TioTech

Verda har aldri endra seg med ei slik hast som no.   Med det dristige temaet «Rebell» var forventningane høge til Vestlandskonferansen i år. Det lova eit kritisk djupdykk i normbrytande innovasjon i næringslivet. Men eg synest nok ikkje ein nådde heilt opp til dette løftet.   Over dei siste tre åra har eg vore deltakar på konferansen, og sett ein gjentakande struktur – ein forteljande tråd gjennom åra. «Kvantespranget» i 2022, «Handlekraft» i 2023, og no «Rebell».   Eg forventa, og ønskte, å forlata salen provosert og kanskje litt sint.    Eg forventa å høyra røyster som sparka på leggen til leiarane i salen. Eg forventa å bli forbanna! Kvifor vart ikkje Motvind inviterte inn i staden for å stå ute? Kor var debatten om skatt og korleis me skal sikra velferda med, eller utan, formueskatt? Kvifor fekk me berre eit minutt med kritisk blikk på Noregs største selskap og kva dei gjer for å bli sett på som grøne?   AI var eit gjennomgåande tema på konferansen og Rajesh Chandran kom med følgande åtvaring: «Det eg gjer, er dritfarleg! Me må finna ut korleis me skal klara å nytta den krafta AI er, til godt og ikkje stenga henne inne i Silicon Valley.»   Dette var eit glimt av det rebelske eg søkte!    Det var nokre fleire slike døme: satsing på oppsirkulering av stålkonstruksjonar frå Nordic Circles og nye tankar innan behandling av psykiske lidingar frå Gerd Kvale og Safe Choice Clinic, men det mangla fleire verkeleg utfordrande stemmer. Litt for ofte blei dette tid for introspeksjon, og å sjå tilbake på imponerande karrierar og liv. Eg sat att med eit ønske om fleire modige og utfordrande bidrag frå scena.   Me vestlendingar har eit rykte på oss for å gjera upopulære val og snakka med høg røyst. Men denne gongen verka det som om mange valde det sikre framfor det kontroversielle. Kan det vera at me har vorte metta på innovasjon? Er verda rundt oss så skummel at me ikkje tør å tenka framover? Har me vorte for trygge? Har verda bevega seg så fort at me ikkje klarer å henga med?   Vestlandskonferansen er imponerande godt organisert, eit show det berre er å nyte, og eg knytte kontaktar med mange nye og kjende menneske. Dette er heller ei oppmoding til alle innovatørar – våg å tora! Kva synest du? Kva rebellar skal eg høyra på fram mot neste år? #Rebellane i TioTech er klare for å lytta! #Rebell #Innovasjon #Vestlandskonferansen #Framtidsvisjon #innovation

For snart fire år sidan tok eg eit drastisk karriereval: Eg tok over som dagleg leiar i eit gründerselskap som skulle starte kraftig vekst - og dermed også i praksis bli gründer!   I løpet av mine år som gründer i batteribransjen har eg støtt på mange utfordringar og samtidig samla verdifull kunnskap. Å vere gründer med innovasjon som hovudfokus inneber stadig endring og uvisse, men og mykje latter, glede og nye inntrykk. På vegen har eg samla innsikt, som kanskje kan vere viktig for deg som vil inn i innovasjonens verd:     1. Ting tar tid: Når du står overfor store utfordringar som krev fysisk skaping, må du huske at framgang ikkje skjer over natta.   2. Godt nok er ofte bra nok: Perfeksjon kan ikkje alltid vere målet, både på jobb, men kanskje særskilt i privatlivet.   3. Still gode spørsmål: Du må forstå bransjen og alle rundt deg for å vite kva som kan gjerast betre, og kor moglegheitene er.   4. Test hypotesene dine: Du må stadig vurdere og revurdere sine idear for å sikre at dei holder mål.   5. Fleksible strategiar: Go to market-planar er oppskrytte og vanskelege. Du bør vere dynamisk for å tilpasse deg ei verd i endring. Følg lærdom 4 så ofte som mogleg!   6. Fake it till you make it: Som teknisk ingeniør er det vanskeleg å tenke stort nok og sjå potensialet i teknologien du utviklar. Lær deg å tenke stort og ikkje bli for oppslukt i dei små detaljane.   7. Utfording av det vanlege: Akselerer utviklinga ved å utfordre dei lange tradisjonelle innovasjonsløypene. Det er lov å hoppe bukk! Din store fordel som lita bedrift er at du ikkje har system for alt, og kan dermed tilpassa prosessane dine kjapt.   8. Nettverksbygging: Vær open for moglegheiter som kan oppstå frå uventede hald. Still spørsmål når nokon held ein presentasjon, prat med nye i alle rom, bli med på den middagen eller det arrangementet!   9. Aldri slutt å lær: Evner i kommunikasjon, økonomi, modellering, sal og leiing er ofte meir nyttige enn djup teknisk kunnskap. Sørg for at dette kjem på plass.   10. Risiko er ein del av spelet: Aksepter usikkerheita som kjem med å vere gründer, og vær klar for å kjenne det både i magen og rumpa.     For meg er det å vere gründer i batteri-bransjen ein balansegang mellom å akseptere risiko og lære kontinuerlig. Dei ti punktene over er ikkje berre leksjonar, men også påminnelse om at suksess kjem ikkje utan motgang, og at kvar feil er ein moglegheit til å lære og vokse. Kanskje nokon kjenner seg igjen?   Eg hadde liten, onde tunger vil kanskje hevde ingen, erfaring som leiar då eg tok over, men eg har sjeldan latt moglegheiter til å kunne utvikle meg gå frå meg: Til alle som vandrar inn i entreprenørskapens usikre terreng, anbefaler eg å omfamne utfordringane med opne armar og eit opent sinn!   Foto: Veronika Ask Stuksrud #Innovasjon #Grunder #startUp #Batteri #Industri

Today, our colleague Benedicte Fasmer Waaler visited two Norwegian battery companies located in Norway’s second largest (and some - including Benedicte - claim Norway’s most beautiful) city, Bergen: ZNL Energy AS (separator) and TioTech (anode material based on titania). Both are the result of years of R&D; both are scaling up. And both have participated in our #NordicBatteryCollaboration ecosystem, joining us on «expeditions» to Japan, the US and Germany. Very interesting to meet IRL and hear about successes, ambitions and bumps in the road. Thank you Benjamin Ferstad Marcus Andreas Olsen Jan Børge Sagmo, Anders Teigland + team for your hospitality and knowledge sharing, and Sveinung Dukstad from Innovasjon Norge Vestland and Tone Hartvedt from Invest in Bergen for great company and willingness to participate in corny photo opps

Korleis bygge batteri utan material? På fredag i sist veke annonserte Kina at dei vil innføre eksportrestriksjonar på nøkkelmaterialet på anodesida i litium ionebatteriet, grafitt. Dette markerer nok ein eskalering i handelskrigen som pågår om mineral og materiala som skal drive det grøne skiftet. Men grafitt er jo berre carbon, så kvar er problemet? Vel, som mange veit er Kina i dag dominerande på batteriproduksjon med vel 60% av verdens celler produsert i landet, men denne dominansen er endå større på anodematerial: over 90% av alt anodematerial er i dag produsert eller rafinert i Kina.   🤐 Kvifor er dette eit problem? Før denne annonseringa var, EU og USA på veg til uavhengighet på celleproduksjon. Kvar skulle råmateriala komme frå? Jo, Kina. Her er USA kanskje i betre posisjon fordi det er primært Sør Koreanske selskap som har fått innpass i joint ventures, heller enn egne prosjekt som EU har satsa på.   Vil ikkje dette føre til tilbodsoverskot i Kina? Truleg ikkje, tidligare i haust så blei det presentert markedsstudier som viste at overskotskapasiteten på celleproduksjon i Kina er på størrelse med totalproduksjonen i andre land. Kina sin elbilproduksjon er heller ikkje liten . Med andre ord er allereie heimemarkedet på plass og kinesiske selskap kan få ein endå større kostnadsfordel enn dei alt har.   🤔 Kva skal me gjere her heime? Politikarar har lenge snakka i store ord om å bygge opp verdikjedar for batteri og energilagring. Me er langt komne innan celle- og systemproduksjon, men har så langt neglisjert korleis me raskare kan bli gode på material. Her slit ein med lange utviklingsløp, både i utforskingsfasen, men og med å få tillatelsar til gruvedrift når denne er i gang. For både syntetisk og naturleg grafitt må ein raskt få opp produksjonsvolum og kvalitet slik at europeisk fabrikkar får tilgang til dette, kan ein få bygd om fabrikkar som i dag lagar anodegrafitt til elektrolyse for eksempel? Ein bør og sjå på nye teknologiar kor ein utviklar både material og prosessar lokalt. Berre slik kan me bli verkeleg uavhengig. Norske selskap som oss i TioTech, samt Bergen Carbon Solutions AS Cenate AS og Vianode med fleir står klare! Kva tenker du? Ser me begynnelsen på slutten av batteriproduksjon utanfor Kina, eller vil me klare å finne løysingar her i Vesten? #batteri #innovasjon #oppskalering