Ilford
Ilford | ||
---|---|---|
Plassering | ||
Styresmakter | ||
Land | ![]() | |
Konstituerande land | ![]() | |
Grevskap | Stor-London | |
Distrikt | Redbridge | |
Geografi | ||
Koordinatar | 51°34′N 0°5′E / 51.567°N 0.083°E | |
Diverse annan informasjon | ||
Postnummer | IG1 | |
Telefon-retningsnummer | 0 20 | |
Ilford er ein stad i den nordaustlege bydelen Redbridge i London. Det er i all hovudsak eit bustadområde, der dei fleste pendlar inn til det sentrale London. Drosjesjåførane i byen skal vere overrepresentert i området. Ilford var opphavleg ein eigen by, men har vorte absorbert av London.
Fleire større selskap har vorte oppretta i Ilford, med film- og kjemikalieprodusenten Ilford som den mest kjende. Det vart oppretta i 1879 under namnet Britannia Works, og produserte opphavleg fotoplater. Seinare har dei vorte kjent for sine svart/kvit-filmar og fotopapir, som blir rekna for å vere av særs høg kvalitet. I 1989 vart selskapet kjøpt opp av eit amerikansk selskap, og hovudkvarteret er flytta til Knutsford i Cheshire.
Eit anna viktig firma var Plessey, som produserte radio-, elektronikk- og telekommunikasjonsutstyr. Det vart grunnlagt i Marylebone i 1917, men flytta til Ilford i 1919. I 1998 vart firmaet kjøpt opp, og fabrikken i Ilford vart nedlagt.
Kollektivtransport
[endre | endre wikiteksten]Dei næraste stasjonane er:
Kjelder
[endre | endre wikiteksten]- Denne artikkelen bygger på «Ilford» frå Wikipedia på bokmål, den 19. juli 2011.