Kadai
![](http://upload.wikimedia.org/wikipedia/commons/thumb/f/f7/%D0%9C%D0%BE%D0%B6%D0%B6%D0%B5%D0%B2%D0%B5%D0%BB%D1%8C%D0%BD%D0%B8%D0%BA.jpg/220px-%D0%9C%D0%BE%D0%B6%D0%B6%D0%B5%D0%B2%D0%B5%D0%BB%D1%8C%D0%BD%D0%B8%D0%BA.jpg)
Kadai on (lat. Juníperus) on ainosivihandu havvutuhjo, kudai kuuluu Kiparisoin (lat. Cupressaceae) pereheh. Kazvau havvumečikkölöis, segamečikkölöis, kuattuloin meččien kohtal, meččyaholoil, kazvoitunnuzien mägilöin rindehil, jogiloin rannoil, toiči luadiu tuhjožikot.
Ulgonägö
[kohenda | kohenda tekstu]Kadai voi olla kolme metrii korgevuttu. Kukkiu oraskuul. Marjat (käbymarjat) kypsetäh tossuvuon sygyzyl.
Käyttö
[kohenda | kohenda tekstu]Kus kazvau kadajua, ilmu on äijiä puhtahembi. Kadajan marjoi käytetäh tervehytty parandajes. Niilöi käytetäh mavustehennu syömizien varustajes, semmite lihan da linduloinlihan varustajes. Survottuloi marjoi ližätäh soussih, liemeh, suolattuh kapustah, faršah. Kadajan puudu käytetäh karandišoin da käzikeppilöin luadijes. Kylis kadajas luajitah kylyvastoi.
Tervehyöle hyvä
[kohenda | kohenda tekstu]Kadaimarjois luajittu juomine on hyvä tervehyöle, se on kustuvedäi da hyvä nahkua parandai. Kadajas luajittuu voidu käytetäh revmatizmah, nevralgieh, sivuloin kiviständäh. Juurii käytetäh keuhkoloin taudiloih. Oksilois keitetty juomine avvuttau allergies.