Elaine Paige
Elaine Paige | |
![]() | |
Fødenamn | Elaine Jill Bickerstaff |
Statsborgarskap | Storbritannia |
Fødd | 5. mars 1948 (76 år) Barnet |
Yrke | skodespelar, songar, radioprogramleiar, teaterskodespelar, plateartist |
Språk | engelsk |
Nettstad | http://www.elainepaige.com |
Elaine Paige på Commons |
Elaine Paige, OBE, (fødd 5. mars 1948 i Barnet i England) er ein engelsk songar og skodespelar, kjend for sitt lange virke innan musikal og teater.[1] Stemma blir skildra som mezzosopran.[2][3]
Bakgrunn
[endre | endre wikiteksten]Paige vaks opp i Barnet i Hertfordshire i England og gjekk ved Aida Foster Theatre School. Ho hadde si fyrste profesjonelle sceneframsyning som 16-åring i 1964, og fekk sitt store gjennombrot med musikalen Hair på West End i London i 1968.[4]
Etter ei rekke roller utover i 1970-åra, blei Paige vald til å spele Eva Perón i den fyrste oppføringa til Andrew Lloyd Webber av musikalen Evita i 1978. Dette oppdraget gjorde henne kjend for eit større publikum og ho vann Laurence Olivier-prisen for innsatsen. Ho spelte rolla som Grizabella i Cats og fekk ein topp ti-hit i Storbritannia med songen «Memory» frå musikalen.[5]
I 1984 gav Paige ut «I Know Him So Well» saman med Barbara Dickson frå musikalen Chess, og dette er fortsatt ein av dei mestseljande singlane med ein duo.[6][7] Ho var seinare med i originalbesetninga på Chess, etterfølgd av ei hovudrolle i Anything Goes, som ho også var med på å produsere.
Paige fekk sin Broadway-debut som hovudrolla Norma Desmond i Sunset Boulevard i 1996, til gode kritikkar.[1] Ho spelte i The King and I frå 2000 til 2001, og seks år senere vende ho tilbake til West End med stykket The Drowsy Chaperone. Ho har også hatt jamnlege TV-framsyningar.[1][4]
I tillegg til fem nominasjonar til Laurence Olivier-prisar, har Paige vunne ei rekke prisar og utmerkingar for sine teaterroller. I 1995 blei ho utnemd til ein officer av den britiske imperieordenen av dronning Elizabeth II for hennar bidrag til musikalteater.[8][9] Ho har også blitt omtalt som «fyrstedama innan britisk musikalliv» på grunn av sitt talent og lange virke.[10] Ho har gjeve ut 22 soloalbum, der åtte av dei blei sertifiserte til gull eller platina. Paige har i tillegg medverka på ei rekke andre innspelingar og turnert over heile verda. Sidan 2004 har ho også hatt sitt eige radioprogram på BBC Radio 2, kalla Elaine Paige on Sunday.[11]
I 2014 feira Paige 50 år i underhaldingsbransjen med ein internasjonal konsertturné og eit samlealbum The Ultimate Collection.[12][13]
Kjelder
[endre | endre wikiteksten]- ↑ 1,0 1,1 1,2 «Elaine Paige | Biography & History». AllMusic (på engelsk). Henta 14. april 2019.
- ↑ Staff, Guardian (16. april 2000). «Show girl». the Guardian (på engelsk). Henta 14. oktober 2021.
- ↑ «Going by the book: She knows we know she can sing; in Pam Gems' Piaf,». The Independent (på engelsk). 23. oktober 2011. Henta 14. oktober 2021. «At drama school, Paige's singing teacher heard operatic possibilities. She sometimes wishes she had gone that way: she has a passion for opera. One might imagine a small but perfectly formed lyrico spinto soprano. Not so: she was always more of a mezzo. So next time you hear her reaching for the stratosphere, remember her vocal centre of gravity is about an octave lower.»
- ↑ 4,0 4,1 «Elaine Paige | Biography & History». AllMusic (på engelsk). Henta 13. april 2019.
- ↑ «ELAINE PAIGE | full Official Chart History | Official Charts Company». www.officialcharts.com. Henta 14. april 2019.
- ↑ Gans, Andrew (10. januar 2011). «'Grease' and Chess Songs Among Top-Selling Duets of All Time». Playbill (på engelsk). Henta 14. april 2019.
- ↑ «norwegiancharts.com - Elaine Paige and Barbara Dickson - I Know Him So Well». norwegiancharts.com. Henta 14. april 2019.
- ↑ Elaine Paige returns to West End. BBC News, 18 January 2007. Retrieved on 5 January 2008.
- ↑ «No. 54066». The London Gazette (Supplement): 10–13. 16 June 1995.
- ↑ «Celebrating the First Lady of British Musical Theatre: Elaine Page». TAG (på engelsk). 1. desember 2016. Arkivert frå originalen 13. april 2019. Henta 13. april 2019.
- ↑ «BBC Radio 2 - Elaine Paige on Sunday - Elaine Paige». BBC (på engelsk). Arkivert frå originalen 20. april 2019. Henta 13. april 2019.
- ↑ "Page by Page by Paige – Elaine announces 50th Anniversary Farewell Tour Arkivert 19. mars 2018 på Wayback Machine. ElainePaige.com, 25 November 2013.
- ↑ "Unreleased songs debut on Elaine Paige – The Ultimate Collection" Arkivert 13. april 2019 på Wayback Machine. ElainePaige.com, 9. april 2014.
- Denne artikkelen bygger på «Elaine Paige» frå Wikipedia på bokmål, den 18. mars 2024.