Падуа
Главный город провинции Падуа
Падуа
Padova ит.
|
Падуа, ит. Padova — главный город провинции Падуа в регионѣ Венето на сѣверовыходѣ Италии з обывательством 212 224 особы (апрѣль 2019).[1]
Покровителями города ся поважують Святый Антоний и евангелиста Лука, святый апостол. Первый ту умер и спочивать в криптѣ базиликы Santo Antonio, другого мощи суть перенесены до базиликы Santa Giustina. День города ославують 13. юна.
Полога
[едітовати | едітовати жрідло]Лежить на Венецийской низинѣ, о 20 км на запад од Венецийской лагуны. Про свою выгодну пологу в сучасности стала ся важным транспортным и логистичным центром. Еден з найвекшых желѣзничных узлох: одты ся розходять на четыри стороны двоколейовы електрификованы линии. Узел автодорог. Сплавныма про шифы каналами звязана з морьом. Мать ай летиско, але тото служить лем про домашны бизнесовы и медицинскы перевозкы.[2]
История
[едітовати | едітовати жрідло]Римский Patavium (Патавия) первый раз споминать под роком 302 до н. е. римскый историк Ливий, котрый ся там родив (59 до н. е.).[3]
В часѣ Другой Пунской войны Патавия была по боку Римской републикы. В року 408 была спустошена Визиготами под велительством Аларика I.[2]
Вельо разы переходила из рук в рукы. Од року 1222, коли ту основана универзита, друга найстарша в Италии по болоньской, ставать ся научным центром. В року 1231 ту умер Святый Антоний Падуанскый, котрый наступного року быв канонизованый. В сучасности Святый Антоний е покровительом Падуи, знаменита базилика Santo Antonio (1232–1307), де святый спочивать в криптѣ, ся бечелуе меджи найвекшыма архитектурныма памятниками своей добы, а Падуа меджи головнѣйшыма одпустовыма мѣстами.[3]
Ботанична загорода Падуи, основана в року 1545, ся поважуе за найстаршу в Европѣ. Была створена на пестованя лѣчебных ростлин про медицинску факулту тутешной универзиты. В сучасности записана до списку Свѣтовой дѣдовизны ЮНЕСКО (1997) як памятник ч. 824.[2][3]
Газдовство
[едітовати | едітовати жрідло]Основу газдовства чинить сфера служб: торговля, транспорт, логистика, култура и едукация,туристичный бизнес. Регуларно ся одбывають меджинародны выставкы-торговицѣ. В року1946 в Падуи была створена индустриална зона, в котрой теперь суть около 1300 розличных промысловых фирм зоз сумарным числом затрудненых около 50 тысяч особ, што выробляють продукцию машинарства (желѣзничны вагоны и локомотивы, металообробны и земледѣлскы машины, обладунок про скоряно-обувну выробу, розлична електроника; бициклѣ и моторкы), хемичну, потравинову, полиграфичну продукцию, обув, текстилии, убраня, бутор.[2]
![](http://upload.wikimedia.org/wikipedia/commons/thumb/0/06/Padova-Translohr-2-pass.jpg/290px-Padova-Translohr-2-pass.jpg)
Интересны факты
[едітовати | едітовати жрідло]- На честь города названа планетка (363) Падуа, объявлена в року 1893.
- Падуа мать уникатный городскый трамвай на пневматиках, котрый ся засобуе електричнов енергиов через едну шину; (такый трамвай в Европѣ ещи мать лем французскый Клермон-Ферран).[2]
Жерела и одказы
[едітовати | едітовати жрідло]- Padua. Encyclopedia Britannica. 20 Aug. 2020. https://www.britannica.com/place/Padua-Italy. [перевірено 2022-10-31].англ.
- Асейнов Р. М., Галкина Т. А.. Падуя. // Большая российская энциклопедия. Москва, 2014. Том 25, стр. 53–55. https://old.bigenc.ru/geography/text/2312676.русс.
Референции
[едітовати | едітовати жрідло]- ↑ 1,0 1,1 Демографическая статистика Падуи. Archived from the original on 2021-08-30. https://web.archive.org/web/20210830225640/https://www.padovanet.it/sites/default/files/attachment/La%20demografia%20del%20mese0419.pdf. [перевірено 2022-10-31].
- ↑ 2,0 2,1 2,2 2,3 2,4 Асейнов Р. М., Галкина Т. А.
- ↑ 3,0 3,1 3,2 Encyclopedia Britannica