Sigrun Wodars
Sigrun Wodars | |
Statsborgarskap | Tyskland, Den tyske demokratiske republikken |
Fødd | 7. november 1965 (58 år) Neu Kaliß |
Idrett | 800 meter, friidrett |
Tok del i | Sommar-OL 1992, Sommar-OL 1988 |
Utmerkingar | Fedrelandets fortjenstorden i gull |
Sigrun Wodars (fødd Sigrun Ludwigs, 7. november 1965) er ein tysk tidlegare friidrettsutøvar som representerte Aust-Tyskland på mellomdistansane. Ho vann gullmedaljen på 800 meter under VM 1987, OL 1988 og EM 1990.
Aktiv
[endre | endre wikiteksten]![](http://upload.wikimedia.org/wikipedia/commons/thumb/2/2c/Bundesarchiv_Bild_183-1988-0604-006%2C_Christine_Wachtel%2C_Sigrun_Wodars.jpg/220px-Bundesarchiv_Bild_183-1988-0604-006%2C_Christine_Wachtel%2C_Sigrun_Wodars.jpg)
I junioralderen konkurrerte Sigrun Ludwigs på 400 meter med stor suksess. Seinare gjekk ho over til 800 meter, til liks med landskvinna Christine Wachtel, ho som skulle verte hennar sterkaste rival på seniornivå.
Under EM i 1986 i Stuttgart tok Wodars sølvmedaljen på 800 m, 0,27 sekund bak sovjetiske Nadezjda Olizarenko. Våren 1987 måtte ho ta til takk med andreplass på distansen under innandørs-VM, slått av Wachtel. Wodars revansjerte seg ved friidretts-VM i Roma same året og vart verdsmeister på tida 1.55,26, fattige seks hundredels sekund føre Wachtel, og i 2016 framleis tysk rekord på distansen. Også under Sommar-OL i 1988 i Seoul vann Wodars 800-meteren, med Wachtel på andreplass.
Wodars tok si tredje straks gullmedalje då ho vann 800 m ved EM 1990 i Split, og enno ein gong med Wachtel på plassen bak.
Etter skils- og giftarmål konkurrerte ho som Sigrun Grau i VM i 1991 og OL i 1992, utan suksess. Ho la opp som aktiv utøvar i 1992.
Medaljar og plasseringar i internasjonale meisterskap
[endre | endre wikiteksten]- EM 1986 i Stuttgart: Sølvmedalje – 1.57,42, bakom Nadezjda Olizarenko (1.57,15)
- VM 1987 i Roma: Gullmedalje – 1.55,26, framom Christine Wachtel (1.55,32)
- OL 1988 i Seoul: Gullmedalje – 1.56,10, framom Christine Wachtel (1.56,64)
- EM 1990 i Split: Gullmedalje – 1.55,87, framom Christine Wachtel (1.56,11)
- VM 1991 i Tokyo: Braut semifinalen (nr 16)
- OL 1992 i Barcelona: Utslått i semifinalane (nr 11 – 2.00,91)
Kjelder
[endre | endre wikiteksten]- Denne artikkelen bygger på «Sigrun Wodars» frå Wikipedia på tysk, den 14. august 2016.