ba Solo, lafindrakö ia zui ba zahatö ba Gunung Wilis ba desa Brebeg Selatan Madiun ba wo lati prajurit PETA.[18]
Ba 17 Agustus 1945 tefaehagö wa'a merdeka Indonesia, Suharto latuyu ia tobali anggota TNI ba ngaluo 5 Oktober 1945 fakania meluo da'ö, letnan. Lö ara aefa da'ö, börö me so wangi'ilania me no irai fao ia ba PETA, lafili ia zui tobali komandan batalion fakania, mayor. Ba ndröfi si 1946, manöi zui fakania tobali ia komandan resimen fakania letnan kolonel ma overste.[19]
Tendroma gera-era
Pandangan politik orang tsb. (ideologi), aliran (keilmuan, akademis, seniman, dlsb)
Ondröita
Dampak sepak terjang orang tsb., pengaruhnya di dunia politik/keilmuan/seni. Apakah dia memiliki citra publik tertentu yang berdampak luas seperti presiden pertama berkulit hitam (Barack Obama) atau efek Jokowi (Joko Widodo)?
Fa'auri
Hal relevan (hanya yang relevan, bukan gosip!) tentang hidup pribadi ybs. misalnya keluarga dan hal lain yang patut direkam sebagai catatan sejarah.
Töi nibe'e
Penghargaan yang diterima ybs (nasional, dari negara lain, penghargaan lainnya)
Publikasi
Buku atau artikel menonjol yang ditulis dan dipublikasikan oleh ybs. (akademisi, ilmuan, politikus, dlsb.); karya menonjol baik lukisan (perupa), album (musikus), film (sutradara)
Onönöta
Hal lain yang merupakan informasi berharga, namun belum disebut di atas; Catatan khusus kalau ada.
Basoŵa
Di sini ditulis daftar buku relevan tambahan tentang orang tsb. yang belum disebut dalam tulisan.
Khai-khai baero
Di sini ditulis situs web utama yang membahas orang tsb. kalau ada
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.
Umbu
[bulö’ö kode]- ↑ 1,0 1,1 Berger, Marilyn (28 Januari 2008). "Suharto Dies at 86; Indonesian Dictator Brought Order and Bloodshed". The New York Times (ba li Inggris). Diarsipkan moroi ba versi asli baŵa 2018-12-02. Mufaigi me 2018-12-14.
- ↑ Gittings, John (27 Januari 2008). "Obituary: Suharto, former Indonesian dictator: 1921-2008". The Guardian (ba li Inggris). Diarsipkan moroi ba versi asli baŵa 2018-12-14. Mufaigi me 2018-12-14.
- ↑ Hutton, Jeffrey (19 Mei 2018). "Is Indonesia's Reformasi a success, 20 years after Suharto?". South China Morning Post (ba li Inggris). Diarsipkan moroi ba versi asli baŵa 2018-12-17. Mufaigi me 2018-12-14.
- ↑ Cribb, Robert (2002). "Unresolved Problems in the Indonesian Killings of 1965–1966". Asian Survey. 42 (4): 550–563. doi:10.1525/as.2002.42.4.550.
- ↑ Friend (2003), pages 107–109; Templat:Cite video; Ricklefs (1991), pages 280–283, 284, 287–290
- ↑ Prattama, Aswab Nanda. Galih, Bayu, ed. "26 Maret 1968, Saat Soeharto Ditunjuk Gantikan Soekarno Jadi Presiden". Kompas.com (ba li Indonesia). Diarsipkan moroi ba versi asli baŵa 2019-06-19. Mufaigi me 2019-06-19.
- ↑ "Suharto tops corruption rankings". BBC News. 25 March 2004. Diarsipkan moroi ba versi asli baŵa 2020-11-13. Mufaigi me 4 February 2006.
- ↑ Liputan6.com (2019-08-30). Salim, Hanz Jimenez; Linawati, Mevi, ed. "12 Tahun Lalu, Soeharto Menang Lawan Majalah Time". Liputan6.com (ba li Indonesia). Diarsipkan moroi ba versi asli baŵa 2019-12-23. Mufaigi me 2019-12-16.
- ↑ "Biografi Soeharto". blogs.unpad.ac.id/maharani (ba li Indonesia). Arsip moroi versi asli irugi 2023-05-31. Mufaigi me 01 Juni 2023.
- ↑ 10,0 10,1 10,2 10,3 10,4 10,5 "secuil kisah tentang mantan presiden Soeharto". Arsip moroi versi asli irugi 2016-05-31. Mufaigi me 2015-10-24.
- ↑ "Akar Saya Dari Desa". soeharto.co (ba li Indonesia). 2013-09-27. Diarsipkan moroi ba versi asli baŵa 2019-10-11. Mufaigi me 2019-11-4.
- ↑ "Salinan arsip". Diarsipkan moroi ba versi asli baŵa 2022-05-20. Mufaigi me 2022-04-30.
- ↑ "Disebut Pendiam dan Pemalu, Kehidupan Asmara Pak Harto Ternyata Tidak Semulus Kariernya". Tribunkaltim.co (ba li Indonesia). Diarsipkan moroi ba versi asli baŵa 2023-03-24. Mufaigi me 2022-12-15.
- ↑ "Sah Anak_Anak Pak Harti Berkumpul di Partai Berkarya". jawapos.com (ba li Indonesia). 2018-07-21. Diarsipkan moroi ba versi asli baŵa 2019-11-04. Mufaigi me 2019-11-4.
- ↑ Sifasala: Tag
<ref>
tidak sah; tidak ditemukan teks untuk ref bernamaMasa masa sulit Soeharto sebelum masuk militer
- ↑ "Salinan arsip". Diarsipkan moroi ba versi asli baŵa 2022-10-13. Mufaigi me 2022-10-13.
- ↑ "Salinan arsip". Diarsipkan moroi ba versi asli baŵa 2022-10-13. Mufaigi me 2022-10-13.
- ↑ "Salinan arsip". Diarsipkan moroi ba versi asli baŵa 2022-10-13. Mufaigi me 2022-10-13.
- ↑ "Salinan arsip". Diarsipkan moroi ba versi asli baŵa 2022-10-13. Mufaigi me 2022-10-13.