Fluvi de las Pèrlas
![](http://upload.wikimedia.org/wikipedia/commons/thumb/4/44/Pearlriver.jpg/250px-Pearlriver.jpg)
Zhujiang (珠江 Pinyin: Zhūjiāng) o lo fluvi de las Pèrlas es lo tresen de China per la longor (2 200 km), après Yangzijiang (lo fluvi Blau) e Huanghe (lo fluvi Jaune), e lo segond pel volum, après Yangzijiang. Situat dins lo sud, se geta dins la Mar de China Meridionala entre Hong Kong e Macau. Forma pus bas lo dèlta del fluvi de las Pèrlas.
Lo fluvi de las Pèrlas es tanben conegut coma Yuejiang («ribièra Guangdong»). Es nomenat d'après una illa del mitan de la ribièra apelada Pèrla de Mar (海珠). Amb lo cambiament del cors del riu, aquela illa se tròba uèi sus la riba.
Lo fluvi de las Pèrlas es eissit del rescontre de Xijiang («llo fluvi de l'Oèst»), Beijiang («lo fluvi del Nòrd»), e de Dongjiang («lo fluvi de l'Èst»). Lo fluvi travèrsa las províncias de Guangdong, Guangxi, Yunnan, Guizhou e en partida las d'Hunan e Jiangxi, per formar un bacin de 409 480 km², lo bacin del fluvi de las Pèrlas (珠江流域).