Christian

Questa pagina è scritta en sursilvan.

Cristian ei in prenum masculin. La varianta feminina ei Cristina.

Derivonza e muntada

Il num deriva da Christianos ‚Adherent da Christi‘; quei plaid va anavos sin Χριστός, Christós, la translaziun per moschiach ‚messias, igl unschiu‘, manegiau ei Jesus da Nazaret. Sco expressiun per ‚cristifideivels‘ en general cumpara quei num suenter igl apiestel Lucas ell'Antiochia e sederasa leu sco prenum.

Il prenum ei programatics ed indichescha ch'il purtader ei attaschaus al cristianissem. Variantas femininas ein sper Cristina, Christgina e Stina.

Derasaziun

Il num ei gia vegnius derasaus baul ell'Europa, ei lu denton puspei staus meins populars, denton adina presents.

Ina renaschientscha ha il num gudiu suenter la reformaziun, cunquei ch'il num era neutrals e sedifferenziava dils tipics nums suenter sogns. Il num rinforza l'idea evangelica da suandar sulet a Jesus Cristus e suttastreha cunquei in'impurtonta idea dil protestantissem.

Variantas

• Christian
• Cristian
• Crest
• Hist
• Hitsch
• Rest
• Tan
• Tani
• Tgani

Persunas

• Cristian de Castelberg, 1532-1584, Mustér. Avat.
• Tani Dolf, 1913-1999, Vargistagn. Autur.
• Christian Rathgeb, *1970, Razegn. Politicher.
• Stina Hendry, *1999, Vella. Autura.

Trivia

L'expressiun romontscha per igl esser human ‹carstgaun (surs.), carstgàn (suts.), carstgang (surm.)› deriva da ‹cristian›.