Андре Бретон
Андре Бретон | |
---|---|
André Breton | |
André Breton - photo Henri Manuel.jpg | |
![]() | |
Фото з року 1924 | |
Уроджѣня | Андре Роберт Бретон фебруара 19., 1896 Теншбре, департамент Орн, Франция |
Умертя | септембра 28., 1966 (70 р.) Париж |
Погреб | Батіньйоль |
Псевдоним | Breton, André |
Занятя | поет, писатель |
Язык творох | французькый |
Горожанство | Франція |
Реліґія | атеізм |
Час творбы | 1916–1965 |
Тренд | надреализм |
Дѣти | Aube Elléouët |
Вызначны роботы | Манифест надреализма, 1924–30 Надя, 1928, Збѣсна любовь, 1937 Антология чорного гумора, 1940–50 |
![]() | |
VIAF:49222341, 2232158915919250000000; GND:118515187; LCCN:n80036675; FAST:52353; BNF:118939509; NLKR/NLC:jn19990001080; OL:OL4279975A;
|
Андре́ Брето́н, фр. André Breton; *19. фебруар 1896, Теншбре, Франция — †28. септембер 1966, Париж) — французскый писатель и поет, закладатель надреализма.[1]
Биография
[едітовати | едітовати жрідло]Походив з родины комерсанта. Учив ся на Инштитутѣ психологии и хирургии в Парижу, але не докончив штудии.[2] Яко штудент медицины в року 1914 мобилизованый до войска. В рокы войны зблизив ся з Г. Аполлинером. Захваченый фройдизмом, Бретон зчасти на его основѣ выпрацовав теорию надреализма.[3] В року 1927 вступив до комунистичной партии,[2] але в року 1935 быв выказаный за подтримку троцкизма,[3] при том ся дале зостав при марксистичных поглядах.[1]
Перед окупациев Франции нацистами утѣк до США (1940), вернув ся року 1946.[1] Быв участником лѣворадикалных рухох, в року 1960 подписав Манифест 121 против колониализма.[3]
Творба
[едітовати | едітовати жрідло]- Теория надреализма
- В року 1920 в коавторствѣ з Филиппом Супо опубликовав Магнетичны поля (Les Champs magnétiques), написаны надреалистичнов техников автоматичного писаня.[1][2] В 1920–30-х роках редаговав надреалистичны часописы, написав Манифест надреализма (Manifeste du surréalisme, 1924), Другый манифест надреализма (Second manifeste du surréalisme, 1930), чим став ся ведучым теоретиком надреализма.[3]
- Умѣлецка проза и поезия
- Умѣлецкы дѣла Бретона — его прозы Надя (Nadja, 1928), Збѣсна любовь (L’amour fou, 1937) и вершы Вольный союзок (L’union libre, 1931), Сива пиштоля (Le revolver à cheveux blancs, 1932) и др. — одповѣдно з его теориев суть мѣшанков реалиты з образами хворой фантазии.[3]
- Повойнова творба
- По войнѣ Бретон перевыдав заказану в року 1941 Антологию чорного гумора (Anthologie de l'humour noir, 1940–50). В его повойновой поезии змоцнѣли филозофичны и окултны тоны: Ода Шарлю Фурье (Ode á Charles Fourier, 1947), Знак здвигу (Signe ascendant, 1949) и др. Публикуе тыж генерализуючы теоретичны книгы: Надреализм и малярство (Le surrealisme et la peinture,1928–65), Чародѣйне умѣня (L'art magique, 1957, в коавторствѣ з Ж. Леграном).[2]
Жерела и одказы
[едітовати | едітовати жрідло]- Гальцова Е. Д. Бретон // Большая российская энциклопедия. Том 4. Москва, 2006, с. 198 Верзия:2016 Одчитане: 09.09.2020 русс.
- Ильинская О. И. Бретон // Краткая литературная энциклопедия / Гл. ред. А. А. Сурков. — М.: Сов. энцикл., 1962–1978. Т. 1: Аарне – Гаврилов. — 1962. — Сс. 733–734. Одчитане: 09.09.2020 русс.
- André Breton. Encyclopædia Britannica. February 14, 2020. https://www.britannica.com/biography/Andre-Breton. [перевірено 2020-09-09].англ.