Islanan Las Aves
Parti di | Leeward Islands, Antias Menor ![]() |
---|---|
Nomber ofisial | Las Aves, Las Aves ![]() |
Nòmber nativo | Archipiélago Las Aves, Archipiélago Las Aves ![]() |
Pais | Venezuela ![]() |
Situá na teritorio administativo | Federal Dependencies ![]() |
Zona di tempu | UTC−04:30 ![]() |
Lokalisá na | Karibe ![]() |
Situá den of banda di | Oceano Atlantiko, Laman Karibe ![]() |
Koordinato geográfiko | 12°0′0″N 67°40′0″W ![]() |
Punto mas altu | Aves de Sotavento ![]() |
![Map](https://maps.wikimedia.org/img/osm-intl,10,12,-67.666666666667,266x266.png?lang=pap&domain=pap.wikipedia.org&title=Islanan_Las_Aves&revid=105335&groups=_dfa70703e8e815737c986733337be2265c3c1d50)
Islanan Las Aves ta un archipiélago intakto den Laman Karibe, i ta parti di e Dependensia Federal di Venezuela. E ta situá panort di e estadonan venezolano di Aragua i Carabobo, entre e isla hulandes Boneiru na west i Islanan Los Roques na ost. E pilar ekonómiko prinsipal di e islanan ta peska.
Historia
[editá | editá fuente]Na 1678 e islanan tabata e lugá di un gran viktoria hulandes riba e fransesnan. Ora un flota franses, bou mando di almirante Jean d'Estrées, tabata na kaminda pa kapturá e isla hulandes serkano di Kòrsou, esaki a ser despistá pa e refnan di e Islanan Las Aves di Sotovento pa un forsa chikitu di tres barku hulandes. Ora e barku di D'Estrees a dal e ref, el a dispará kañonnan pa avisa e barkunan su tras. Sinembargo, nan a interpreta ku e señal tabata nifika ku e tabata bou di atake, pa kual nan a kore bai na su ayudo, i di e mesun manera nan a dal den e refnan.
![](http://upload.wikimedia.org/wikipedia/commons/thumb/c/cc/Jean_d%27Estr%C3%A9es.png/140px-Jean_d%27Estr%C3%A9es.png)
E flota di 13 boto di Fransia a keda pèrdí komo resultado di e entusiasmo di e almirante pa bringa. E sobrebibientenan no a haya awa dushi riba e islanan. Nan a purba di sobrebibí ku e barínan di biña i karni salo, ku a alkansa tera. Pero e provishonnan aki a kaba i finalmente nan a muri. E almirante tabata un di e pokonan ku a ser reskatá. Na Kòrsou, tabata tene te den siglo 18 un dia di gradisimentu pa konmemorá e suerte di e isla pa skapa di un devastashon franses.
Islanan Las Aves tabata wòrdu konsiderá pa e hulandesnan komo parti di nan poseshonnan den West India. Na De Nederlandsche West-Indische Eilanden (Amsterdam, 1836), Marten Douwes Teenstra a skirbi "E gobièrnu di Kòrsou ta inkluí tambe e islanan chikitu inhabitá i e barankanan di Klein Kòrsou, Aves, Roques i Orchilla."
Na 1978 Venezuela i Reino Hulandes a fiha e limitenan marítimo entre e Dependensianan Federal i Antias Hulandes den Laman Karibe.[1]
Referensia
|