Tangled Up in Blue
Tangled Up in Blue Singel av Bob Dylan frå albumet Blood on the Tracks | ||
Utgjeve | 17. januar 1975 | |
Sjanger | Folkrock | |
Lengd | 5:42 | |
Selskap | Columbia | |
Tekstforfattar | Bob Dylan | |
Låtskrivar(ar) | Bob Dylan | |
---|---|---|
Bob Dylan-kronologi | ||
«All Along the Watchtower» (1974) |
Tangled Up in Blue | «Hurricane» (1975)
|
«Tangled Up in Blue» er ein song av Bob Dylan. Songe er opningssporet på Blood on the Tracks frå 1975. Rolling Stone rangerte songen på 68. plass på lista deira over dei 500 største songane gjennom tidene.
Tekst
[endre | endre wikiteksten]«Tangled Up in Blue» er eit av dei tydlegaste døma på at Dylan prøver å skrive ein «fleirdimensjonal» song som trassar eit fast punkt i tid og rom. Dylan hadde nyleg studert måling og kubismen, som prøvde å nytte fleire perspektiv i eit enkelt synsplan, og var påverka av dette. Som Neil McCormick sa i 2003: «Ein verkeleg usedvanleg episk tekst om ei personleg og upåliteleg soge, teken ut av flakkande minner som ein fem-og-eit-halvt minuttar lang musikalsk Proust.»[1] I eit intervju frå 1978 forklarte Dylan denne skrivemåten: «Det som er forskjellig med denne stilen er at det finst ein kode i teksten og det finst inga tidskjensle. Det er ikkje teke omsyn til tida. Du har i går, i dag og i morgon i det same rommet og det er ikkje mykje du ikkje kan førestille deg som ikkje kan skje.»[2]
Teksten er stundom ugjennomsiktig, men songen verkar (som dei fleste songane på albumet) å vere ei soge om ein kjærleik som har enda, men ikkje frivillig. Det siste verset byrjar:
- So now I'm goin' back again, (Så no går dreg eg attende dit)
- I got to get to her somehow... (Eg må no ho på eit vis)
og sluttar
- We always did feel the same, (Me følte det alltid på same vis)
- We just saw it from a different point of view, (Me hadde berre forskjellig syn på det)
- Tangled up in blue. (Vikla inn i blått)
Dylan skreiv stadig om teksten sjølv etter albumet kom ut. Utgåva som finst på konsertalbumet Real Live (og gjennom Europa-turneen i 1984) har ein heilt annan tekst. I den første studioutgåva (frå innspeling i New York City i desember 1974) og ofte i konsertframføringar, har han sunge somme av versa i tredje person, i staden for i første person.
Andre utgåver
[endre | endre wikiteksten]Songen har vorte spelt av mange andre artistar, mellom anna Great White, Jerry Garcia, Half Japanese, Robyn Hitchcock, the Indigo Girls, Ani Difranco, the String Cheese Incident, Twin Valleys og The Whitlams.
Songen er med i spelet Rock Band 2, som den vanskelegaste songen i song-seksjonen.
Norske utgåver
[endre | endre wikiteksten]Det er skrive minst tre norske versjonar av songen. Stein Erik Larsen skreiv den første, kalla «Vikla inn i blått» og vart framført Ødeland Kvartal på singelen «4 sanger av Bob Dylan» i 1996. Tom Roger Aadland skreiv ein nynorsk tekst med same tittel, «Vikla inn i blått» for albumet Blod på spora i 2009. Ein annan nynorsk tekst vart skriven av Oddvar Torsheim kalla «Afrika tur-retur blues» på albumet Tur-retur blues i 2000.
Kjelder
[endre | endre wikiteksten]- Denne artikkelen bygger på «Tangled Up in Blue» frå Wikipedia på engelsk, den 25. august 2010.
- Wikipedia på engelsk oppgav desse kjeldene:
- ↑ «The Rough Guide to Bob Dylan», Nigel Williamson, ISBM:1843531399
- ↑ Intervju med Jonathan Cott, Rolling Stone 11/16/78
Bakgrunnsstoff
[endre | endre wikiteksten]68: «Good Times» Chic |
Plassering på lista til Rolling Stone frå 2021 over dei 500 beste songane gjennom tidene 67 «Tangled Up in Blue» Bob Dylan |
66: «Bridge Over Troubled Water» Simon and Garfunkel |
69: «Crying» Roy Orbison |
Plassering på lista til Rolling Stone frå 2010 over dei 500 beste songane gjennom tidene 68 «Tangled Up in Blue» Bob Dylan |
67: «Jailhouse Rock» Elvis Presley |
- Bob Dylan-songar
- Songar frå 1975
- Beste songar gjennom tidene hos Rolling Stone 2010
- Beste songar gjennom tidene hos Rolling Stone 2021
- Singlar frå 1975
- Columbia Records-singlar
- Songar produserte av Bob Dylan
- Songar skrivne av Bob Dylan
- Kim Larsen-songar
- Jerry Garcia-songar
- Indigo Girls-songar
- Robyn Hitchcock-songar
- Joan Osborne-songar
- Oddvar Torsheim-songar
- Tom Roger Aadland-songar