Aosta
Coordinadas: 45°44′14″N 7°19′14″E / 45.737222°N 7.320556°E
![](http://upload.wikimedia.org/wikipedia/commons/thumb/0/03/Map_of_comune_of_Aosta_%28region_Aosta_Valley%2C_Italy%29.svg/274px-Map_of_comune_of_Aosta_%28region_Aosta_Valley%2C_Italy%29.svg.png)
Aosta (in frantzesu: Aoste) est una comuna italiana de 35.031 abitadores, cabitale de su Badde de Aosta.
S’agatat in unu lutone inghiriadu integramente dae montes artos, pro custa resone est suzeta a unu microcrima particulare, cun caraterìstigas marcadas de continentalidade. In zenerale, sas istajones intermèdias sunt prus curtas ch’in s’abarru de su nordu de s’Itàlia, cando chi siat s’istiu (nostamis de s’artària) siat s’ierru sunt primadios: resurtant totu francu raros sos tempos de caentu tòrridu a s’agabu de maju e sas astragadas fortes in santandria.
Sos istios sunt mediamente caentes e solianos, peroe prus bentilados ch’in s’abarru de su nordu de s’Itàlia (gràssias a sas frinas montaresas) e suzetos a temporadas, mesche in austu: sa mèdia de su mese prus caente (triulas) est de +21.25 grados. Sos ierros sunt zenerarmente fritos (mèdia de ghennarzu: +0,65 grados), peroe prus a prestu mudàbiles de acordu cun sas annadas, cun tempos niosos arternados cun tempos sicos e meda rìzidos. A sa diferèntzia de sos montes inghiriadores, sa proinosidade mèdia de Aosta est bastante iscassa (in sa rezione de 600 millìmetros). Sa resone pro sa cale a s’istiu in Aosta faghet caentu est su matessi pro sa cale faghet caentu in Bortzanu: ambas sunt postas in unu lutone arpesu ch’impeighet su tràmunu de àera.
In Aosta, che in su prus de sa rezione, addae de s’italianu s’allegat su patois, una faeddada chi s’acùrtziat de su frantzesu, limba ufissiale in totu su badde paris cun s’italianu.
Àteros progetos
[modìfica | modìfica su còdighe de orìgine]![]() |
Wikimedia Commons tenet files chi ligant a: Category:Aosta |