Lorena (Frantza)
Coordinadas: 48°36′00″N 6°29′14″E / 48.6°N 6.487222°E
Artìculu in LSC
![](http://upload.wikimedia.org/wikipedia/commons/thumb/2/2e/Rimex-France_location_Lorraine.svg/244px-Rimex-France_location_Lorraine.svg.png)
![](http://upload.wikimedia.org/wikipedia/commons/thumb/b/b6/Flag_of_Lorraine.svg/243px-Flag_of_Lorraine.svg.png)
Sa Lorena (in frantzesu: Lorraine; in tedescu: Lothringen) Est una regione de sa Frantza norte-orientale, fintzas a su 2015 regione amministrativa cun cabulogu in Metz, mancari sa capitale istòrica esseret Nancy. Dae su 1 de ghennàrgiu 2016 est parte de sa nou istituida regione de Grand Est.
Partzida in bator dipartimentos: Mosa, Meuthe e Mosella, Mosella e Vosgos. Tenet istèrrida de 23.547 km² e populatzione de unos 2.243.000 bividores.
Allàcanat in su norti cun Bèlgiu, Lussemburgu e is Land tedescos de Saarland e Renània-Palatinadu, in s'estu cun s'Alsàtzia, in su sud cun sa Franca Contea, in s'ovst cun su Champagne-Ardennas.
Su nùmene de Lorena benit de su re Lotàriu II, fundadore de Lotarìngia, regione chi istoricamente fiat formada che ducadu indipendente suta is ròdias de influèntzia de Frantza e Sacru Impèriu Romanu Germànicu, de su 1048 a su 1766.
Durante su Segundu Reich (1871-1918), una parte de sa regione fiat annessionada a sa Germània, aunida a s'Alsàtzia in su territòriu imperiale de Alsàtzia e Lorena. Torraiat a sa Frantza a s'acabu de sa prima gherra mundiale, pro èssere torrada a perricare in sa segunda gherra mundiale e cunchistada de is nazistas.
Atualmente s'economia de Lorena est isvilupada in relatu istrintu cun su Land de Renània-Palatinadu.
Linguisticamente sa Lorena est partzida in duas partes: su chirru sud-otzidentale est a majoria lorena unu dialetu de su frantzesu, su chirru norti-orientale est a majoria francònia chi est una limba germanica.
Comente in is àteras regiones de minorias linguìsticas de sa Frantza però, intre su de 19 e su de 20 sèculos sa limba francònia est istada fortemente discoidada pro favorèssere s'imparu de su frantzesu. Atualmente b'ant isfortzos pro torrare a dda imparare a is inzènneros noos.
Àteros progetos
[modìfica | modìfica su còdighe de orìgine]![]() |
Wikimedia Commons tenet files chi ligant a: Category:Lorraine |