Kometen Holmes
![]() | |
Oppdaging | |
---|---|
Oppdaga dato | 6. november 1892 |
Alternative namn: | 1892 V1; 1892 III; 1892f; 1899 L1; 1899 II; 1899d; 1906 III; 1906f; 1964 O1; 1964 X; 1964i; 1972 I; 1971b; 1979 IV; 1979f; 1986 V; 1986f; 1993 VII; 1993i |
BaneelementA | |
Epoke | 14. august 2015 (JD 2454400.5) |
Aphel (Q) | 5.183610 AU |
Perihel (q) | 2.053218 AU |
Store halvakse (a) | 3.618414 AU |
Eksentrisitet (e) | 0.432564 |
Førre perihel | 27. mars 2014[1][2] May 4, 2007[1] |
Neste perihel | 19. februar 2021[3] |
Holmes eller 17P/Holmes er ein komet som var synleg for det nakne auga 24. oktober 2007, då han hadde utbrot, den mest lyssterke det tiåret. To dagar tidlegare var kometen 40 000 gonger svakare enn dei svakaste stjernene som ein kan sjå med det nakne auga. 1. november, då han var på det største, var han sju gonger meir lyssterk enn Jupiter. Sjølve kometkjernen vart rekna å vere kring 3,4 km i diameter. Avstanden til jorda var ca. 200 millionar km, det vil sei, 1,5 gonger avstanden mellom jorda og sola.
Kometen Holmes er ein såkalla periodisk komet. Han har ein bane som fører han inn i solsystemet med jamne mellomrom, med ein periode på knapt sju år.
![](http://upload.wikimedia.org/wikipedia/commons/thumb/9/96/17P-Holmes_Auvergne_2007_11_02.jpg/220px-17P-Holmes_Auvergne_2007_11_02.jpg)
Holmes hadde ingen klassisk komethale. Den første veka etter utbrotet hadde han rettnok utvikla ein diffus hale ein kunne observerte i infraraudt lys, og var avbilda på fotoopptak med lang eksponeringstid. Men denne halen hadde ikkje rett retning, det vil sei bort frå sola. Den 8. november falt halen av.
Kometen Holmes vart oppdaga 6. november 1892 av briten Edwin Holmes i London, og kometen er namnsett etter han.
Kjelder
[endre | endre wikiteksten]- ↑ 1,0 1,1 Seiichi Yoshida (12. april 2009). «17P/Holmes». Seiichi Yoshida's Comet Catalog. Henta 13. juni 2016.
- ↑ Syuichi Nakano (19. mai 2011). «17P/Holmes (NK 2100)». OAA Computing and Minor Planet Sections. Henta 13. juni 2016.
- ↑ «17P/Holmes Orbit». Minor Planet Sentral. Henta 13. juni 2016.
- Delphin, Inger Lise A. (14. februar 2009), «Holmes», Store norske leksikon, henta 13. august 2014