Tørrdrakt
Tørrdrakt er ei vasstett drakt som først og fremst blir brukt til dykking, men også i samband med snorkling og brettsegling.
Ei tørrdrakt er vanlegvis laga av neopren, men ein kan også nytta andre gummimateriale som vulkanisert gummi eller trilaminat.[1] Neoprenet fungerer som eit isolerande lag rundt kroppen, men vanlegvis blir den isolerande evna til drakta komplettert med t.d. ei underdrakt i fleecemateriale. Dette går bra sidan tørrdrakta, i motsetnad til våtdrakta, er heilt vasstett.
Drakta må sitja ganske tett for å fungera optimalt. Tørrdrakta har også ei viss oppdrift, dels avhengig av kor tjukt neoprenlaget er, men også avhengig av kor mykje luft og klede det er i drakta.
-
Tørrdrakter frå 1911 til nyare tid. -
Dykkar i tørrdrakt. -
Surfar i tørrdrakt.
Kjelder
[endre | endre wikiteksten]- ↑ «tørrdrakt» i Store norske leksikon, snl.no.
- Denne artikkelen bygger på «Tørrdrakt» frå Wikipedia på bokmål, den 22. juni 2024.
