Illas Ashmore e Cartier

Las illas d'Ashmore e de Cartier son un territòri australian inabitat dins l’èst de l’Ocean Indian a 320 kilomètres del continent australian e a sonque 170 km de l’illa indonesiana mai pròcha, Rote. La superfícia es de 5 km².

Se compausan de tres estèus:

• las illas d’Ashmore - resèrva naturala dempuèi 1983
• l’illa de Cartier - resèrva naturala dempuèi 2000
• emai l’estèu d’Ibèrnia

L’administracion es fisada per la federacion australiana al Territòri del Nòrd.

Istòria

Las illas foguèron visitadas tre lo sègle XVIII per de pescaires indonesians.

En 1800, lo capitani Nash "descobriguèt" l’illa de Cartier e li donèt lo nom d’una nau.

Samuel Ashmore, lo capitani de la nau Hibernia, naveguèt dins l’Ocean Indian entre 1809 e 1833. Es en 1811 que descobriguèt las illas que pòrtan son nom e lo nom de sa nau.

Las illas d’Ashmore foguèron annexadas pel Reialme Unit en 1878, e l’illa de Cartier en 1909.

Las illas son australianas dempuèi lo 23 de julhet de 1931. En 1938 foguèron metudas jos l’administracion del Territòri del Nòrd.

Referéncias

Estats e territòris de l’Austràlia

Estats Austràlia Meridionala • Austràlia Occidentala • Nòva Galas del Sud (amb l’Illa Norfolk) • Queensland • Tasmania • Victòria Territòris interiors Territòri de la capitala australiana • Territòri del Nòrd • Territòri de la baia de Jervis Territòris exteriors Antartic australian • Territòris Australians de l'Ocean Indian (Illa Christmas • Illas Cocos) • Illa Lord Howe • Illas Ashmore e Cartier • Illas de la Mar de Coralh • Illa Heard e illas McDonald